മാൾ ഓഫ് ശ്രീന​ഗറിന്റെ ശിലാസ്ഥാപന കർമ്മം ഞായറാഴ്ച്ച

ഷേർ ഇ കാശ്മീർ ഇന്റർനാഷ്ണൽ കോൺഫറൻസ് സെന്ററിൽ ഉച്ചക്ക് 12 മുതൽ ഒരു മണി വരെ യുഎഇ-ഇന്ത്യാ ഇൻവെസ്റ്റ്മെന്റ് സെഷൻ നടക്കും. ചടങ്ങിൽ റിട്ടയേർഡ് മാജർ ജനറലും യുഎഇ ഇന്ത്യാ ബിസിനസ് കൗൺസിൽ ഇന്ത്യാ ചെയർമാനുമായ ഷറഫുദ്ദീൻ ഷറഫ് സ്വാ​ഗതം പറയും. 

ശ്രീന​ഗർ:  യുഎഇ ഇന്ത്യാ ബിസിനസ് കൗൺസിലിന്റെ മാൾ ഓഫ് ശ്രീന​ഗറിന്റെ ശിലാസ്ഥാപന കർമ്മം ഞായറാഴ്ച്ച നടക്കും. ലെഫ്റ്റനന്റ് ​ഗവർണർ മനോജ് സിൻഹയുടെ സാന്നിധ്യത്തിൽ ശ്രീന​ഗറിലാണ് ചടങ്ങ് നടക്കുന്നത്. രാവിലെ 10.30 മുതൽ 11.15വരെ നടത്തുന്ന രീതിയിലാണ് പരിപാടിയുടെ സമയം നിശ്ചയിച്ചിട്ടുള്ളത്. 

ഷേർ ഇ കാശ്മീർ ഇന്റർനാഷ്ണൽ കോൺഫറൻസ് സെന്ററിൽ ഉച്ചക്ക് 12 മുതൽ ഒരു മണി വരെ യുഎഇ-ഇന്ത്യാ ഇൻവെസ്റ്റ്മെന്റ് സെഷൻ നടക്കും. ചടങ്ങിൽ റിട്ടയേർഡ് മാജർ ജനറലും യുഎഇ ഇന്ത്യാ ബിസിനസ് കൗൺസിൽ ഇന്ത്യാ ചെയർമാനുമായ ഷറഫുദ്ദീൻ ഷറഫ് സ്വാ​ഗതം പറയും. ഫൈസൽ ഇ കൊട്ടിക്കൊള്ളൻ (യുഐബിസി-യുസി ചെയർമാൻ) അധ്യക്ഷനാവും. 12.10 മുതൽ 12.25 വരെ ജമ്മുകാശ്മീരിലെ അവസരങ്ങളെക്കുറിച്ച്(കൃഷി, വി​ദ്യാഭ്യാസം, ആരോ​ഗ്യം) സർക്കാർ പ്രതിനിധി അവതരണം നടത്തും.

ജമ്മുകാശ്മീർ ഗവർണർ മനോജ് സിൻഹ മുഖ്യപ്രഭാഷണം നടത്തും. ഇഎംഎഎആർ പ്രോപർട്ടീസ് ​ഗ്രൂപ്പ് ചീഫ് ഓപ്പറേറ്റിങ് ഓഫീസർ അമിത് ജെയ്ൻ ജമ്മുകാശ്മീരിലെ പദ്ധതിയെ ക്കുറിച്ച് അവലോകനം ചെയ്യും. യുഎഇ ഇന്ത്യാ ബിസിനസ് കൗൺസിലിന്റെ നേതൃത്വത്തിൽ നന്ദി പ്രകാശിപ്പിക്കുന്നതോടെ ചടങ്ങിന് പരിസമാപ്തി കുറിക്കും.