കൊവിഡ് പ്രതിരോധം: 88 പേരടങ്ങുന്ന ഇന്ത്യന് മെഡിക്കല് സംഘം ദുബായിലെത്തി
Synopsis
യുഎഇ വിദേശകാര്യമന്ത്രാലയത്തിന്റെ അഭ്യര്ഥന പ്രകാരമെത്തിയ ഇന്ത്യന്മെഡിക്കല് സംഘം പ്രതിരോധപ്രവര്ത്തനങ്ങളുമായി സഹകരിക്കും.
ദില്ലി/ദുബായ്: കൊവിഡിനെ പ്രതിരോധിക്കാന് 88 പേരടങ്ങുന്ന ഇന്ത്യന് മെഡിക്കല് സംഘം ദുബായിലെത്തി. സംഘത്തിലേറെയും മലയാളി നഴ്സുമാരാണ്. യുഎഇ വിദേശകാര്യമന്ത്രാലയത്തിന്റെ അഭ്യര്ഥന പ്രകാരമെത്തിയ ഇന്ത്യന്മെഡിക്കല് സംഘം പ്രതിരോധപ്രവര്ത്തനങ്ങളുമായി സഹകരിക്കും. രാത്രി എട്ടരയ്ക്ക് ഇന്ത്യന് മെഡിക്കല് സംഘം ദുബായില് പറന്നിറങ്ങി. വിദഗ്ധ ഡോക്ടര്മാര്, നഴ്സസുമാരുള്പ്പെടെ 88പേര് കൊവിഡ് പരിശോധനകള്പൂര്ത്തിയാക്കിയാണ് വിമാനത്താവളത്തിന് പുറത്തിങ്ങിയത്.
വീട്ടുകാരുടെഎതിര്പ്പിനെപോലും മറികടന്ന് ഗള്ഫിലേക്ക് വന്നവരുമുണ്ട്. സംഘത്തിലേറെയും ആസ്റ്റര് ആശുപത്രിയിലെ മലയാളി ജീവനക്കാരായിരുന്നു. യുഎഇയില് നിന്നു അവധിക്കു നാട്ടില് പോയ ആരോഗ്യപ്രവര്ത്തകരും കൂട്ടത്തിലുണ്ട്. നൂറ്റി എഴുപതോളം രാജ്യങ്ങളിലെ പൗരന്മാരെ ജീവിതത്തിലേക്ക് തിരികെയെത്തിക്കാന് വരും ദിവസങ്ങളില് ഇവര് യുഎഇയിലുണ്ടാകും.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam