ജോധ്പൂരിലെ ആദ്യ കൊവിഡ് രോ​ഗിക്ക് സൗഖ്യം; ആശുപത്രി വിട്ടു

പരിശോധനാഫലം പോസിറ്റീവ് ആയതിനെ തുടർന്ന് കുടുംബാം​ഗങ്ങൾ മുഴുവനും ജോധ്പൂരിലെ ആശുപത്രിയിൽ ക്വാറന്റൈനിൽ കഴിയുകയായിരുന്നു. 

ജോധ്പൂർ: ജോധ്പൂരിൽ ആദ്യമായി കൊവിഡ് 19 സ്ഥിരീകരിച്ച വ്യക്തി സുഖം പ്രാപിച്ച് ആശുപത്രി വിട്ടു. അതേസമയം ഇദ്ദഹത്തിന്റെ അമ്മാവൻ സ്പെയിനിൽ വച്ച് കൊവിഡ് 19 രോ​ഗബാധിതനായി മരിച്ചു. ഒരാഴ്ചയിലധികമായി ഇദ്ദേഹം ചികിത്സയിലായിരുന്നു. 37 കാരനായ ഹിമാൻഷു ഉത്തംചന്ദനി ആണ് രോ​ഗമുക്തി നേടിയ വ്യക്തി. മാർച്ച് മാസത്തിൽ ഇദ്ദേ​ഹത്തിന്റെ കുടുംബാം​​ഗങ്ങൾ എല്ലാവരും ഒരു വിവാഹത്തിൽ സംബന്ധിക്കാൻ ഒന്നിച്ചു കൂടിയിരുന്നു. തുർക്കിയിൽ വച്ചായിരുന്നു വിവാഹം. മാർച്ച് 18 ന് അമ്മ, മകൾ, ഭാര്യ എന്നിവർക്കൊപ്പം ഇദ്ദേഹം തിരികെ ഇന്ത്യയിലെത്തി. എയർപോർട്ടിൽ വച്ച് പരിശോധനയ്ക്ക് വിധേയനായെങ്കിലും രോ​ഗമുണ്ടായിരുന്നില്ല. 

പിന്നീട് വീട്ടിലെത്തി മൂന്ന് ദിവസങ്ങൾക്ക് ശേഷം തൊണ്ടയ്ക്ക് അസ്വസ്ഥത അനുഭവപ്പെട്ടതിനെ തുടർന്ന് പ്രാദേശിക ആശുപത്രിയിൽ പരിശോധനയ്ക്ക് വിധേയനായി. പരിശോധനാഫലം പോസിറ്റീവ് ആയതിനെ തുടർന്ന് കുടുംബാം​ഗങ്ങൾ മുഴുവനും ജോധ്പൂരിലെ ആശുപത്രിയിൽ ക്വാറന്റൈനിൽ കഴിയുകയായിരുന്നു. ഏപ്രിൽ ആറിന് അദ്ദേഹം രോ​ഗമുക്തി നേടി ആശുപത്രി വിട്ടു.

അതേ സമയം ഹിമാൻഷുവിന്റെ അമ്മാവനായ മോഹൻ തുർക്കിയിൽ നിന്നും സ്പെയിനിലെത്തിയപ്പോൾ പരശോധനകളൊന്നും കൃത്യമായി നടത്തിയിട്ടുണ്ടായിരുന്നില്ല. അഞ്ച് ദിവസങ്ങൾക്ക് ശേഷം, രോ​ഗ ലക്ഷണങ്ങൾ പ്രകടിപ്പിച്ചതിനെ തുടർന്നാണ് ഡോക്ടർ എത്തിയതെന്ന് അദ്ദേഹത്തിന്റെ സഹോദരൻ ശങ്കർ വ്യക്തമാക്കി. വീട്ടിൽ തന്നെ ക്വാറന്റൈനിൽ തുടരാനാണ് ഡോക്ടർ നിർദ്ദേശിച്ചത്. ആരോ​ഗ്യ സ്ഥിതി വഷളായതിനെ തുടർന്ന് അദ്ദേഹത്തെ മാർച്ച് 31 ന് ഐസിയുവിൽ പ്രവേശിപ്പിച്ചു.