വളരെ എളുപ്പം തയ്യാറാക്കാം രുചികരമായ സേമിയ കട്‌ലറ്റ് ; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കട്‌ലറ്റ് റെസിപ്പികള്‍. ഇന്ന് സരിത സുരേഷ് തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വേണ്ട ചേരുവകൾ

സേമിയ                                                                                                    2 കപ്പ്

മുളകുപൊടി                                                                                        1 സ്പൂൺ

മഞ്ഞൾപ്പൊടി                                                                                     1/2 സ്പൂൺ

ഗരംമസാല                                                                                            1 സ്പൂൺ

ഉപ്പ്                                                                                                              1 സ്പൂൺ

പച്ചമുളക്                                                                                                 2 എണ്ണം

ഇഞ്ചി വെളുത്തുള്ളി പേസ്റ്റ്                                                            1  സ്പൂൺ

കുരുമുളകുപൊടി                                                                               1 സ്പൂൺ

എണ്ണ                                                                                                            4  സ്പൂൺ

മുട്ട                                                                                                                2  എണ്ണം

ഉരുളക്കിഴങ്ങ്                                                                                          3 എണ്ണം

ബ്രഡ് ക്രംസ്                                                                                              1  കപ്പ്

തയ്യാറാക്കുന്ന വിധം

സേമിയ ആദ്യം നല്ലപോലെ ഒന്ന് വേവിച്ചെടുക്കാം. വേവിച്ചതിനു ശേഷം ഉടനെ തന്നെ തണുത്ത വെള്ളത്തിലേക്ക് ഇട്ട് നല്ലപോലെ ഇതിനെ കഴുകിയെടുത്തതിനുശേഷം ഇതിലേക്ക് ഉരുളക്കിഴങ്ങ് ആവശ്യത്തിന് കുരുമുളകുപൊടി, മഞ്ഞൾപൊടി, ഗരം മസാല, ഉപ്പ്, പച്ചമുളക്, ഇഞ്ചി , വെളുത്തുള്ളി എന്നിവ ചേർത്ത് നല്ലപോലെ മിക്സ് ചെയ്ത് യോജിപ്പിച്ച് കുറച്ച് നാരങ്ങാനീരും ചേർത്തു നന്നായി കുഴച്ചെടുക്കുന്നതിനു ശേഷം ചെറിയ ഉരുളകളാക്കി എടുക്കുക. ഇനി മുട്ടയും കുരുമുളക് നല്ലപോലെ ഒന്ന് അടിച്ചെടുക്കുക. അതിനുശേഷം ഈ തയ്യാറാക്കി വച്ചിട്ടുള്ള മിക്സിന് ചെറിയ ഉരുളകളൊക്കെ എടുത്ത് ഒന്ന് കൈകൊണ്ട് പരത്തി ഒരു മുട്ടയിലും മുക്കിയതിനു ശേഷം ബ്രെഡ് ക്രംസിലേക്ക് മുക്കി എണ്ണയിലേക്ക് വറുത്തെടുക്കാവുന്നതാണ്.