ഒമേഗ 3 ഫാറ്റി ആസിഡ് അടങ്ങിയ ഭക്ഷണങ്ങൾ കഴിക്കണമെന്ന് പറയുന്നതിന്റെ കാരണം ഇതാണ്

ഒമേഗ 3 ഫാറ്റി ആസിഡ് അടങ്ങിയ ഭക്ഷണം ഡിപ്രഷനും ഉത്കണ്ഠയും കുറയ്ക്കാൻ സഹായിക്കുന്നു. ആഴ്ചയിൽ രണ്ട് തവണ ഫാറ്റി ഫിഷ് കഴിക്കുന്നത് ഹൃദയത്തിന്റെ ആരോഗ്യത്തിന് ഉത്തമമാണെന്ന് അമേരിക്കൻ ഹാർട്ട് അസോസിയേഷൻ വ്യക്തമാക്കുന്നു. 

ശരീരം ശരിയായി പ്രവർത്തിക്കാൻ ആരോഗ്യകരവും സമതുലിതമായതുമായ ഭക്ഷണം ആവശ്യമാണ്. ശരീരത്തിന്റെ വിവിധ പ്രവർത്തനങ്ങൾക്ക് സഹായിക്കുന്ന എല്ലാ അവശ്യ പോഷകങ്ങളും നൽകാൻ ഇത് ‌‌ സഹായിക്കും. പ്രോട്ടീൻ, കാർബ്, വിറ്റാമിനുകൾ, മറ്റ് പോഷകങ്ങൾ എന്നിവ പോലെ ഒമേഗ 3 ഫാറ്റി ആസിഡുകളും ദൈനംദിന ഭക്ഷണത്തിന്റെ ഭാഗമാക്കുക. ഒമേഗ 3 ശരീരത്തിന് ഒന്നിലധികം ആരോഗ്യ ഗുണങ്ങൾ നൽകുന്നു.

ശരീരത്തിനാവശ്യമായ കൊഴുപ്പുകളിലൊന്നാണ് ഒമേഗ 3 ഫാറ്റി ആസിഡ്. ഇത് ശരീരത്തിനും തലച്ചോറിനും വളരെ പ്രയോജനം ചെയ്യുന്നവയാണ്. ഒമേഗ 3 ഫാറ്റി ആസിഡ് അടങ്ങിയ ഭക്ഷണം ഡിപ്രഷനും ഉത്കണ്ഠയും കുറയ്ക്കാൻ സഹായിക്കുന്നു. ആഴ്ചയിൽ രണ്ട് തവണ ഫാറ്റി ഫിഷ് കഴിക്കുന്നത് ഹൃദയത്തിന്റെ ആരോഗ്യത്തിന് ഉത്തമമാണെന്ന് അമേരിക്കൻ ഹാർട്ട് അസോസിയേഷൻ വ്യക്തമാക്കുന്നു. 

രക്തസമ്മർദവും കൊളസ്ട്രോളും നിയന്ത്രണ വിധേയമാക്കാനും നാഡികൾക്ക് ശക്തി നൽകാനും ഇവ സഹായിക്കുന്നു. നോൺ ആൽക്കഹോളിക് ഫാറ്റി ലിവർ ഉള്ളവരും ഭക്ഷണത്തിൽ ഒമേഗ 3 ഫാറ്റി ആസിഡുള്ള ഭക്ഷണങ്ങൾ ഉൾപ്പെടുത്തുന്നത് ഫാറ്റ് കുറയ്ക്കാൻ സഹായിക്കും.മാനസികാരോഗ്യം മെച്ചപ്പെടുത്താൻ ഒമേഗ -3 സഹായിക്കുമെന്ന് പഠനങ്ങളിൽ തെളിഞ്ഞിട്ടുണ്ട്. 

വിഷാദം, ഉത്കണ്ഠ എന്നിവയുടെ ലക്ഷണങ്ങൾ നിയന്ത്രിക്കാൻ ഇവ സഹായിക്കും. ഒമേഗ -3 ഫാറ്റി ആസിഡുകളും ബൈപോളാർ ഡിസോർഡർ തുടങ്ങിയ അവസ്ഥകളെ മെച്ചപ്പെടുത്താനും ​ഗുണം ചെയ്യും. ഒമേഗ -3 ഫാറ്റി ആസിഡ് അടങ്ങിയ അഞ്ച് ഭക്ഷണങ്ങളെ കുറിച്ചാണ് താഴേ പറയുന്നത്...

ചിയ വിത്തുകൾ...

ധാതുക്കളും ഫൈബറും ഒമേഗ 3 ഫാറ്റി ആസിഡും കാല്‍സ്യവും ധാരാളമുള്ള ചിയ സീഡ്‌സ് ‘സൂപ്പര്‍ ഫുഡ്’ എന്നാണ് അറിയപ്പെടുന്നത്. ഫോസ്ഫറസും മഗ്നീഷ്യവും അടങ്ങിയിട്ടുള്ള ഈ സീഡ്സ് മസിലുകളെ അയവുളളതാക്കുകയും ദഹനപ്രക്രിയയെ ത്വരിതഗതിയിലാക്കുകയും ചെയ്യുന്നു. മാത്രമല്ല, ചിയ സീഡ്‌സ് കഴിക്കുന്നത് അമിതവിശപ്പ് കുറയ്ക്കാനും സഹായിക്കുന്നു. 

വാൾനട്ട്...

ആരോഗ്യകരമായ കൊഴുപ്പുകളും എഎൽഎ ഒമേഗ -3 ഫാറ്റി ആസിഡുകളും വാൾനട്ടിൽ അടങ്ങിയിരിക്കുന്നു. തലച്ചോറിന്റെ ആരോഗ്യം മെച്ചപ്പെടുത്താൻ ഇതിന് കഴിയുമെന്നാണ് മിക്ക പഠനങ്ങളിലും തെളിഞ്ഞിട്ടുണ്ട്. 

ഫ്ളാക്സ് സീഡുകൾ...

മോശം കൊളസ്ട്രോൾ കുറയ്ക്കാനും ​ഹൃദ്രോ​ഗ സംബന്ധമായ പ്രശ്നങ്ങൾ അകറ്റാനും ഫ്ളാക്സ് സീഡുകൾ സഹായിക്കുമെന്നാണ്  വിദ​ഗ്ധർ പറയുന്നത്. 28 ഗ്രാം ഫ്ളാക്സ് സീഡുകളിൽ 6,388 മില്ലിഗ്രാം ALA ഒമേഗ -3 ഫാറ്റി ആസിഡുകൾ അടങ്ങിയിട്ടുണ്ട്. 

അവാക്കാഡോ...

അവാക്കാഡോയിൽ ഒമേഗ 3 ഫാറ്റി ആസിഡുകൾ വളരെ കൂടുതലാണ്, നല്ല കൊഴുപ്പ് ഇതിൽ ധാരാളമായി അടങ്ങിയിരിക്കുന്നു. മോണോസാചുറേറ്റഡ് കൊഴുപ്പുകൾ കൊളസ്ട്രോൾ കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.