പനീറോ സോയയോ: ശരീരഭാരം കുറയ്ക്കാൻ ഏതാണ് കൂടുതൽ നല്ലത്?

ശരീരഭാരം കുറയ്ക്കാനുള്ള ഭക്ഷണക്രമത്തിൽ പനീർ ഉൾപ്പെടുത്താവുന്നതാണ്. ഇതിൽ നിന്ന് പ്രോട്ടീനും കാൽസ്യം, വിറ്റാമിൻ ബി12 തുടങ്ങിയ പോഷകങ്ങളും ലഭിക്കുന്നു.

ഭാരം കുറയ്ക്കുന്നതിന് പ്രോട്ടീൻ പ്രധാന പങ്കാണ് വഹിക്കുന്നത്. പനീറും സോയ ചങ്ക്സും പ്രോട്ടീൻ ലഭിക്കുന്നതിനുള്ള ജനപ്രിയമായ രണ്ട് സസ്യാഹാരങ്ങളാണ്. എന്നാൽ പോഷകഗുണങ്ങളുടെ കാര്യത്തിൽ ഇവ തമ്മിൽ വലിയ വ്യത്യാസമുണ്ട്. അതിനാൽ, ഇവ രണ്ടും ഭക്ഷണക്രമത്തിലുണ്ടെങ്കിൽ ഭാരം കുറയ്ക്കാൻ ഏതാണ് കൂടുതൽ നല്ലത്?

ശരീരഭാരം കുറയ്ക്കാനുള്ള ഭക്ഷണക്രമത്തിൽ പനീർ ഉൾപ്പെടുത്താവുന്നതാണ്. ഇതിൽ നിന്ന് പ്രോട്ടീനും കാൽസ്യം, വിറ്റാമിൻ ബി12 തുടങ്ങിയ പോഷകങ്ങളും ലഭിക്കുന്നു. എന്നാൽ ഒരു കാര്യം പ്രത്യേകം ശ്രദ്ധിക്കേണ്ടതുണ്ട് . സാധാരണ പനീറിൽ ഗണ്യമായ അളവിൽ കൊഴുപ്പും അടങ്ങിയിട്ടുണ്ട്. പനീറിൽ സാധാരണയായി 16-18% വരെ പ്രോട്ടീനും 22-25% വരെ കൊഴുപ്പും അടങ്ങിയിട്ടുണ്ടെന്ന് 'ജേണൽ ഓഫ് ഫുഡ് സയൻസ് ആൻഡ് ടെക്നോളജി'യിൽ പ്രസിദ്ധീകരിച്ച പഠനത്തിൽ പഠനത്തിൽ പറയുന്നു.

അതുകൊണ്ട് പനീർ ഒരു മോശം ഭക്ഷണമാണെന്ന് അർത്ഥമില്ല; കഴിക്കുന്ന അളവ് പ്രധാനമാണെന്ന് മാത്രമേ അതിനർത്ഥമുള്ളൂ. പച്ചക്കറികൾക്കൊപ്പം പനീർ ചേർത്ത് തയ്യാറാക്കുന്ന വിഭവവും, ധാരാളം എണ്ണയോ വെണ്ണയോ ക്രീമോ ഉപയോഗിച്ച് പാകം ചെയ്യുന്ന പനീർ വിഭവവും തമ്മിൽ വലിയ വ്യത്യാസമുണ്ട്.

സോയ ചങ്ക്സ് അല്പം വ്യത്യസ്തമാണ്. കൊഴുപ്പ് നീക്കം ചെയ്ത സോയ മാവിൽ നിന്നാണ് ഇവ നിർമ്മിക്കുന്നത്. അതിനാൽ സ്വാഭാവികമായും ഉയർന്ന അളവിൽ പ്രോട്ടീനും താരതമ്യേന കുറഞ്ഞ അളവിൽ കൊഴുപ്പും ഇവയിൽ അടങ്ങിയിരിക്കുന്നു. സോയ ചങ്ക്സ് ശരീരഭാരം കുറയ്ക്കാൻ സഹായിക്കുന്നു. കാരണം, ഇവയിൽ പ്രോട്ടീനും (100 ഗ്രാം ഉണങ്ങിയതിൽ ഏകദേശം 52 ഗ്രാം) ഡയറ്ററി ഫൈബറും ധാരാളമായി അടങ്ങിയിട്ടുണ്ട്, അതേസമയം കൊഴുപ്പിന്റെ അളവ് വളരെ കുറവുമാണ്.

പനീർ ഇപ്പോഴും തികച്ചും അനുയോജ്യമായ ഒരു തിരഞ്ഞെടുപ്പാണ്. നിങ്ങൾക്ക് പനീർ ഇഷ്ടമാണെങ്കിൽ, അതിൽ നിന്ന് ലഭിക്കുന്ന കാൽസ്യം, വിറ്റാമിൻ ബി12 എന്നിവ പ്രയോജനപ്പെടുത്താൻ സഹായിക്കും. എങ്കിലും, കഴിക്കുന്ന അളവും പാചകത്തിൽ ഉൾപ്പെടുത്തുന്ന ചേരുവകളും ശ്രദ്ധിക്കുക. അതുകൊണ്ട്, ഇവ രണ്ടും താരതമ്യം ചെയ്യുമ്പോൾ, പ്രത്യേകിച്ച് ലളിതമായി പാചകം ചെയ്യുമ്പോൾ, ശരീരഭാരം കുറയ്ക്കാൻ കൂടുതൽ അനുയോജ്യമായത് സോയ ചങ്ക്സ് ആണ്. എന്നാൽ, ശരീരഭാരം കുറയ്ക്കുന്നതിനായി പനീർ പൂർണ്ണമായും ഒഴിവാക്കേണ്ടതില്ല.