ഇംഫാലിൽ അസം റൈഫിൾസ് ട്രക്കിന് നേരെ ആക്രമണം, രണ്ട് ജവാന്മാര്‍ക്ക് വീരമൃത്യു; അഞ്ചുപേര്‍ക്ക് പരിക്ക്

ഇംഫാലിൽ അസം റൈഫിൾസ് ട്രക്കിന് നേരെ ആക്രമണം. ആക്രമണത്തിൽ രണ്ടു ജവാന്മാര്‍ വീരമൃത്യു വരിച്ചു. അഞ്ചുപേര്‍ക്ക് പരിക്കേറ്റതായാണ് വിവരം

ദില്ലി: ഇംഫാലിൽ അസം റൈഫിൾസ് ട്രക്കിന് നേരെ ആക്രമണം. ആക്രമണത്തിൽ രണ്ട് ജവാന്മാര്‍ വീരമൃത്യു വരിച്ചു. ഇംഫാലിന്‍റെ സമീപ പ്രദേശത്തുള്ള നംബോൾ മേഖലയിൽ ഇംഫാൽ വിമാനത്താവളത്തിൽ നിന്ന് ഏകദേശം 8 കിലോമീറ്റർ അകലെയാണ് ആക്രമണം നടന്നതെന്ന റിപ്പോർട്ടാണ് പുറത്തുവന്നിരിക്കുന്നത്. അക്രമികള്‍ പതിയിരുന്ന് ട്രക്കിന് നേര്‍ക്ക് വെടിയുതിര്‍ക്കുകയായിരുന്നു. ആക്രമണത്തിൽ അഞ്ചുപേര്‍ക്ക് പരിക്കേറ്റതായാണ് വിവരം. പ്രദേശവാസികളും പൊലീസും ചേര്‍ന്നാണ് പരിക്കേറ്റ ജവാന്മാരെ ആശുപത്രിയിലെത്തിച്ചത്.