കര്‍ണാടകത്തില്‍ അഞ്ച് മന്ത്രിമാര്‍ നിരീക്ഷണത്തില്‍; മുഖ്യമന്ത്രി നിരീക്ഷണത്തില്‍ പോകണമെന്ന് പ്രതിപക്ഷം

കൊവിഡ് ബാധിച്ച മാധ്യമപ്രവര്‍ത്തകനുമായി മന്ത്രിമാര്‍ സമ്പര്‍ക്കം പുലര്‍ത്തിയിരുന്നു.  

ബെംഗളൂരു: കൊവിഡ് ബാധിച്ചയാളുമായി ഇടപഴകിയ കര്‍ണാടകത്തിലെ അഞ്ച് മന്ത്രിമാര്‍ നിരീക്ഷണത്തില്‍. രണ്ട് ഉപമുഖ്യമന്ത്രിമാരും ആഭ്യന്തര മന്ത്രിയും സാംസ്‍കാരിക, മെഡിക്കല്‍ വിദ്യാഭ്യാസ മന്ത്രിമാരുമാണ് നിരീക്ഷണത്തിലുള്ളത്. കൊവിഡ് ബാധിച്ച മാധ്യമപ്രവര്‍ത്തകനുമായി മന്ത്രിമാര്‍ സമ്പര്‍ക്കം പുലര്‍ത്തിയിരുന്നു.

കന്നഡ വാർത്താ ചാനലിലെ ക്യാമറാമാൻ മന്ത്രിമാരുടെ അഭിമുഖങ്ങൾ എടുത്തിരുന്നു. മുഖ്യമന്ത്രിയുടെ വസതിയിൽ വാർത്താസമ്മേളനത്തിലും പങ്കെടുത്തിരുന്നു. നിരീക്ഷണത്തിൽ പോയ മന്ത്രിമാർ ഇന്ന് മുഖ്യമന്ത്രി യെദിയൂരപ്പ വിളിച്ച  ഉന്നതതല യോഗത്തിന് എത്തിയിരുന്നു. മുഖ്യമന്ത്രിയും നിരീക്ഷണത്തില്‍ പോകണമെന്ന് കോണ്‍ഗ്രസ് ആവശ്യപ്പെട്ടു. മാധ്യമപ്രവർത്തകന്‍റെ ഭാര്യയുടെയും മകളുടെയും പരിശോധന ഫലം നെഗറ്റീവാണ്.