ഗ്യാസ്, നെഞ്ചിരിച്ചിൽ എന്നിവ അലട്ടുന്നുണ്ടോ? എങ്കിൽ രാവിലെ ഈ പാനീയം കുടിക്കുന്നത് പതിവാക്കൂ

Published : Nov 17, 2026, 02:14 PM IST
digestion

Synopsis

വെള്ളരിക്കയും കുതിർത്ത ചിയ സീഡുകളും ഉപയോഗിച്ച് തയ്യാറാക്കാവുന്ന പാനീയം വിവിധ ദഹനപ്രശ്നങ്ങളെ അലട്ടുന്നു.

മോശമായ ഭക്ഷണശീലങ്ങൾ, ക്രമരഹിതമായ ജീവിതശൈലി, ഭക്ഷണത്തിൽ നാരുകളുടെ കുറവ് എന്നിവ പലപ്പോഴും വയറുവീർക്കൽ, ഗ്യാസ്, മലബന്ധം തുടങ്ങിയ ദഹനപ്രശ്നങ്ങൾക്ക് കാരണമാകുന്നു. വെള്ളരിക്കയും ചിയ സീഡും ചേർത്ത ഒരു 'ഡിറ്റോക്സ്' പാനീയം ഉപയോഗിച്ച് ദിവസം ആരംഭിക്കുന്നത് ശരീരത്തെ ഉള്ളിൽ നിന്ന് ശുദ്ധീകരിക്കാനും, ശരീരത്തിന് തണുപ്പ് നൽകാനും, ദൈനംദിന ദഹനപ്രക്രിയ സുഗമമാക്കാനും സഹായിക്കും.

തിരക്കേറിയ ജീവിതശൈലി, എണ്ണയിൽ വറുത്ത ഫാസ്റ്റ് ഫുഡ്, ആവശ്യത്തിന് വെള്ളം കുടിക്കാതിരിക്കുക എന്നിവ കുടലിന്റെ ആരോഗ്യത്തെ ദോഷകരമായി ബാധിക്കുന്നു. ശരീരത്തിൽ മാലിന്യങ്ങൾ അടിഞ്ഞുകൂടുകയും ദഹനപ്രക്രിയ മന്ദഗതിയിലാവുകയും ചെയ്യുമ്പോൾ, അത് പലപ്പോഴും ദൈനംദിന അസ്വസ്ഥതകൾക്കും, ഉന്മേഷക്കുറവിനും, ക്ഷീണത്തിനും കാരണമാകുന്നു.

വെള്ളരിക്കയും കുതിർത്ത ചിയ സീഡുകളും ഉപയോഗിച്ച് തയ്യാറാക്കാവുന്ന പാനീയം വിവിധ ദഹനപ്രശ്നങ്ങളെ അലട്ടുന്നു. എല്ലാ ദിവസവും രാവിലെ വെറും വയറ്റിൽ ഈ പാനീയം കുടിക്കുന്നത് ശരീരത്തിൽ അടിഞ്ഞുകൂടിയ വിഷവസ്തുക്കളെ പുറന്തള്ളാനും, ശരീരം കൂടുതൽ ലഘുവായതായി അനുഭവപ്പെടാനും സഹായിക്കുന്നു.

ശരീരത്തെ ശുദ്ധീകരിക്കുന്ന ഈ പാനീയം തയ്യാറാക്കാൻ എളുപ്പത്തിൽ ലഭ്യമായ ഏതാനും ചേരുവകൾ മതിയാകും. രണ്ട് ടേബിൾസ്പൂൺ ചിയ സീഡ്, പകുതി വെള്ളരിക്ക, ഒരു ചെറിയ കഷ്ണം പൈനാപ്പിൾ, ഒരു സ്പൂൺ നാരങ്ങാനീര്, അയമോദകം എന്നിവ ചേർത്താണ് ഈ പാനീയം തയ്യാറാക്കുന്നത്.

ആദ്യം, രണ്ട് ടേബിൾസ്പൂൺ ചിയ സീഡ് ഒരു ഗ്ലാസ് വെള്ളത്തിലിട്ട് പത്ത് മിനിറ്റ് കുതിർക്കുക. ഇവ ജെൽ രൂപത്തിലാകുന്നത് വരെ കാത്തിരിക്കുക. കുതിർത്ത ചിയ സീഡ്, അരിഞ്ഞ വെള്ളരിക്ക, പൈനാപ്പിൾ, അയമോദകം, നാരങ്ങാനീര് എന്നിവ ചേർത്ത് ഏകദേശം ഒരു മിനിറ്റോളം നന്നായി ബ്ലെൻഡ് ചെയ്തെടുക്കുക.

ധാരാളം നാരുകൾ അടങ്ങിയ ചിയ സീഡ് വെള്ളത്തിൽ കുതിർക്കുമ്പോൾ ഒരു ജെൽ രൂപത്തിലാവുകയും, ഇത് മലവിസർജ്ജനം എളുപ്പമാക്കാൻ സഹായിക്കുകയും ചെയ്യുന്നു. അതേസമയം, വെള്ളരിക്ക ശരീരത്തിന് ജലാംശം നൽകുകയും, ശരീരത്തിന് കുളിർമയേകുകയും, ദഹനവ്യവസ്ഥയെ ഉള്ളിൽ നിന്ന് പുനരുജ്ജീവിപ്പിക്കുകയും ചെയ്യുന്നു.

PREV

ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam

 

Read more Articles on
click me!

Recommended Stories

ലക്ഷണങ്ങളൊന്നും പ്രകടമാകാതെയും 'ഫാറ്റി ലിവർ' ഉണ്ടാകാം; കരളിന്‍റെ ആരോഗ്യം സംരക്ഷിക്കാൻ ചെയ്യേണ്ടത്
ശരീരത്തിൽ ഇരുമ്പിന്റെ അളവ് കൂട്ടാൻ കഴിക്കേണ്ട 7 ഭക്ഷണങ്ങൾ