ദിവസവും ഓറഞ്ച് കഴിക്കുന്നത് കരളിന് ഗുണം ചെയ്യുമോ? പുതിയ പഠനം പറയുന്നത്

30- 65 വയസ്സ് പ്രായമുള്ള നോൺ - ആൽക്കഹോളിക് ഫാറ്റി ലിവർ രോഗമുള്ള 60 ആളുകളിലാണ് പഠനം നടത്തിയത്. പങ്കെടുക്കുന്നവരെ രണ്ട് വിഭാഗങ്ങളായി വിഭജിച്ചു.

നഗരപ്രദേശങ്ങളിൽ താമസിക്കുന്ന ഇന്ത്യക്കാരിൽ മൂന്നിൽ ഒരാൾക്ക് ഫാറ്റി ലിവർ ബാധിക്കുന്നതായി പഠനങ്ങൾ പറയുന്നു. പ്രമേഹവും അമിതവണ്ണവുമായി അതിന്റെ ലക്ഷണങ്ങൾ ശക്തമായി ബന്ധപ്പെട്ടിരിക്കുന്നതിനാൽ മെഡിക്കൽ പരിശോധനയിലൂടെ മാത്രമേ ഇത് കണ്ടെത്താനാകൂ. ഫാറ്റി ലിവർ ഉള്ളവർ മിതമായ അളവിൽ ഓറഞ്ച് കഴിക്കുന്നത് ഗുണം ചെയ്യുമെന്ന് പുതിയ പഠനത്തിൽ പറയുന്നു.

30-65 വയസ്സ് പ്രായമുള്ള നോൺ - ആൽക്കഹോളിക് ഫാറ്റി ലിവർ രോഗമുള്ള 60 ആളുകളിലാണ് പഠനം നടത്തിയത്. പങ്കെടുക്കുന്നവരെ രണ്ട് വിഭാഗങ്ങളായി വിഭജിച്ചു, അതിൽ ഒരു വിഭാഗം 4 ആഴ്ചത്തേക്ക് ദിവസവും 400 ഗ്രാം ഓറഞ്ച് കഴിച്ചു. മറ്റൊരു വിഭാ​ഗം കഴിച്ചില്ല.

നാഷണൽ ഇൻസ്റ്റിറ്റ്യൂട്ട് ഓഫ് ഗ്യാസ്ട്രോഎൻട്രോളജിയുടെ ന്യൂട്രീഷൻ ക്ലിനിക്കിൽ പഠനം പ്രസിദ്ധീകരിച്ചു.

ഓറഞ്ച് പതിവായി കഴിക്കുന്നത് കരളിൽ കൊഴുപ്പ് അടിഞ്ഞുകൂടുന്നത് കുറയ്ക്കുന്നതിന് സഹായിക്കുന്നു. ആരോഗ്യകരമായ കരൾ കലകൾക്ക് ചുറ്റുമുള്ള കൊഴുപ്പ് അടിഞ്ഞുകൂടുന്നത് കുറയ്ക്കുന്ന ഫ്ലേവനോയ്ഡുകൾ, പോളിഫെനോളുകൾ എന്നിവയാൽ സമ്പന്നമാണ് ഓറഞ്ച്.

കൊഴുപ്പ് രാസവിനിമയത്തെ പിന്തുണയ്ക്കുകയും ഓക്സിഡേറ്റീവ് സമ്മർദ്ദം കുറയ്ക്കുകയും ചെയ്യുന്നു, ഇത് കാലക്രമേണ ഫാറ്റി ലിവറിലേക്ക് നയിക്കുന്ന രണ്ട് പ്രധാന കാരണങ്ങളാണ്.

പ്രമേഹമുള്ളവർ ഓറഞ്ച് കഴിക്കുന്നത് ഫാറ്റി ലിവറിന് ഗുണം ചെയ്യും. എന്നാൽ സുരക്ഷിതമായ അളവിൽ കഴിക്കുക. ഓറഞ്ച് പതിവായി ആരോഗ്യകരമായ ഭക്ഷണക്രമത്തിൽ ഉൾപ്പെടുത്തണമെന്നും പോഷകാഹാര വിദഗ്ധൻ ലോവ്നീത് ബത്ര പറയുന്നു. ഉയർന്ന അളവിൽ വിറ്റാമിൻ സി, ആന്റിഓക്‌സിഡന്റുകൾ, ആന്റി-ഇൻഫ്ലമേറ്ററി ഗുണങ്ങൾ ഓറഞ്ചിൽ അടങ്ങിയിട്ടുണ്ട്.

എന്നാൽ, പ്രമേഹരോഗികൾ പഴങ്ങൾ കഴിക്കുന്നതിൽ ശ്രദ്ധാലുവായിരിക്കണം. കാരണം ഓറഞ്ച് എങ്ങനെ സുരക്ഷിതമായി നിങ്ങളുടെ ഭക്ഷണത്തിന്റെ ഭാഗമാക്കാം എന്നതിന് ഡോക്ടറെ സമീപിക്കുക.