ബിസിഐ ചെയർമാനെതിരെ പ്രതിഷേധം ശക്തം; രാജി ആവശ്യപ്പെട്ട് ബാർ കൗൺസിൽ അംഗം എൻ മനോജ് കുമാർ രംഗത്ത്

ബിസിഐ ചെയർമാനെതിരെ പ്രതിഷേധം ശക്തമാകുന്നു. രാജി ആവശ്യപ്പെട്ട് ബാർ കൗൺസിൽ അംഗം എൻ മനോജ് കുമാർ രംഗത്ത്. ജനാധിപത്യ വിരുദ്ധമായിട്ടാണ് ബാർ കൗൺസിൽ ഓഫ് ഇന്ത്യ അധ്യക്ഷ സ്ഥാനത്ത് എം കെ മിശ്ര പ്രവർത്തിക്കുന്നതെന്ന് എൻ മനോജ് കുമാർ ഏഷ്യാനെറ്റ് ന്യൂസിനോട് പറഞ്ഞു.

ദില്ലി: ബിസിഐ ചെയർമാനെതിരെ പ്രതിഷേധം ശക്തമാകുന്നു. രാജി ആവശ്യപ്പെട്ട് ബാർ കൗൺസിൽ അംഗം എൻ മനോജ് കുമാർ രംഗത്ത്. ചെയർമാന്റെ പ്രവർത്തനം ജനാധിപത്യവിരുദ്ധമാണ്. കൗൺസിലിന്റെ പ്രതിഛായക്ക് നിരക്കാത്ത പ്രവർത്തനമെന്നും ചെയർമാനെതിരെ കൂടുതൽ അംഗങ്ങളുടെ പിന്തുണ തേടുമെന്നും മനോജ് കുമാർ പറഞ്ഞു.

ജനാധിപത്യ വിരുദ്ധമായിട്ടാണ് ബാർ കൗൺസിൽ ഓഫ് ഇന്ത്യ അധ്യക്ഷ സ്ഥാനത്ത് എം കെ മിശ്ര പ്രവർത്തിക്കുന്നതെന്നാണ് കൗൺസിൽ അംഗം എൻ മനോജ് കുമാർ ഏഷ്യാനെറ്റ് ന്യൂസിനോട് പറഞ്ഞത്. ബാർ കൗൺസിലിന്റെ പ്രതിഛായക്ക് നിരക്കാത്ത വിധമാണ് ചെയർമാന്റെ പ്രവർത്തനം. സാമ്പത്തിക ആരോപണങ്ങൾ അടക്കം ഉണ്ട്. ഈ സാഹചര്യത്തിലാണ് രാജി ആവശ്യപ്പെട്ട് പ്രമേയം അവതരിപ്പിച്ചതെന്ന് ബിസിഐ അംഗം എൻ മനോജ് കുമാർ വ്യക്തമാക്കി. ചീഫ് ജസ്റ്റിസ് സൂര്യകാന്ത് നാഷണൽ അക്കാദമി ഓഫ് ലീഗൽ സ്റ്റഡീസ് ആന്‍റ് റിസർച്ച് സർവകലാശാലയിലെ ബിരുദ ദാനചടങ്ങിൽ പങ്കെടുത്താൽ ബഹിഷ്ക്കരിക്കുമെന്ന് പ്രഖ്യാപിച്ച വിദ്യാർത്ഥികളുടെ എൻറോൾമെന്റ് തടയാനുള്ള മിശ്രയുടെ നീക്കം വിവാദമായിരുന്നു.