വെറും 187 ഒഴിവുകൾ, യോ​ഗ്യത അഞ്ചാം ക്ലാസ്, പരീക്ഷക്കെത്തിയത് 8000ത്തിലധികം പേർ, റൺവേയിലിരുന്ന് പരീക്ഷയെഴുതി ഉദ്യോ​ഗാർഥികൾ

ഒഡീഷയിലെ സാംബൽപൂരിൽ 187 ഹോം ഗാർഡ് തസ്തികകളിലേക്കുള്ള പരീക്ഷയിൽ പങ്കെടുത്തത് 8000-ത്തിലധികം പേർ. അഞ്ചാം ക്ലാസ് യോഗ്യത വേണ്ട പരീക്ഷക്ക് ബിരുദധാരികൾ ഉൾപ്പെടെയുള്ളവർ റൺവേയിൽ നിലത്തിരുന്നാണ് പരീക്ഷയെഴുതിയത്. 

ഭുബനേശ്വർ: ഒഡീഷയിലെ സാംബൽപൂർ ജില്ലയിലെ ആയിരക്കണക്കിന് ഉദ്യോഗാർത്ഥികൾ ഹോം ഗാർഡ് റിക്രൂട്ട്‌മെന്റ് പരീക്ഷ എഴുതിയത് എയർസ്ട്രിപ്പിൽ. പരീക്ഷക്കായി മാറ്റുകളോ മേശകളോ നൽകാത്തതിനാൽ നിലത്തിരുന്നാണ് പരീക്ഷ എഴുതിയത്. ഡ്രോൺ ഉപയോഗിച്ച് പകർത്തിയ ക്രമീകരണത്തിന്റെ വീഡിയോ ഓൺലൈനിൽ വ്യാപകമായ പ്രചരിച്ചു. ഡിസംബർ 16 ന് 187 ഹോം ഗാർഡ് തസ്തികകളിലേക്കാണ് പരീക്ഷ നടത്തിയത്. പരിമിതമായ ഒഴിവുകൾ ഉണ്ടായിരുന്നിട്ടും, ജമാദർപാലി എയർസ്ട്രിപ്പിൽ 8,000 ൽ അധികം ഉദ്യോഗാർത്ഥികൾ പങ്കെടുത്തു. പരീക്ഷയ്ക്കുള്ള ഏറ്റവും കുറഞ്ഞ യോഗ്യത അഞ്ചാം ക്ലാസ് പാസാകുക എന്നതായിരുന്നെങ്കിലും, ബിരുദ യോ​ഗ്യതയുള്ളവർ പോലും പരീക്ഷക്കെത്തി. 

ഉദ്യോ​ഗാർഥികളുടെ പെരുപ്പം കാരണം എയർസ്ട്രിപ്പിലാണ് പരീക്ഷയെഴുതിച്ചത്. അസാധാരണമായ ക്രമീകരണം വിമർശനത്തിനും ചർച്ചയ്ക്കും കാരണമായിട്ടുണ്ട്. തൊഴിലില്ലായ്മയുടെ വെല്ലുവിളികൾ ഉയർത്തി, തൊഴിലവസരങ്ങൾ സർക്കാർ കൈകാര്യം ചെയ്യുന്നതിനെ ചോദ്യം ചെയ്യാൻ പ്രതിപക്ഷ നേതാക്കൾ വീഡിയോ ഉപയോ​ഗിച്ചു. സോഷ്യൽ മീഡിയ ഉപയോക്താക്കളും ആശങ്കകൾ ഉന്നയിച്ചിട്ടുണ്ട്, ചിലർ പരീക്ഷ ഒരു ഔപചാരിക പരീക്ഷയേക്കാൾ ഒരു പൊതുസമ്മേളനത്തോട് സാമ്യമുള്ളതാണെന്ന് അഭിപ്രായപ്പെട്ടു.