50 കഴിഞ്ഞവർ ആരോഗ്യം മെച്ചപ്പെടുത്തുന്നതിന് നിർബന്ധമായും ശ്രദ്ധിക്കേണ്ട കാര്യങ്ങൾ

ആരോഗ്യത്തിൽ ശ്രദ്ധിക്കാതെ പഴയ രീതികൾ തന്നെ പിന്തുടർന്ന് പെട്ടെന്ന് വാർദ്ധക്യം ക്ഷണിച്ചുവരുത്തുന്നവരുണ്ട്. 

50 വയസ്സ് കഴിയുമ്പോൾ പലർക്കും ഉത്സാഹം കുറയും. ജീവിതത്തിൽ ഇനിയെന്താ എന്ന് ചിന്തിച്ച് വെറുതെയിരിക്കാൻ തുടങ്ങും. ആരോഗ്യത്തിൽ ശ്രദ്ധിക്കാതെ പഴയ രീതികൾ തന്നെ പിന്തുടർന്ന് പെട്ടെന്ന് വാർദ്ധക്യം ക്ഷണിച്ചുവരുത്തുന്നവരുണ്ട്. നല്ല ഭക്ഷണം കഴിക്കാതെ, വ്യായാമം ചെയ്യാതെ, നടക്കാൻ പോകാതെ ഒരേയിരിപ്പ് ഇരുന്നാൽ അത് വിശ്രമമാകില്ല. ശരീരം രോഗങ്ങളെ ക്ഷണിച്ചുവരുത്താൻ തുടങ്ങും. അറിയാതെ തന്നെ നിങ്ങൾ രോഗങ്ങൾക്ക് അടിമപ്പെടും. 50 വയസ്സ് കഴിഞ്ഞവർ ജീവിതശൈലിയിൽ ഈ മാറ്റങ്ങൾ വരുത്തൂ.

രാവിലെ എഴുന്നേറ്റ ഉടൻ ഇത് ചെയ്യുക

7-8 മണിക്കൂർ ഉറങ്ങിയ ശേഷം ശരീരത്തിൽ ചെറിയ തോതിൽ നിർജ്ജലീകരണം സംഭവിക്കും. ഈ സമയത്ത് നിങ്ങൾ ചായയോ കാപ്പിയോ ബിസ്ക്കറ്റോ കഴിച്ചാൽ അത് ഊർജ്ജം നൽകുന്നതിന് പകരം ക്ഷീണം കൂട്ടും. നിർജ്ജലീകരണം ഉണ്ടായാൽ ക്ഷീണം, തലവേദന, കുടലിന്റെ പ്രവർത്തനം മന്ദഗതിയിലാകൽ എന്നിവയ്ക്ക് കാരണമാകും. അതിനാൽ രാവിലെ എഴുന്നേറ്റ ഉടൻ ചായ കുടിക്കുന്നതിന് പകരം ഇളം ചൂടുവെള്ളം കുടിക്കുന്നത് ശീലമാക്കുക.

രാവിലെ ഉലുവ വെള്ളം കുടിക്കാം

ഒന്നോ രണ്ടോ സ്പൂൺ ഉലുവ വെള്ളത്തിൽ കുതിർത്ത് വെക്കുക. രാവിലെ എഴുന്നേറ്റ ഉടൻ ഈ വെള്ളം കുടിക്കുക. ശേഷം ഉലുവ ചവച്ച് കഴിക്കുക. ഉലുവയിലുള്ള നാരുകൾ കാർബോഹൈഡ്രേറ്റ് ആഗിരണം ചെയ്യുന്നത് മന്ദഗതിയിലാക്കുന്നു. ഇത് രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുന്നു.

സൂര്യപ്രകാശം

15 മുതൽ 20 മിനിറ്റ് വരെ രാവിലെ സൂര്യപ്രകാശം കൊള്ളുന്നത് വളരെ പ്രധാനമാണ്. 50 വയസ്സിന് ശേഷം ചർമ്മം ചെറുപ്പക്കാരേക്കാൾ 3 മടങ്ങ് കുറവ് വിറ്റാമിൻ ഡി ഉത്പാദിപ്പിക്കുന്നു. അതിനാൽ സൂര്യപ്രകാശം കൊള്ളുന്നത് വളരെ പ്രധാനമാണ്.

പ്രോട്ടീൻ അടങ്ങിയ പ്രഭാതഭക്ഷണം

50 വയസ്സിന് ശേഷം നിങ്ങൾ വരുത്തേണ്ട മറ്റൊരു പ്രധാന മാറ്റം പ്രഭാതഭക്ഷണത്തിലാണ്. പലരും രാവിലെ 12 മണിയായാലും ചായയും ബിസ്ക്കറ്റും മാത്രം കഴിച്ചിരിക്കും. പേശികളെ ബലപ്പെടുത്താൻ ദിവസവും 25-30 ഗ്രാം പ്രോട്ടീൻ കഴിക്കണം. ഗ്രീക്ക് യോഗർട്ട്, പനീർ പറാത്ത, ചെറുപയർ ദോശ, അല്ലെങ്കിൽ കടലമാവ് കൊണ്ടുള്ള ചപ്പാത്തി എന്നിവ കഴിക്കണം. ഇവ ശരീരത്തെ സംരക്ഷിക്കുകയും ഊർജ്ജം നൽകുകയും ചെയ്യും.

നടത്തം

പ്രഭാതഭക്ഷണത്തിന് ശേഷം 10-15 മിനിറ്റ് നടക്കുക. ഭക്ഷണം കഴിച്ച ഉടൻ നടക്കുന്നത് രക്തത്തിലെ പഞ്ചസാരയെ പേശികൾക്ക് വേഗത്തിൽ ഉപയോഗിക്കാൻ സഹായിക്കുന്നു. കൂടാതെ ദഹന മെച്ചപ്പെടുത്തുകയും ചെയ്യും. ദിവസവും 45 മിനിറ്റ് നടക്കുന്നത് വളരെ നല്ലതാണ്.