Health Tips: വണ്ണം കുറയ്ക്കണോ? ബ്രേക്ക്ഫാസ്റ്റിന് കഴിക്കാം ഈ ഭക്ഷണങ്ങള്...
Synopsis
ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണമാണ് പ്രാതൽ. ഒരു ദിവസം മുഴുവന് ഉന്മേഷവും ഊര്ജ്ജവും നിലനിര്ത്തണമെങ്കില് പ്രഭാത ഭക്ഷണം നിര്ബന്ധമായും കഴിക്കണം. പ്രഭാത ഭക്ഷണം മുടക്കിയാല് ഏതാനും മണിക്കൂറുകള് കഴിയുമ്പോള് വിശപ്പ് കൂടുതലായി അനുഭവപ്പെടുകയും ചെയ്യും. ഇത് അമിതാഹാരം കഴിക്കുന്നതിനും തന്മൂലം അമിതവണ്ണത്തിനും കാരണമാവും.
വണ്ണം കുറയ്ക്കാനായി പല വഴികളും പരീക്ഷിക്കുന്നവരുണ്ട്. പട്ടിണി കിടന്നും പ്രഭാത ഭക്ഷണം ഒഴിവാക്കിയും വണ്ണം കുറയ്ക്കാന് ശ്രമിക്കുന്നവരുണ്ട്. എന്നാല് പ്രഭാത ഭക്ഷണം ഒഴിവാക്കുന്നത് പല ആരോഗ്യപ്രശ്നങ്ങള്ക്കും കാരണമാകും. ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണമാണ് പ്രാതൽ. ഒരു ദിവസം മുഴുവന് ഉന്മേഷവും ഊര്ജ്ജവും നിലനിര്ത്തണമെങ്കില് പ്രഭാത ഭക്ഷണം നിര്ബന്ധമായും കഴിക്കണം. പ്രഭാത ഭക്ഷണം മുടക്കിയാല് ഏതാനും മണിക്കൂറുകള് കഴിയുമ്പോള് വിശപ്പ് കൂടുതലായി അനുഭവപ്പെടുകയും ചെയ്യും. ഇത് അമിതാഹാരം കഴിക്കുന്നതിനും തന്മൂലം അമിതവണ്ണത്തിനും കാരണമാവും.
പ്രഭാത ഭക്ഷണം മുടക്കിയാല് വ്യായാമം ചെയ്യാനുള്ള ഊര്ജ്ജവും ഉണ്ടാകില്ല. പോഷകസമൃദ്ധമായ പ്രഭാതഭക്ഷണം വിശപ്പും ഒരു ദിവസം മുഴുവൻ കഴിക്കുന്ന കലോറിയുടെ എണ്ണം കുറയ്ക്കുകയും ചെയ്യുന്നു. അത്തരത്തില് വണ്ണം കുറയ്ക്കാന് ആഗ്രഹിക്കുന്നവര്ക്ക് ബ്രേക്ക്ഫാസ്റ്റിന് കഴിക്കേണ്ട ഭക്ഷണങ്ങള് എന്തൊക്കെയാണെന്ന് നോക്കാം...
ഒന്ന്...
നേന്ത്രപ്പഴം ആണ് ആദ്യമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയിരിക്കുന്നതിനാല് നേന്ത്രപ്പഴം കഴിക്കുന്നത് വിശപ്പ് കുറയ്ക്കാന് സഹായിക്കും. ഒപ്പം വയര് നിറയുകയും ചെയ്യും. ദഹനപ്രക്രിയ സുഗമമാക്കാനും ശരീരത്തിലെ നല്ല ബാക്ടീരിയയുടെ പ്രവര്ത്തനം മെച്ചപ്പെടുത്താനും ഇതുവഴി കഴിയും. ഇവയില് അടങ്ങിയിരിക്കുന്ന കാര്ബോഹൈഡ്രേറ്റ് എനര്ജി നല്കുക മാത്രമല്ല ശാരീരികക്ഷമത വർധിപ്പിക്കുകയും ചെയ്യും. ഇത് അധിക കലോറി കത്തിച്ചു കളയും. പൊട്ടാസ്യം ധാരാളമടങ്ങിയ നേന്ത്രപ്പഴം രക്തസമ്മര്ദ്ദം കുറയ്ക്കാനും സഹായിക്കും.
രണ്ട്...
മുട്ടയാണ് രണ്ടാമതായി ഈ പട്ടികയില് ഉള്പ്പെടുന്നത്. പ്രോട്ടീനുകളുടെ കലവറയാണ് മുട്ട. ഒരു മുട്ടയിൽ ആറ് ഗ്രാം പ്രോട്ടീനാണ് അടങ്ങിയിരിക്കുന്നത്. കലോറി വളരെ കുറവുമായതിനാല് വണ്ണം കുറയ്ക്കാന് ആഗ്രഹിക്കുന്നവര്ക്ക് കഴിക്കാവുന്ന ഭക്ഷണമാണിത്.
മൂന്ന്...
സ്ട്രോബെറി, ബ്ലൂബെറി, ബ്ലാക്ക്ബെറി തുടങ്ങിയ ബെറി പഴങ്ങള് പ്രഭാത ഭക്ഷണത്തില് ഉള്പ്പെടുത്തുന്നതും നല്ലതാണ്. ഫൈബറും ആന്റിഓക്സിഡന്റുകളും ധാരാളം അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കുകയും ചെയ്യും. കലോറി കുറവായതിനാല് ഇവ വണ്ണം കുറയ്ക്കാന് ആഗ്രഹിക്കുന്നവര്ക്ക് കഴിക്കാവുന്നതാണ്.
നാല്...
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഹൈ പ്രോട്ടീൻ ബ്രേക്ക്ഫാസ്റ്റ് ആണ് ഓട്സ്. ഇവ വിശപ്പിനെ നിയന്ത്രിക്കാന് സഹായിക്കും.
അഞ്ച്...
യോഗര്ട്ടാണ് അഞ്ചാമതായി ഈ പട്ടികയില് ഉള്പ്പെടുന്നത്. പ്രോട്ടീനും കുറഞ്ഞ പഞ്ചസാരയും അടങ്ങിയിട്ടുള്ള ഇവ വണ്ണം കുറയ്ക്കാന് ആഗ്രഹിക്കുന്നവര്ക്ക് പ്രഭാത ഭക്ഷണത്തില് ഉള്പ്പെടുത്താം. ഇവ ശരീരത്തിൽ അടിഞ്ഞ് കിടക്കുന്ന കൊഴുപ്പ് കുറയ്ക്കാൻ സഹായിക്കുന്നു. നൂറ് ഗ്രാം തൈരിൽ 56 കലോറി മാത്രമാണ് അടങ്ങിയിട്ടുള്ളത്.
ആറ്...
രാവിലെ മുളപ്പിച്ച ധാന്യങ്ങളും പയറുവർഗങ്ങളും കഴിക്കുന്നതും ശരീരഭാരം നിയന്ത്രിക്കാന് സഹായിക്കും. മഗ്നീഷ്യവും പ്രോട്ടീനുകളും നാരുകളും ഇവയില് ധാരാളമായി അടങ്ങിയിട്ടുണ്ട്. ശരീരഭാരം കുറയ്ക്കാനും ദഹനസംബന്ധമായ അസുഖങ്ങൾ കുറയ്ക്കാനും ഇവ സഹായിക്കും.
ഏഴ്...
നട്സുകളാണ് അടുത്തത്. ഇവയില് നാരുകൾ, പ്രോട്ടീൻ, ആരോഗ്യകരമായ കൊഴുപ്പുകൾ എന്നിവ ധാരാളം അടങ്ങിയിട്ടുണ്ട്. അതിനാല് ഇവ രാവിലെ കഴിക്കുന്നത് വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും.
എട്ട്...
ഗ്രീന് ടീ കുടിച്ചാല് ശരീര ഭാരം കുറയ്ക്കാനാവുമെന്നാണ് പഠനങ്ങൾ പറയുന്നത്. ആന്റി ഓക്സിഡന്റുകള് ധാരാളം അടങ്ങിയ ഗ്രീന് ടീ വെറുംവയറ്റിലോ പ്രഭാതഭക്ഷണത്തോടൊപ്പമോ കുടിക്കാം.
ശ്രദ്ധിക്കുക: ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam