നാരുകൾ അടങ്ങിയ ഭക്ഷണങ്ങൾ കഴിക്കണമെന്ന് പറയുന്നതിന്റെ കാരണം

നാരുകൾ അടങ്ങിയ ഭക്ഷണക്രമം കുടലിൻ്റെ ആരോഗ്യത്തിന് മാത്രമല്ല, ശക്തമായ കാൻസർ വിരുദ്ധ ഗുണങ്ങളുമുണ്ട്. ചില ക്യാൻസറുകളുടെ സാധ്യത കുറയ്ക്കുന്നതിൽ ഫൈബർ പ്രധാന പങ്കാണ് വഹിക്കുന്നതെന്ന് പഠനങ്ങൾ പറയുന്നു.  

ശരീരത്തിലെ മൊത്തത്തിലുള്ള ആരോ​ഗ്യത്തിന് പ്രധാനപ്പെട്ട പോഷകമാണ് ഫെെബർ. ഇത്  ടൈപ്പ് -2 പ്രമേഹം, ഉയർന്ന കൊളസ്ട്രോൾ, വിവിധ ദഹന പ്രശ്നങ്ങൾ എന്നിവ തടയുന്നതിന് സഹായിക്കുന്നു. 

നാരുകൾ അടങ്ങിയ ഭക്ഷണക്രമം കുടലിൻ്റെ ആരോഗ്യത്തിന് മാത്രമല്ല, ശക്തമായ കാൻസർ വിരുദ്ധ ഗുണങ്ങളുമുണ്ട്. ചില ക്യാൻസറുകളുടെ സാധ്യത കുറയ്ക്കുന്നതിൽ ഉയർന്ന ഫൈബർ പ്രധാന പങ്കാണ് വഹിക്കുന്നതെന്ന് പഠനങ്ങൾ പറയുന്നു. ദെെനംദിന ഭക്ഷണത്തിൽ ഉൾപ്പെടുത്തേണ്ട നാരുകൾ അടങ്ങിയ ചില ഭക്ഷണങ്ങളെ കുറിച്ചാണ് താഴേ പറയുന്നത്..

ഓട്സ്

ഓട്‌സിൽ ബീറ്റാ-ഗ്ലൂക്കൻ എന്ന ലയിക്കുന്ന നാരുകൾ അടങ്ങിയിട്ടുണ്ട്. ഇത് കൊളസ്‌ട്രോളിൻ്റെ അളവ് കുറയ്ക്കാനും രക്തത്തിലെ പഞ്ചസാര നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു.

പയർവർ​ഗങ്ങൾ

പയർവർ​ഗങ്ങൾ ലയിക്കുന്നതും ലയിക്കാത്തതുമായ നാരുകളാൽ സമ്പന്നമാണ്. ദഹനത്തെ സഹായിക്കുക, രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുക എന്നിവയ്ക്കെല്ലാം പയർ സഹായകമാണ്. പയറിലുള്ള നാരുകൾ മലബന്ധം തടയാനും ആരോഗ്യകരമായ ദഹനവ്യവസ്ഥയെ പിന്തുണയ്ക്കാനും സഹായിക്കുന്നു.

ചിയ സീഡ്

ചിയ വിത്തുകളിൽ ലയിക്കുന്ന നാരുകൾ അടങ്ങിയിട്ടുണ്ട്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും ശരീരഭാരം നിയന്ത്രിക്കാനും ദഹനത്തിൻ്റെ ആരോഗ്യം മെച്ചപ്പെടുത്താനും സഹായിക്കുന്നു. 

അവാക്കാഡോ

അവാക്കാഡോകളിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്. ആരോഗ്യകരമായ ദഹനത്തെ പ്രോത്സാഹിപ്പിക്കുകയും കൊളസ്‌ട്രോളിൻ്റെ അളവ് കുറയ്ക്കുകയും പൊട്ടാസ്യം പോലുള്ള അവശ്യ പോഷകങ്ങൾ നൽകുകയും ചെയ്യുന്നു. അവാക്കാഡോയിലെ നാരുകൾ ഹൃദയാരോഗ്യം നിലനിർത്തുന്നതിനും മലബന്ധം തടയുന്നതിനും സഹായിക്കുന്നു.

ബെറിപ്പഴങ്ങൾ

റാസ്‌ബെറി, ബ്ലാക്ക്‌ബെറി തുടങ്ങിയ ബെറികളിൽ നാരുകളും ആൻ്റിഓക്‌സിഡൻ്റുകളും അടങ്ങിയിട്ടുണ്ട്. സരസഫലങ്ങളിൽ അടങ്ങിയിരിക്കുന്ന നാരുകളും ആൻ്റിഓക്‌സിഡൻ്റുകളും ഓക്‌സിഡേറ്റീവ് സ്‌ട്രെസിനെ ചെറുക്കാനും ആരോഗ്യകരമായ ഗട്ട് മൈക്രോബയോമിനും സഹായിക്കുന്നു.