ബിജെപി എംപിയുടെ കാറ് കത്തിച്ചു, വീടിന് മുന്നിൽ തെരുവ് നായയുടെ ശവവും കൊണ്ടിട്ടു; പ്രതിയെ പിടികൂടാനാകാതെ പൊലീസ്

അരുണാചൽ ബിജെപി പ്രസിഡന്റ് താപിർ ​ഗോസിന്റെ സ്വകാര്യ വസതിക്ക് മുന്നിൽ വെള്ളിയാഴ്ച രാവിലെ ആറ് മണിക്കാണ് നായയുടെ ശവവും തീകൊളുത്തിയ നിലയിലെ കാറും കണ്ടെത്തിയത്. 

ഇത്താന​ഗർ: അരുണാചൽ പ്രദേശിൽ ബിജെപി എംപിയുടെ വീടിന് മുന്നിൽ അറുത്ത് കൊന്ന നായയുടെ ശവവും തീയിട്ട നിലയിൽ കാറും കണ്ടെത്തി. അരുണാചൽ ബിജെപി പ്രസിഡന്റ് താപിർ ​ഗോസിന്റെ സ്വകാര്യ വസതിക്ക് മുന്നിൽ വെള്ളിയാഴ്ച രാവിലെ ആറ് മണിക്കാണ് നായയുടെ ശവവും തീകൊളുത്തിയ നിലയിലെ കാറും കണ്ടെത്തിയത്. 

അതേസമയം, താപിർ ​ഗോസിന്റെ പരാതിയിൽ കേസെടുത്ത് അന്വേഷണം ആരംഭിച്ചെങ്കിലും പ്രതികളെ പിടികൂടാനാകതെ വലഞ്ഞിരിക്കുകയാണ് പൊലീസ്. ലോക്സഭ തെരഞ്ഞെടുപ്പിൽ ബിജെപി ടിക്കറ്റിൽ അരുണാചൽ ഈസ്റ്റ് മത്സരിച്ച് ജയിച്ച നേതാവാണ് താപിർ. കേസിൽ പ്രതികൾക്കെതിരെ കർശന നടപടിയെടുക്കണമെന്ന് ബിജെപി സംസ്ഥാന ഘടകം പൊലീസിനോട് ആവശ്യപ്പെട്ടു.