ഉയർന്ന പ്രോട്ടീൻ അടങ്ങിയ പ്രഭാതഭക്ഷണം കഴിക്കുന്നത് ശ്രദ്ധ, ഓർമ്മശക്തി എന്നിവ കൂട്ടാൻ സഹായിക്കുമെന്ന് പഠനം

ഉയർന്ന പ്രോട്ടീൻ അടങ്ങിയ പ്രഭാതഭക്ഷണങ്ങൾ രാവിലെ അനാരോഗ്യകരമായ ഭക്ഷണങ്ങൾ കഴിക്കാനുള്ള സാധ്യത കുറയ്ക്കുകയും ചെയ്യും. ഇത് ഭാരം നിയന്ത്രിക്കാനും ഭക്ഷണത്തിന്റെ ഗുണനിലവാരം മെച്ചപ്പെടുത്താനും സഹായിക്കും.

പോഷകസമൃദ്ധമായ പ്രഭാതഭക്ഷണം കഴിക്കുന്നത് ദിവസം ഊർജത്തോടെ ആരംഭിക്കാൻ സഹായിക്കും. പ്രോട്ടീൻ പ്രഭാതഭക്ഷണത്തിന്റെ ഭാഗമായിരിക്കേണ്ട ഒരു അവശ്യ മാക്രോ ന്യൂട്രിയന്റാണ്. ഉയർന്ന പ്രോട്ടീൻ അടങ്ങിയ പ്രഭാതഭക്ഷണം ഒന്നിലധികം വിധങ്ങളിൽ ആരോഗ്യത്തിന് ഗുണം ചെയ്യും. 

കാർബോഹൈഡ്രേറ്റുകളേക്കാൾ പ്രോട്ടീൻ ദഹിക്കാൻ കൂടുതൽ സമയമെടുക്കും. ഇത് കൂടുതൽ സ്ഥിരമായ ഊർജ്ജം പുറത്തുവിടുന്നതിലേക്ക് നയിക്കുന്നു. ഉയർന്ന പ്രോട്ടീൻ അടങ്ങിയ പ്രഭാതഭക്ഷണം കഴിക്കുന്നത് ഓർമ്മശക്തി കൂട്ടാൻസ സഹായിക്കുമെന്ന് പഠനങ്ങൾ പറയുന്നു. 

ഉയർന്ന പ്രോട്ടീൻ അടങ്ങിയ പ്രഭാതഭക്ഷണങ്ങൾ രാവിലെ അനാരോഗ്യകരമായ ഭക്ഷണങ്ങൾ കഴിക്കാനുള്ള സാധ്യത കുറയ്ക്കുകയും ചെയ്യും. ഇത് ഭാരം നിയന്ത്രിക്കാനും ഭക്ഷണത്തിന്റെ ഗുണനിലവാരം മെച്ചപ്പെടുത്താനും സഹായിക്കും. കൂടാതെ, പേശികളുടെ വളർച്ചയ്ക്കും പ്രോട്ടീൻ സഹായിക്കുമെന്നും ആരോ​ഗ്യ വിദ​ഗ്ധർ ചൂണ്ടിക്കാട്ടുന്നു.

ഉയർന്ന പ്രോട്ടീൻ അടങ്ങിയ പ്രഭാതഭക്ഷണങ്ങൾ ശ്രദ്ധ കേന്ദ്രീകരിക്കാനും സഹായിക്കുമെന്ന് ആർഹസ് സർവകലാശാലയിൽ നിന്നുള്ള ഗവേഷണങ്ങൾ സൂചിപ്പിക്കുന്നു. ഉയർന്ന കാർബോഹൈഡ്രേറ്റ് അല്ലെങ്കിൽ പ്രഭാതഭക്ഷണമില്ലാത്ത ദിനചര്യകളെ അപേക്ഷിച്ച് പ്രോട്ടീൻ അടങ്ങിയ പ്രഭാതഭക്ഷണം കഴിക്കുന്നത് ഏകാഗ്രത മെച്ചപ്പെടുത്തുകയും ചെയ്യുന്നു.

ഡോപാമൈൻ, നോർപിനെഫ്രിൻ എന്നിവയുൾപ്പെടെയുള്ള ന്യൂറോ ട്രാൻസ്മിറ്റർ ഉൽപാദനത്തെ പ്രോട്ടീൻ സ്വാധീനിക്കുന്നു. ഇവ രണ്ടും ഏകാഗ്രത, ജാഗ്രത, മാനസികാവസ്ഥ നിയന്ത്രണം എന്നിവയിൽ അവശ്യ പങ്ക് വഹിക്കുന്നു. ഉയർന്ന പ്രോട്ടീൻ അടങ്ങിയ ഭക്ഷണം കഴിക്കുന്നത് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താൻ സഹായിക്കും. 

സ്ഥിരമായ രക്തത്തിലെ പഞ്ചസാരയുടെ അളവ് ക്ഷീണത്തിനും കൂടുതൽ നേരം ശ്രദ്ധ കേന്ദ്രീകരിക്കാൻ സഹായിക്കുന്നു. രാവിലെ പ്രോട്ടീൻ കഴിക്കുന്നത് വൈജ്ഞാനിക പ്രവർത്തനങ്ങൾ വർദ്ധിപ്പിക്കുമെന്ന് പഠനങ്ങൾ തെളിയിച്ചിട്ടുണ്ട്.

പ്രോട്ടീൻ സമ്പുഷ്ടമായ പ്രഭാതഭക്ഷണം കഴിച്ച ആളുകൾ, ഉച്ചഭക്ഷണത്തിന് മുമ്പ് നടത്തിയ ഏകാഗ്രതാ പരിശോധനകളിൽ, പ്രഭാതഭക്ഷണം ഒഴിവാക്കിയവരെ അപേക്ഷിച്ച് മികച്ച പ്രകടനം കാഴ്ചവച്ചതായി പഠനത്തിൽ പറയുന്നു.