നിരവധി പോഷകഗുണങ്ങൾ അടങ്ങിയ സൂപ്പർ ഫ്രൂട്ട്; ഇത് ഡയറ്റിൽ ഉൾപ്പെടുത്തൂ

പഴങ്ങളും പച്ചക്കറികളും കഴിക്കുന്നത് ആരോഗ്യം കൂടുതൽ മെച്ചമുള്ളതാകാൻ സഹായിക്കും. നിരവധി പോഷക ഗുണങ്ങൾ അടങ്ങിയതാണ് നെല്ലിക്ക. 

ആരോഗ്യം മെച്ചപ്പെടുത്തുന്നതിന് എന്തെങ്കിലും ഭക്ഷണങ്ങൾ കഴിച്ചതുകൊണ്ട് കാര്യമില്ല. പോഷക ഗുണമുള്ള ഭക്ഷണങ്ങൾ കഴിച്ചാൽ മാത്രമേ നല്ല ആരോഗ്യം ലഭിക്കുകയുള്ളൂ. പഴങ്ങളും പച്ചക്കറികളും കഴിക്കുന്നത് ആരോഗ്യം കൂടുതൽ മെച്ചമുള്ളതാകാൻ സഹായിക്കും. നിരവധി പോഷക ഗുണങ്ങൾ അടങ്ങിയതാണ് നെല്ലിക്ക. ജ്യൂസായും അച്ചാറായും ചട്ണിയിലുമൊക്കെ ചേർത്ത് ഇത് കഴിക്കാവുന്നതാണ്. ദിവസവും നെല്ലിക്ക കഴിക്കുന്നതിന്റെ ആരോഗ്യ ഗുണങ്ങൾ എന്തൊക്കെയാണെന്ന് അറിയാം.

1.പോഷകഗുണങ്ങൾ

നിരവധി പോഷകഗുണങ്ങളാണ് നെല്ലിക്കയിൽ ഉള്ളത്. വിറ്റാമിൻ സി, ഫൈബർ, ആന്റിഓക്‌സിഡന്റുകൾ എന്നിവ ധാരാളം ഇതിൽ അടങ്ങിയിട്ടുണ്ട്. ഇത് പാകം ചെയ്തും അല്ലാതെയും കഴിക്കാവുന്നതാണ്.

2. രോഗ പ്രതിരോധശേഷി കൂട്ടുന്നു

രോഗ പ്രതിരോധശേഷി കൂട്ടുന്നതിനും അസുഖങ്ങൾ പെട്ടെന്ന് ഭേദമാകാനും നെല്ലിക്ക കഴിക്കുന്നത് നല്ലതാണ്. ദിവസവും നെല്ലിക്ക കഴിക്കുന്നത് ശരീരത്തിലെ വിറ്റാമിൻ സിയുടെ അളവ് കൂട്ടാൻ സഹായിക്കുന്നു. കൂടാതെ ഇതിൽ മറ്റ് ആന്റിഓക്സിഡന്റ്, ആന്റിഇൻഫ്ലമേറ്ററി ഗുണങ്ങളും അടങ്ങിയിട്ടുണ്ട്. ഇത് ഹൃദയാരോഗ്യത്തെ മെച്ചപ്പെടുത്താനും ദഹന പ്രശ്നങ്ങൾ അകറ്റാനും സഹായിക്കുന്നു.

3. ദഹനം ലഭിക്കാനും രക്‌തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു

ദിവസവും നെല്ലിക്ക കഴിക്കുന്നത് ശരീരത്തിൽ പഞ്ചസാര ആഗിരണം ചെയ്യുന്നതിനെ മന്ദഗതിയിലാക്കുന്നു. ഇത് രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും. കൂടാതെ നല്ല ദഹനം ലഭിക്കാനും മലബന്ധം തടയാനും നെല്ലിക്ക കഴിക്കുന്നത് നല്ലതാണ്.