കോൺഗ്രസിന്റെ പുതിയ നീക്കം: ഷാഫി പറമ്പിലിനും ഹൈബി ഈഡനും ചുമതല; അഞ്ച് സംസ്ഥാനങ്ങളിൽ സ്ക്രീനിങ് കമ്മിറ്റികൾ രൂപീകരിച്ചു

Published : Nov 16, 2026, 10:25 PM IST
Congress

Synopsis

വരാനിരിക്കുന്ന നിയമസഭാ തിരഞ്ഞെടുപ്പുകൾക്കായി അഞ്ച് സംസ്ഥാനങ്ങളിലേക്കുള്ള സ്ക്രീനിംഗ് കമ്മിറ്റികളെ കോൺഗ്രസ് അധ്യക്ഷൻ മല്ലികാർജുൻ ഖാർഗെ പ്രഖ്യാപിച്ചു. ഉത്തർപ്രദേശ്, പഞ്ചാബ്, ഉത്തരാഖണ്ഡ്, ഗോവ, മണിപ്പൂർ എന്നീ സംസ്ഥാനങ്ങളിലെ സ്ഥാനാർത്ഥി നിർണ്ണയമാണ് സമിതികളുടെ ചുമതല. കേരളത്തിൽ നിന്നുള്ള എം.പിമാരായ ഷാഫി പറമ്പിലും ഹൈബി ഈഡനും സമിതികളിൽ ഇടംനേടിയിട്ടുണ്ട്.

ഡൽഹി: വരാനിരിക്കുന്ന നിയമസഭാ തിരഞ്ഞെടുപ്പുകൾക്ക് മുന്നോടിയായി അഞ്ച് സംസ്ഥാനങ്ങളിലേക്ക് സ്ക്രീനിംഗ് കമ്മിറ്റികൾ രൂപീകരിച്ച് കോൺഗ്രസ് നേതൃത്വം. ഉത്തർപ്രദേശ്, പഞ്ചാബ്, ഉത്തരാഖണ്ഡ്, ഗോവ, മണിപ്പൂർ എന്നീ സംസ്ഥാനങ്ങളിലേക്കുള്ള സമിതികളെയാണ് കോൺഗ്രസ് അധ്യക്ഷൻ മല്ലികാർജുൻ ഖാർഗെ തിങ്കളാഴ്ച പ്രഖ്യാപിച്ചത്. കേരളത്തിൽ നിന്നുള്ള എം.പിമാരായ ഷാഫി പറമ്പിലും ഹൈബി ഈഡനും വിവിധ സംസ്ഥാനങ്ങളിലെ സമിതികളിൽ അംഗങ്ങളായി ഇടംപിടിച്ചിട്ടുണ്ട്. ഓരോ സമിതിയിലും ഒരു ചെയർപേഴ്സണും രണ്ട് അംഗങ്ങളുമാണുള്ളത്. തിരഞ്ഞെടുപ്പിന് മുന്നോടിയായുള്ള സ്ഥാനാർത്ഥി നിർണ്ണയ നടപടികളുടെ മേൽനോട്ടമാണ് ഈ സമിതികളുടെ പ്രധാന ചുമതല.

വിവിധ സംസ്ഥാനങ്ങളിലെ സ്ക്രീനിംഗ് കമ്മിറ്റി ഭാരവാഹികൾ:

  • ഉത്തർപ്രദേശ്: അജയ് മാക്കൻ (ചെയർമാൻ), അസ്ലം ഷെയ്ഖ്, ബി.വി. ശ്രീനിവാസ് (അംഗങ്ങൾ).
  • പഞ്ചാബ്: സിരിവെല്ല പ്രസാദ് (ചെയർമാൻ), സച്ചിൻ സാവന്ത്, നിവേദിത് ആൽവ (അംഗങ്ങൾ).
  • ഉത്തരാഖണ്ഡ്: ദീപ ദാസ് മുൻഷി (ചെയർപേഴ്സൺ), അനിൽ ചൗധരി, പാൽ ഭായ് അംബാലിയ (അംഗങ്ങൾ).
  • ഗോവ: കെ.ജെ. ജോർജ് (ചെയർമാൻ), സതേജ് ഡി. പാട്ടീൽ, ഷാഫി പറമ്പിൽ (അംഗങ്ങൾ).
  • മണിപ്പൂർ: ബി.എം. സന്ദീപ് (ചെയർമാൻ), ഹൈബി ഈഡൻ, രാജേഷ് താക്കൂർ (അംഗങ്ങൾ).

PREV

ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

എന്തുകൊണ്ട് പുസ്തകമെഴുതി, കാരണം വെളിപ്പെടുത്തി സോണിയാ ​ഗാന്ധി; 'ബിലോഗിംങ്: എ ജേർണി ഓഫ് ലൗ' പ്രകാശനം ചെയ്തു
ബാഹ്യ ഊര്‍ജ്ജ സ്രോതസ്സുകളെ അമിതമായി ആശ്രയിക്കുന്നത് അപകടം; യുഎൻ കാലാവസ്ഥാ സമ്മേളനത്തിൽ എൻ കെ പ്രേമചന്ദ്രൻ