സ്കിന് ക്യാന്സര് സാധ്യത കുറയ്ക്കാന് ശ്രദ്ധിക്കേണ്ട കാര്യങ്ങള്...
Synopsis
അൾട്രാവയലറ്റ് വികിരണം ചർമ്മകോശങ്ങളിലെ ഡിഎൻഎയെ നശിപ്പിക്കുന്നു, ഇത് അനിയന്ത്രിതമായ വളർച്ചയ്ക്കും ക്യാൻസറിന്റെ വികാസത്തിനും കാരണമാകുന്ന മ്യൂട്ടേഷനുകളിലേയ്ക്കും നയിക്കുന്നു. ചര്മ്മത്തിലെ നിറമാറ്റം, രൂപമാറ്റം, ചര്മ്മത്തിലെ മുറിവുകൾ, ചെറിയ പുള്ളികൾ, ചർമ്മത്തിലെ വ്രണം തുടങ്ങിയവയെല്ലാം ഇതിന്റെ ലക്ഷണമാകാം.
ചർമ്മകോശങ്ങളുടെ അസാധാരണ വളർച്ച ഉണ്ടാകുമ്പോൾ ഉണ്ടാകുന്ന ഒരു തരം ക്യാൻസറാണ് സ്കിൻ ക്യാൻസർ. ബേസൽ സെൽ കാർസിനോമ, സ്ക്വാമസ് സെൽ കാർസിനോമ, മെലനോമ എന്നിവയുൾപ്പെടെ വിവിധ തരത്തിലുള്ള ത്വക്ക് അർബുദങ്ങളുണ്ട്.
ത്വക്ക് ക്യാൻസറിനുള്ള പ്രധാന കാരണം സൂര്യനിൽ നിന്നുള്ള അൾട്രാവയലറ്റ് (UV) വികിരണം ആണ്. സൂര്യന്റെ അൾട്രാവയലറ്റ് രശ്മികൾ കോശത്തിന്റെ ഡിഎൻഎയെ നശിപ്പിക്കുന്നതും മൂലവും പ്രതിരോധശേഷി ദുര്ബലമാകുന്നതു മൂലവും സ്കിന് ക്യാന്സര് സാധ്യത കൂടാം. അൾട്രാവയലറ്റ് വികിരണം ചർമ്മകോശങ്ങളിലെ ഡിഎൻഎയെ നശിപ്പിക്കുന്നു, ഇത് അനിയന്ത്രിതമായ വളർച്ചയ്ക്കും ക്യാൻസറിന്റെ വികാസത്തിനും കാരണമാകുന്ന മ്യൂട്ടേഷനുകളിലേയ്ക്കും നയിക്കുന്നു. ചര്മ്മത്തിലെ നിറമാറ്റം, രൂപമാറ്റം, ചര്മ്മത്തിലെ മുറിവുകൾ, ചെറിയ പുള്ളികൾ, ചർമ്മത്തിലെ വ്രണം തുടങ്ങിയവയെല്ലാം ഇതിന്റെ ലക്ഷണമാകാം.
സ്കിന് ക്യാന്സര് സാധ്യത കുറയ്ക്കാന് സ്വീകരിക്കാവുന്ന ചില പ്രതിരോധ കാര്യങ്ങള് എന്തൊക്കെയാണെന്ന് നോക്കാം...
ഒന്ന്...
പരമാവധി സൂര്യപ്രകാശം ഏൽക്കാതിരിക്കാന് ശ്രദ്ധിക്കുക. പ്രത്യേകിച്ച് രാവിലെ 10 മുതൽ വൈകിട്ട് 4 വരെയുള്ള തിരക്കേറിയ സമയങ്ങളിൽ, ദീർഘനേരം സൂര്യപ്രകാശം ഏൽക്കുന്നത് ഒഴിവാക്കുക.
രണ്ട്...
അൾട്രാവയലറ്റ് രശ്മികളിൽ നിന്ന് ചർമ്മത്തെ സംരക്ഷിക്കാൻ സഹായിക്കുന്ന തരം വസ്ത്രങ്ങള് ധരിക്കുക.
മൂന്ന്...
പുറത്ത് പോകുമ്പോൾ ഉയർന്ന എസ് . പി. എഫ് ഉള്ള സൺസ്ക്രീൻ ഉപയോഗിക്കുക. എസ് . പി. എഫ് 30 അല്ലെങ്കിൽ അതിൽ കൂടുതലുള്ള ബ്രോഡ്-സ്പെക്ട്രം സൺസ്ക്രീൻ ചർമ്മത്തില് പുരട്ടുക. കൂടാതെ ഓരോ രണ്ട് മണിക്കൂറിലും ഇവ വീണ്ടും പുരട്ടുക.
നാല്...
നിങ്ങളുടെ ചർമ്മത്തെ സ്വയം പരിശോധിക്കുക. ചെറിയ മറുകുകൾ, പുള്ളികൾ, അല്ലെങ്കിൽ മറ്റ് മാറ്റങ്ങള് എന്നിവ എന്തെങ്കിലും ചര്മ്മത്തില് ഉണ്ടോയെന്ന് പരിശോധിക്കുക.
അഞ്ച്...
സണ്ഗ്ലാസുകള് ധരിക്കുന്നത് അൾട്രാവയലറ്റ് കിരണങ്ങളില് നിന്ന് കണ്ണുകളെ സംരക്ഷിക്കാന് സഹായിക്കും.
ആറ്...
നിങ്ങളുടെ ചർമ്മത്തില് ജലാംശം നിലനിർത്താനും ആരോഗ്യം നിലനിർത്താനും ധാരാളം വെള്ളം കുടിക്കുക. നന്നായി ജലാംശമുള്ള ചർമ്മത്തിന് കേടുപാടുകൾ സംഭവിക്കാനുള്ള സാധ്യത കുറവാണ്.
Also Read: ഹാര്ട്ട് ഫെയിലിയറിന്റെ ഈ ലക്ഷണങ്ങളെ തിരിച്ചറിയാതെ പോകരുത്...