കുടുംബവഴക്കിനിടെ യുവാവിന്റെ ജനനേന്ദ്രിയത്തിൽ കടിച്ചുപരിക്കേൽപ്പിച്ച് ബന്ധുവായ സ്ത്രീ; ​ഗുരുതര പരിക്ക്, 55 തുന്നലുകളിട്ടെന്ന് ഡോക്ടർമാർ

കാൻപുർ സ്വദേശിയായ രജ്നീഷി(37)നാണ് ബന്ധുക്കൾ തമ്മിലുണ്ടായ സംഘർഷത്തിനിടെ പരിക്കേറ്റത്. ബന്ധുവായ ​ഗായത്രിയാണ് യുവാവിനെ കടിച്ചുപരിക്കേൽപ്പിച്ചതെന്നാണ് പരാതി. ആദ്യം സാമൂഹികാരോ​ഗ്യ കേന്ദ്രത്തിനും പിന്നീട് കാൻപുരിലെ ആശുപത്രിയിലും പ്രവേശിപ്പിച്ച യുവാവിന്റെ ജനനേന്ദ്രിയത്തിൽ 55 തുന്നലുകളിട്ടെന്നാണ് ഡോക്ടർമാർ പറഞ്ഞത്.

ലഖ്നൗ: കുടുംബവഴക്കിനിടെ ബന്ധുവായ സ്ത്രീ യുവാവിന്റെ ജനനേന്ദ്രിയത്തിൽ കടിച്ചുപരിക്കേൽപ്പിച്ചു. ​ഗുരുതരമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു. ഉത്തർപ്രദേശിലെ കാൻപുരിലാണ് സംഭവം.

കാൻപുർ സ്വദേശിയായ രജ്നീഷി(37)നാണ് ബന്ധുക്കൾ തമ്മിലുണ്ടായ സംഘർഷത്തിനിടെ പരിക്കേറ്റത്. ബന്ധുവായ ​ഗായത്രിയാണ് യുവാവിനെ കടിച്ചുപരിക്കേൽപ്പിച്ചതെന്നാണ് പരാതി. ആദ്യം സാമൂഹികാരോ​ഗ്യ കേന്ദ്രത്തിനും പിന്നീട് കാൻപുരിലെ ആശുപത്രിയിലും പ്രവേശിപ്പിച്ച യുവാവിന്റെ ജനനേന്ദ്രിയത്തിൽ 55 തുന്നലുകളിട്ടെന്നാണ് ഡോക്ടർമാർ പറഞ്ഞത്.

വെള്ളിയാഴ്ചയാണ് സംഭവങ്ങളുടെ തുടക്കം. ​​രജ്നീഷിന്റെ ഭാര്യ സുമന്റെ അടുത്തബന്ധുവാണ് ​ഗായത്രി. വെള്ളിയാഴ്ച ​ഗായത്രിയുടെ മകൻ രജ്നീഷിന്റെ വീട്ടിലെത്തി. ഇവിടെവെച്ച് വഴക്കുണ്ടാവുകയും രജ്നീഷ് ​ഗായത്രിയുടെ മകനെ മർദിക്കുകയും ചെയ്തു. മകൻ ​ഗായത്രിയോട് ഇക്കാര്യം പറഞ്ഞു. തുടർന്ന് ​ഗായത്രി ഇത് ചോദ്യംചെയ്യാനെത്തുകയും ഇത് സംഘർഷത്തിൽ കലാശിക്കുകയുമായിരുന്നു. സംഘർഷത്തിനിടെ അക്രമാസക്തനായ രജ്നീഷ് വസ്ത്രങ്ങൾ ഊരിമാറ്റിയിരുന്നു. ഇതിനിടെ ​ഗായത്രി ഇയാളെ നിലത്തേക്ക് തള്ളിയിടുകയും പിന്നാലെ ജനനേന്ദ്രിയത്തിൽ കടിച്ച് പരിക്കേൽപ്പിക്കുകയുമായിരുന്നു.

​വേദനയോടെ നിലവിളിച്ച രജ്നീഷിനെ പിതാവും അയൽക്കാരും ചേർന്നാണ് സമീപത്തെ ആരോ​ഗ്യ കേന്ദ്രത്തിൽ എത്തിച്ചത്. പരിക്ക് ​ഗുരുതരമായതിനാൽ പിന്നീട് കാൻപുരിലെ ഹാലറ്റ് ആശുപത്രിയിലേക്ക് മാറ്റി.

സംഭവത്തിൽ രജ്നീഷും ഭാര്യയും പൊലീസിൽ പരാതി നൽകിയിട്ടുണ്ട്. പരാതിയിൽ കേസെടുത്തതായും അന്വേഷണം നടത്തിവരികയാണെന്നും പൊലീസ് അറിയിച്ചു.