Migraine: തലവേദന മാറ്റാന് പരീക്ഷിക്കാം ഈ വഴികള്...
Synopsis
അസഹനീയമായ വേദനയുമായി എത്തുന്ന ഒന്നാണ് മൈഗ്രേൻ. വെളിച്ചം കാണുമ്പോള് തോന്നുന്ന ബുദ്ധിമുട്ട്, ഉച്ചത്തിലുള്ള ശബ്ദം, ഛര്ദ്ദി തുടങ്ങിയവയാണ് മൈഗ്രേനിന്റെ പ്രധാന ലക്ഷണങ്ങള്.
പല കാരണങ്ങൾ കൊണ്ടും തലവേദന വരാം. പലപ്പോഴും ഇതിന് ചികിത്സ ആവശ്യമുള്ളതാണ്. എന്നാല് ഭൂരിപക്ഷം തലവേദനകളും വൈദ്യസഹായം ഇല്ലാതെ തന്നെ ഒന്ന് വിശ്രമിച്ചാല് തന്നെ മാറുന്നവയുമാണ്. അതേസമയം, പലരുടെയും ഉറക്കം തന്നെ കെടുത്തുന്ന ഒന്നാണ് മൈഗ്രേൻ. അസഹനീയമായ വേദനയുമായി എത്തുന്ന ഒന്നാണ് മൈഗ്രേൻ. വെളിച്ചം കാണുമ്പോള് തോന്നുന്ന ബുദ്ധിമുട്ട്, ഉച്ചത്തിലുള്ള ശബ്ദം, ഛര്ദ്ദി തുടങ്ങിയവയാണ് മൈഗ്രേനിന്റെ പ്രധാന ലക്ഷണങ്ങള്.
ഇത്തരത്തില് ഉണ്ടാവുന്ന തലവേദന അകറ്റാനുള്ള ചില വഴികള് നോക്കാം...
ഒന്ന്...
മൊബൈല് ഫോണ്, കംപ്യൂട്ടര് എന്നിവയുടെ അമിത ഉപയോഗം ഇന്ന് പലരിലും തലവേദനയുണ്ടാക്കുന്നതിന് കാരണമാകുന്നുണ്ട്. അതിനാല് ഇവയുടെ ഉപയോഗം കുറയ്ക്കാം. പ്രത്യേകിച്ച് രാത്രി മങ്ങിയ വെളിച്ചത്തില് ഫോണ് ഉപയോഗിക്കുന്ന ശീലം പൂര്ണ്ണമായും ഉപേക്ഷിക്കാം.
രണ്ട്...
ചിലര്ക്ക് ചില ഭക്ഷണങ്ങള് കഴിക്കുന്നത് മൈഗ്രേൻ ഉണ്ടാകാം. ചോക്ലേറ്റ്, കഫൈന്, വൈന് തുടങ്ങിയ ചില ഭക്ഷണങ്ങള് കഴിക്കുമ്പോഴാണ് ചിലര്ക്ക് മൈഗ്രേൻ ഉണ്ടാകുന്നത്. അത്തരത്തില് തലവേദന ഉണ്ടാക്കുന്ന ഭക്ഷണങ്ങള് അറിഞ്ഞ് ഒഴിവാക്കുക.
മൂന്ന്...
മദ്യപാനവും ചിലരില് ഇടവിട്ടുള്ള തലവേദനയ്ക്ക് കാരണമാകാറുണ്ട്. അതിനാല് അത്തരക്കാര് മദ്യപാനം ഒഴിവാക്കുക.
നാല്...
സ്ട്രെസ് , ടെന്ഷന്, ദീര്ഘയാത്ര, വെയില് ഏല്ക്കുന്നതുമൊക്കെ പലരിലും തലവേദന ഉണ്ടാക്കാം. ഇത്തരം കാരണങ്ങള് കണ്ടെത്തി അവയില് നിന്നൊക്കെ വിട്ടുനിൽക്കുന്നതാണ് നല്ലത്.
അഞ്ച്...
ശരീരത്തില് വേണ്ടത്ര ജലാംശം ഇല്ലാതെ വരുന്ന സാഹചര്യത്തില് ചിലര്ക്ക് തലവേദന അനുഭവപ്പെടാം. അതിനാല് ധാരാളം വെള്ളം കുടിക്കുക.
ആറ്...
ലാവണ്ടർ ഓയില് തലവേദനയ്ക്ക് ആശ്വാസം നല്കുമെന്നാണ് പഠനങ്ങള് പറയുന്നത്. ഇതിനായി ഒരു ടിഷ്യൂ പേപ്പറില് ഏതാനും തുള്ളി ലാവണ്ടർ എണ്ണ ഒഴിച്ച്, അതിന്റെ മണം ശ്വസിക്കാവുന്നതാണ്.
ഏഴ്...
ഐസ് നിറച്ച പ്ലാസ്റ്റിക് പായ്ക്ക് നെറ്റിയിൽ വയ്ക്കുന്നത് തലവേദന അകറ്റാൻ സഹായിക്കും. ഇതുവഴി നെറ്റിയിലേക്കുളള രക്തപ്രവാഹം വർദ്ധിക്കുന്നു. ഇത് തലവേദന ശമിപ്പിക്കാൻ സഹായിക്കും.
എട്ട്...
ഇഞ്ചിയും തലവേദനയ്ക്ക് ആശ്വാസം നല്കുന്ന ഒരു ഒറ്റമൂലിയാണ്. ചര്ദ്ദി പോലുള്ള പ്രശ്നങ്ങള്ക്കും ഇഞ്ചി ഉപകാരമാകും. ഇതിനായി, ഇഞ്ചി നീരും നാരങ്ങയുടെ നീരും സമാസമം ചേർത്ത് യോജിപ്പിക്കുക. ഇത് ദിവസത്തിൽ രണ്ടു നേരം കുടിക്കാം.
Also Read: തലമുടി കൊഴിച്ചിൽ തടയാം; പരീക്ഷിക്കാം ഈ എട്ട് ഹെയര് മാസ്കുകൾ...
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam