കുടുംബ പ്രശ്നത്തെ തുടര്ന്ന് യുവതി കനാലിൽ ചാടി, രക്ഷിക്കാന് പിന്നാലെ ചാടിയ പൊലീസുകാരന് ദാരുണാന്ത്യം
Synopsis
ആര്തി എന്ന 23 കാരിയെ രക്ഷിക്കാന് ശ്രമിക്കുന്നതിനിടെയാണ് അങ്കിതിന് ജീവന് നഷ്ടമായത്.
ഗാസിയാബാദ്: കനാലില് ചാടി ആത്മഹത്യ ചെയ്യാന് ശ്രമിച്ച യുവതിയെ രക്ഷിക്കാന് ശ്രമിക്കുന്നതിനിടെ പൊലീസ് കോണ്സ്റ്റബിളിന് ദാരുണാന്ത്യം. ഗാസിയാബാദിലെ വൈശാലിയിലാണ് സംഭവം. അങ്കിത് കുമാര് എന്ന യുവാവിനാണ് ജീവന് നഷ്ടമായത്. ആര്തി എന്ന 23 കാരിയെ രക്ഷിക്കാന് ശ്രമിക്കുന്നതിനിടെയാണ് അങ്കിതിന് ജീവന് നഷ്ടമായത്.
കുടുംബ പ്രശ്നത്തെ തുടര്ന്നാണ് ആര്തി ആത്മഹത്യയ്ക്ക് ശ്രമിച്ചത്. യുവതി കനാലിലേക്ക് ചാടിയതിന് പിന്നാലെ ട്രാഫിക് പൊലീസ് കോണ്സ്റ്റബിളായ അങ്കിത്തും സബ് ഇന്സ്പെക്ടര് ധര്മേന്ദ്രയും കനാലിലേക്ക് ചാടുകയായിരുന്നു. ഇവരുടെ കൂടെ നാട്ടുകാരും രക്ഷാപ്രവര്ത്തനത്തില് പങ്കാളികളായി. യുവതിയെ രക്ഷിച്ചെങ്കിലും അങ്കിത് കനാലിലെ ചെളിയില് താഴ്ന്നുപോയി. നാട്ടുകാര് ചേര്ന്ന് അങ്കിത്തിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ലെന്ന് പൊലീസ് പറയുന്നു.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam