ഫാറ്റി ലിവർ രോ​ഗം വരാതിരിക്കാൻ ദിവസവും ഈ വ്യായാമം ശീലമാക്കാം ; പഠനം

അമിതമായ അളവിൽ മദ്യം കഴിക്കാത്ത വ്യക്തികളുടെ കരളിൽ കൊഴുപ്പ് അടിഞ്ഞുകൂടുന്ന അവസ്ഥയാണ് നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD). ഇത് പലപ്പോഴും പൊണ്ണത്തടി, ടൈപ്പ് 2 പ്രമേഹം, അല്ലെങ്കിൽ ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ അല്ലെങ്കിൽ ഉയർന്ന ട്രൈഗ്ലിസറൈഡ് അളവ് എന്നിവയുടെ ഫലമാണ്.

ദിവസവും 22 മിനിറ്റ് വേഗത്തിലുള്ള നടത്തം ഫാറ്റി ലിവർ രോഗത്തെ അകറ്റുമെന്ന് പഠനം. ദിവസേന 22 മിനിറ്റ് വേഗത്തിലുള്ള നടത്തം നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD) ഉണ്ടാകുന്നത് തടയുന്നതായി പെൻ സ്റ്റേറ്റ് കോളേജ് ഓഫ് മെഡിസിനിൽ നിന്നുള്ള ഒരു പുതിയ പഠനം വെളിപ്പെടുത്തുന്നു.  

യുഎസിലെ പെൻ സ്റ്റേറ്റ് കോളേജ് ഓഫ് മെഡിസിനിലെ ഗവേഷകർ 14 പരീക്ഷണങ്ങൾ വിശകലനം ചെയ്തു. അതിൽ NAFLD ഉള്ള 551 രോഗികളും വ്യായാമ ഇടപെടലുകളിൽ ശ്രദ്ധ കേന്ദ്രീകരിച്ച് ക്രമരഹിതമായ നിയന്ത്രിത പരീക്ഷണങ്ങളിൽ പങ്കെടുത്തു. വ്യായാമം ഫലമുണ്ടാക്കാനുള്ള സാധ്യത 3.5 മടങ്ങ് കൂടുതലാണെന്ന് ​ഗവേഷകർ കണ്ടെത്തി.

' ഞങ്ങളുടെ കണ്ടെത്തലുകൾ, നോൺ-ആൽക്കഹോളിക് ഫാറ്റി ലിവർ രോഗത്തിനുള്ള ചികിത്സയായി വ്യായാമം നിർദ്ദേശിക്കാൻ ഡോക്ടർമാർക്ക് ആത്മവിശ്വാസം നൽകും...' - പെൻ സ്റ്റേറ്റ് ഹെൽത്ത് മിൽട്ടൺ എസ് ഹെർഷി മെഡിക്കൽ സെന്ററിലെ മെഡിസിൻ ആൻഡ് പബ്ലിക് ഹെൽത്ത് സയൻസസിന്റെ അസോസിയേറ്റ് പ്രൊഫസറും ഹെപ്പറ്റോളജിസ്റ്റുമായ ജോനാഥൻ സ്റ്റൈൻ പറഞ്ഞു. 

അമിതമായ അളവിൽ മദ്യം കഴിക്കാത്ത വ്യക്തികളുടെ കരളിൽ കൊഴുപ്പ് അടിഞ്ഞുകൂടുന്ന അവസ്ഥയാണ് നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD). ഇത് പലപ്പോഴും പൊണ്ണത്തടി, ടൈപ്പ് 2 പ്രമേഹം, അല്ലെങ്കിൽ ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ അല്ലെങ്കിൽ ഉയർന്ന ട്രൈഗ്ലിസറൈഡ് അളവ് എന്നിവയുടെ ഫലമാണ്.

ചികിത്സിച്ചില്ലെങ്കിൽ, സിറോസിസ്, ക്യാൻസർ തുടങ്ങിയ ഗുരുതരമായ സങ്കീർണതകളിലേക്ക് ഇത് നയിച്ചേക്കാം, കാരണം ഈ അവസ്ഥയ്ക്ക് നിലവിൽ അംഗീകൃത മരുന്നുകളോ ചികിത്സകളോ ഇല്ല. ആഗോളതലത്തിൽ ഏകദേശം 30 ശതമാനം ആളുകളെയും NAFLD ബാധിക്കുന്നു. ഇത് സിറോസിസ്, ക്യാൻസർ തുടങ്ങിയ ഗുരുതരമായ സങ്കീർണതകളിലേക്ക് നയിച്ചേക്കാം. അമേരിക്കൻ ജേണൽ ഓഫ് ഗ്യാസ്ട്രോഎൻട്രോളജിയിലാണ് പഠനത്തിന്റെ കണ്ടെത്തലുകൾ പ്രസിദ്ധീകരിച്ചത്.