ഈ ഭക്ഷണങ്ങൾ ഉറക്കക്കുറവിന് കാരണമാകുമെന്ന് പഠനം

ജങ്ക് ഫുഡ് ഉറക്കത്തെ എങ്ങനെ ബാധിക്കുന്നു എന്ന് അടുത്തിടെ ഒരു സംഘം ​ഗവേഷകർ പഠനം നടത്തുകയായിരുന്നു. ഒബിസിറ്റി ജേണലിൽ പഠനം പ്രസിദ്ധീകരിച്ചു. 

ജങ്ക് ഫുഡ് (Junk food) പൊതുവേ ആരോ​ഗ്യത്തിന് നല്ലതല്ലെന്ന് നമ്മുക്കറിയാം. കാരണം ജങ്ക് ഫുഡ് പതിവായി കഴിക്കുന്നത് വിവിധ ആരോ​ഗ്യപ്രശ്നങ്ങൾക്ക് കാരണമാകും. ജങ്ക് ഫുഡ് ഉറക്കക്കുറവിന് കാരണമാകുമെന്നാണ് പുതിയ പഠനം പറയുന്നത്. 
പിസ്സ, ബർഗർ, ഫ്രഞ്ച് ഫ്രൈസ്, ഫിസി ഡ്രിങ്കുകൾ തുടങ്ങിയവയെല്ലാം ജങ്ക് ഫുഡിൽ ഉൾപ്പെടുന്നവയാണ്. 

ജങ്ക് ഫുഡ് ഉറക്കത്തെ എങ്ങനെ ബാധിക്കുന്നു എന്ന് അടുത്തിടെ ഒരു സംഘം ​ഗവേഷകർ പഠനം നടത്തുകയായിരുന്നു. ഒബിസിറ്റി ജേണലിൽ പഠനം പ്രസിദ്ധീകരിച്ചു.

അനാരോഗ്യകരമായ ഭക്ഷണക്രമം ഉറക്കക്കുറവിന് കാരണമാകുന്നതായി ഗവേഷകർ പറയുന്നു. നാം കഴിക്കുന്ന ഭക്ഷണം ആരോഗ്യത്തിന് പ്രധാനമാണെന്ന് സ്വീഡനിലെ ഉപ്സാല സർവകലാശാലയിലെ ഗവേഷകർ പറയുന്നു. ആരോഗ്യകരമായ ഭക്ഷണക്രമം പിന്തുടരുന്നവരെ അപേക്ഷിച്ച് ജങ്ക് ഫുഡ് കഴിച്ചതിന് ശേഷം പങ്കെടുക്കുന്നവരുടെ ഉറക്കത്തിന്റെ ഗുണനിലവാരം മോശമായതായി ഒബിസിറ്റി ജേണലിൽ പ്രസിദ്ധീകരിച്ച പഠനത്തിൽ വ്യക്തമാക്കുന്നു. 

പഠനത്തിൽ പങ്കെടുത്തവരെ 15 പേരെ ദിവസങ്ങളോളം ​ഗവേഷകർ നിരീക്ഷിച്ചു. അവരുടെ ഉറക്ക ശീലങ്ങൾ സാധാരണ നിലയിലാണോ എന്നതുൾപ്പെടെയുള്ള വശങ്ങൾ പരിശോധിച്ചു. അവരുടെ ഉറക്ക രീതി പരിശോധിക്കാൻ, പങ്കെടുക്കുന്നവർക്ക് ക്രമരഹിതമായ ക്രമത്തിൽ രണ്ട് വ്യത്യസ്ത തരം ഭക്ഷണക്രമം നൽകി.

വ്യത്യസ്‌തമായ ഭക്ഷണരീതികളാണെങ്കിലും രണ്ട് ഡയറ്റുകളിലും തുല്യ കലോറിയാണ്. അനാരോഗ്യകരമായ ഭക്ഷണത്തിൽ ഉയർന്ന പഞ്ചസാരയുടെ അംശം, പൂരിത കൊഴുപ്പ്, സംസ്കരിച്ച ഭക്ഷണ പദാർത്ഥങ്ങൾ എന്നിവ ഉൾപ്പെടുത്തി.

പങ്കെടുക്കുന്നവർ ക്രമീകരിച്ച സമയത്ത് ഭക്ഷണം കഴിച്ചു. ഭക്ഷണത്തിനു ശേഷം അവർ ഉറങ്ങുമ്പോൾ അവരുടെ തലച്ചോറിന്റെ പ്രവർത്തനം വിശകലനം ചെയ്തു. ഭക്ഷണക്രമം എന്തുതന്നെയായാലും വ്യക്തികൾ ഒരേ സമയം ഉറങ്ങുന്നത് ഗവേഷകർ ശ്രദ്ധിച്ചു. ഡയറ്റുകൾ മാറിയപ്പോഴും ഉറക്കത്തിന്റെ ദൈർഘ്യം ഒന്നുതന്നെയായിരുന്നു എന്നാണ് ഇതിനർത്ഥം. എന്നാൽ, അനാരോഗ്യകരമായ ഭക്ഷണം കഴിക്കുന്നവരിൽ ഉറക്കക്കുറവ് പ്രശ്നം നേരിടുന്നതായി പഠനത്തിൽ കണ്ടെത്തി.