അമിതമായി പഴങ്ങൾ കഴിച്ചാൽ ബ്ലഡ് ഷു​ഗർ അളവ് കൂടുമോ?

സ്വാഭാവികമായും ഉയർന്ന അളവിൽ പഞ്ചസാര അടങ്ങിയ മാമ്പഴത്തിന്റെ കാര്യത്തിൽ ഇത് പ്രത്യേകം ബാധകമാണ്. അമിതമായി മാമ്പഴം കഴിക്കുന്നത് രക്തത്തിലെ പഞ്ചസാരയുടെ അളവ് പെട്ടെന്ന് ഉയരാൻ കാരണമാകുമെന്നാണ് 'ഫുഡ്സ്' (Foods) എന്ന ജേണലിൽ പ്രസിദ്ധീകരിച്ച പഠനത്തിൽ സൂചിപ്പിക്കുന്നത്. പ്രമേഹം ബാധിച്ചവർക്ക് ഇത് അപകടകരമാണ്.

പഴങ്ങൾ പൊതുവേ ആരോ​ഗ്യകരമായ ഭക്ഷണമാണ്. ഒരേസമയം ധാരാളം പഴങ്ങൾ കഴിക്കുന്നത് ശരീരത്തിന് ലഭിക്കുന്ന ആരോഗ്യഗുണങ്ങൾ വർദ്ധിപ്പിക്കുമെന്ന് പലരും കരുതുന്നു. എന്നാൽ ഇത് ശരിയല്ല. കാരണം, അമിതമായി പഴങ്ങൾ കഴിക്കുന്നത് അവയിൽ സ്വാഭാവികമായി അടങ്ങിയിട്ടുള്ള പഞ്ചസാരയുടെ അളവ് വർദ്ധിപ്പിക്കാൻ കാരണമാകും.

സ്വാഭാവികമായും ഉയർന്ന അളവിൽ പഞ്ചസാര അടങ്ങിയ മാമ്പഴത്തിന്റെ കാര്യത്തിൽ ഇത് പ്രത്യേകം ബാധകമാണ്. അമിതമായി മാമ്പഴം കഴിക്കുന്നത് രക്തത്തിലെ പഞ്ചസാരയുടെ അളവ് പെട്ടെന്ന് ഉയരാൻ കാരണമാകുമെന്നാണ് 'ഫുഡ്സ്' (Foods) എന്ന ജേണലിൽ പ്രസിദ്ധീകരിച്ച പഠനത്തിൽ സൂചിപ്പിക്കുന്നത്. പ്രമേഹം ബാധിച്ചവർക്ക് ഇത് അപകടകരമാണ്.

സ്വാഭാവികമായി ലഭിക്കുന്ന പഴങ്ങളിലെ പഞ്ചസാരയും രക്തത്തിലെ പഞ്ചസാരയെ വ്യത്യസ്ത രീതികളിൽ ബാധിക്കുമെന്ന് മനസ്സിലാക്കേണ്ടത് പ്രധാനമാണ്. മാമ്പഴത്തിലെ സ്വാഭാവിക പഞ്ചസാര ശരീരത്തിന് ഗുണം ചെയ്യും. പക്ഷേ നിയന്ത്രിത അളവിൽ മാത്രം. അതുകൊണ്ടാണ് ഒരേസമയം അമിതമായി കഴിക്കുന്നത് രക്തത്തിലെ പഞ്ചസാരയുടെ വർദ്ധനവിനും തകർച്ചയ്ക്കും കാരണമാകുന്നത്. ഇത് ദഹനം മന്ദഗതിയിലാക്കുകയും ഊർജ്ജ നില കുറയുകയും ചെയ്യും.

മാമ്പഴം പോലുള്ള പഴങ്ങളിൽ 20 മുതൽ 25 ഗ്രാം വരെ പ്രകൃതിദത്തമായ പഞ്ചസാര അടങ്ങിയിട്ടുണ്ട്. ഇത് ദിവസവും 4 മുതൽ 5 ടീസ്പൂൺ വരെ പഞ്ചസാര കഴിക്കുന്നതിന് തുല്യമാണ്. അതിനാൽ, ഇതനുസരിച്ച് വേണം ഭക്ഷണക്രമം ക്രമീകരിക്കാൻ. പ്രതിദിനം 2,000 കലോറി എന്ന അളവിൽ ഭക്ഷണം കഴിക്കുമ്പോൾ, സുരക്ഷിതവും ആരോഗ്യകരവുമായ തോതിൽ പഞ്ചസാരയുടെ അളവും ക്രമീകരിക്കേണ്ടതുണ്ടെന്ന് നാഷണൽ ഇൻസ്റ്റിറ്റ്യൂട്ട് ഓഫ് ന്യൂട്രീഷൻ വ്യക്തമാക്കുന്നു.

മാമ്പഴം പോലുള്ള പഴങ്ങളിൽ സ്വാഭാവിക പഞ്ചസാര അടങ്ങിയിട്ടുണ്ട്. കൂടാതെ, നാരുകൾ, വിറ്റാമിനുകൾ, ധാതുക്കൾ, ആന്റിഓക്‌സിഡന്റുകൾ എന്നിവയും പഴങ്ങളിലുണ്ട്. മാമ്പഴം മുഴുവനായി കഴിക്കുമ്പോൾ അതിലെ നാരുകൾ പഞ്ചസാരയുടെ ആഗിരണത്തെ മന്ദഗതിയിലാക്കുന്നു.

അമിതമായി പഴങ്ങൾ കഴിക്കുന്നത് രക്തത്തിലെ പഞ്ചസാരയുടെ അളവ് വർദ്ധിപ്പിക്കാൻ കാരണമായേക്കാം. രക്തത്തിലെ പഞ്ചസാരയുടെ അളവിലുണ്ടാകുന്ന മാറ്റങ്ങളെ നിർണ്ണയിക്കുന്നതിൽ പ്രധാന പങ്ക് വഹിക്കുന്നത് കഴിക്കുന്ന പഴത്തിന്റെ അളവാണ്.

പ്രീ-ഡയബറ്റിക് അവസ്ഥയിലുള്ളവരോ ടൈപ്പ്-1 അല്ലെങ്കിൽ ടൈപ്പ്-2 പ്രമേഹം ബാധിച്ചവരോ പഴങ്ങൾ കഴിക്കുമ്പോൾ പ്രത്യേക ശ്രദ്ധ പുലർത്തേണ്ടതുണ്ട്. പഴങ്ങൾ ആരോഗ്യത്തിന് അത്യന്താപേക്ഷിതമാണെങ്കിലും, അവയിൽ നിന്ന് ശരിയായ പ്രയോജനം ലഭിക്കുന്നതിന് കഴിക്കുന്ന അളവ് കൃത്യമായി ക്രമീകരിക്കേണ്ടതുണ്ടെന്ന് വിദ​ഗ്ധർ പറയുന്നു.