കോവിഷീല്ഡ് സുരക്ഷിതം, പാര്ശ്വ ഫലങ്ങള് കണ്ടത് വാക്സിന് കുത്തിവച്ചത് കൊണ്ടല്ലെന്ന് സെറം ഇൻസ്റ്റിറ്റ്യൂട്ട്
Synopsis
എല്ലാ മാര്ഗനിര്ദേശങ്ങളും കര്ശനമായി പാലിച്ചുകൊണ്ടാണ് തങ്ങള് ക്ലിനിക്കല് ട്രയലുകള് നടത്തിയതെന്നും സെറം ഇന്സ്റ്റിറ്റ്യൂട്ട് വ്യക്തമാക്കി.
കൊവിഡ് വാക്സിന് 'കോവിഷീല്ഡ്' സുരക്ഷിതമെന്ന് സെറം ഇൻസ്റ്റിറ്റ്യൂട്ട് ഓഫ് ഇന്ത്യ. വാക്സിന് പരീക്ഷണത്തിന്റെ മൂന്നാം ഘട്ടത്തില് ഡോസ് സ്വീകരിച്ച ചെന്നൈയിലുള്ള സന്നദ്ധ പ്രവര്ത്തകന് പാര്ശ്വഫലങ്ങള് വന്നത് വാക്സിന് തകരാര് കാരണം അല്ലെന്നും സെറം പുറത്തിറക്കിയ പ്രസ്താവനയില് വ്യക്തമാക്കി.
വാക്സിന് സുരക്ഷിതവും രോഗ പ്രതിരോധശേഷിയുളളതാണെന്നും പ്രസ്താവനയില് വ്യക്തമാക്കിയിട്ടുണ്ട്. വാക്സിന് ട്രയലില് പങ്കാളിയായ ചെന്നൈ സ്വദേശിക്കുണ്ടായ ആരോഗ്യപ്രശ്നം അങ്ങേയറ്റം നിര്ഭാഗ്യമായിപ്പോയി. എന്നാൽ, ഇതിന് കാരണം വാക്സിന് സ്വീകരിച്ചതല്ലെന്നും സെറം ഇന്സ്റ്റിറ്റ്യൂട്ട് അധികൃതർ പറഞ്ഞു.
എല്ലാ മാര്ഗനിര്ദേശങ്ങളും കര്ശനമായി പാലിച്ചുകൊണ്ടാണ് തങ്ങള് ക്ലിനിക്കല് ട്രയലുകള് നടത്തിയതെന്നും സെറം ഇന്സ്റ്റിറ്റ്യൂട്ട് വ്യക്തമാക്കി. സെറം ഇൻസ്റ്റിറ്റ്യൂട്ട് ഓഫ് ഇന്ത്യ സന്നദ്ധപ്രവര്ത്തകരുടെ ആരോഗ്യ സ്ഥിതിയോട് അനുഭാവം പുലര്ത്തുന്നു. ആവശ്യമായ എല്ലാ നിയന്ത്രണ, ധാര്മ്മിക പ്രക്രിയകളും മാര്ഗ്ഗനിര്ദ്ദേശങ്ങളും ജാഗ്രതയോടെയും കര്ശനമായും പാലിച്ചുവെന്ന് ഞങ്ങള് വ്യക്തമാക്കാന് ആഗ്രഹിക്കുന്നു.
വിഷയം ബന്ധപ്പെട്ട അധികാരികളെ അറിയിക്കുകയും പ്രിന്സിപ്പല് ഇന്വെസ്റ്റിഗേറ്റര്, ഡിഎസ്എംബി, എത്തിക്സ് കമ്മിറ്റി എന്നിവര് സ്വതന്ത്രമായി പരിശോധിച്ച് വാക്സിന് നല്കിയതിനാലല്ല സന്നദ്ധ പ്രവര്ത്തകന് പാര്ശ്വ ഫലങ്ങള് കണ്ടതെന്നും സ്ഥിരീകരിച്ചിട്ടുണ്ട്. സുരക്ഷിതവും പ്രതിരോധശേഷി വര്ധിപ്പിക്കുന്നതാണെന്നും തെളിയിക്കപ്പെടുന്നില്ലെങ്കില് വാക്സിന് പൊതു ഉപയോഗത്തിനായി പുറത്തിറക്കില്ലെന്ന് എല്ലാവര്ക്കും ഉറപ്പു നല്കാന് ഞങ്ങള് ആഗ്രഹിക്കുന്നു'- സെറം ഇന്സ്റ്റിറ്റ്യൂട്ട് വ്യക്തമാക്കി.
കൊവിഡ് വാക്സിൻ 100 ശതമാനം ഫലപ്രദമെന്ന് മോഡേണ
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam