'മൃഗസ്നേഹികൾ ഒന്നിച്ചാൽ കടിയേറ്റ കുട്ടികൾക്കുണ്ടായ നഷ്ടം നികത്താൻ സാധിക്കുമോ?'; ദില്ലിയിലെ തെരുവുനായ പ്രശ്നത്തില്‍ സുപ്രീം കോടതിയുടെ സുപ്രധാന വിധി

മൃഗസ്നേഹികൾ ഒന്നിച്ചാൽ കടിയേറ്റ കുട്ടികൾക്കുണ്ടായ നഷ്ടം നികത്താൻ ആകുമോ എന്ന് കോടതി ചോദിച്ചു

ദില്ലി: ദില്ലിയിലെ എല്ലാ തെരുവുനായ്ക്കളെയും പിടികൂടണമെന്ന് സുപ്രീം കോടതി ഉത്തരവ്. പിടൂകൂടിയ തെരുവുനായ്ക്കളെ ഷെല്‍ട്ടര്‍ ഹോമുകളിലേക്ക് മാറ്റണം എന്നും ഉത്തരവില്‍ പറയുന്നു. നായ്ക്കളെ പിടികൂടാൻ പ്രത്യേക സംഘത്തെ നിയോഗിക്കണം. കൂടാതെ ഇവരെ തടയുന്നവർക്ക് എതിരെ നിയമനടപടി സ്വീകരിക്കാനും സുപ്രീം കോടതിയുടെ നിർദേശമുണ്ട്. മൃഗസ്നേഹികൾ ഒന്നിച്ചാൽ കടിയേറ്റ കുട്ടികൾക്കുണ്ടായ നഷ്ടം നികത്താൻ ആകുമോ എന്ന് കോടതി ചോദിച്ചു.

ഇക്കാര്യത്തിൽ ഒരു ദയയുടെയും ആവശ്യമില്ലന്നാണ് സുപ്രീംകോടതിയുടെ നിരീക്ഷണം. ദില്ലിയിലും പരിസര പ്രദേശങ്ങളിലും തെരുവുനായയുടെ ആക്രമണം രൂക്ഷമായ സാഹചര്യത്തില്‍ സുപ്രീം കോടതി സ്വമേധയാ കേസെടുക്കുകയായിരുന്നു. ദിവസവും നായകടിയേല്‍ക്കുന്നത് നിരവധി ആളുകൾക്കാണ്. ഈ സാഹചര്യത്തിലാണ് സുപ്രീം കോടതിയുടെ സുപ്രധാനമായ ഉത്തരവ്.