പൈലറ്റിന് തീപിടുത്ത മുന്നറിയിപ്പ്: ദില്ലിയിൽനിന്ന് ഇൻഡോറിലേക്ക് പുറപ്പെട്ട എയർ ഇന്ത്യ വിമാനത്തിന് അടിയന്തര ലാൻ്റിം​ഗ്

ദില്ലിയിൽനിന്ന് ഇൻഡോറിലേക്ക് പുറപ്പെട്ട എയർ ഇന്ത്യ വിമാനം അടിയന്തര ലാൻ്റിം​ഗ് നടത്തി

ദില്ലി: എയർ ഇന്ത്യ വിമാനം അടിയന്തരമായി നിലത്തിറക്കി. ഇന്ന് രാവിലെ ദില്ലിയിൽനിന്ന് ഇൻഡോറിലേക്ക് പുറപ്പെട്ട എയർ ഇന്ത്യ വിമാനമാണ് ദില്ലിയിൽ തിരിച്ചിറക്കിയത്. എയർ ഇന്ത്യയുടെ AI 2913 എന്ന വിമാനമാണ് അടിയന്തരമായി തിരിച്ചിറക്കിയത്. പൈലറ്റിന് തീപിടുത്ത മുന്നറിയിപ്പ് ലഭിച്ചതിനാലാണ് ലാൻ്റിം​ഗ് നടന്നത്. വിമാനത്തിൻ്റെ വലതുഭാ​ഗത്തെ എഞ്ചിനിൽ തീ പടർന്നുവെന്ന വിവരം ലഭിക്കുകയായിരുന്നു. ഇതിനെ തുടർന്ന് അടിയന്തര ലാൻ്റിം​ഗിനിന് തീരുമാനിക്കുകയായിരുന്നു. അതേസമയം, വിമാനത്തിൽ കൂടുതൽ പരിശോധനകൾ നടത്തും. വിമാനത്തിലെ യാത്രക്കാരെല്ലാം സുരക്ഷിതരാണ്. യാത്രക്കാരെ മറ്റൊരു വിമാനത്തിലേക്ക് മാറ്റിയിട്ടുണ്ട്. ഈ വിമാനത്തിൽ ഇവരെ ഇൻ‍ഡോറിലെത്തിക്കുമെന്ന് അധികൃതർ അറിയിച്ചു. സംഭവത്തിൽ പരിശോധനകൾ നടത്തി മാത്രമാണ് റിപ്പോർട്ട് പുറത്തുവിടുക.