മുംബൈയിൽ കനത്ത മഴ; റോഡുകളിൽ വൻ ​ഗതാ​ഗതക്കുരുക്ക്, വാഹനങ്ങളുടെ നീണ്ടനിര; നാളെയും അതിതീവ്ര മഴയ്ക്ക് സാധ്യത

വ്യാഴാഴ്ച രാവിലെ മുതൽ ആരംഭിച്ച കനത്ത മഴയിൽ പലയിടത്തും വെള്ളക്കെട്ടുണ്ടായി. ഇതോടെ വെസ്റ്റേൺ, ഈസ്റ്റേൺ എക്സ്പ്രസ് ഹൈവേകളിൽ വൻ ​ഗതാ​ഗതക്കുരുക്കാണ് അനുഭവപ്പെടുന്നത്. ​ഗതാ​ഗതം താറുമാറായതോടെ രാവിലെ ജോലിക്ക് പോകുന്നവരെ ഉൾപ്പെടെ ബാധിച്ചു.

മുംബൈ: കനത്ത മഴയിൽ മുംബൈയിൽ ദുരിതം. വ്യാഴാഴ്ച രാവിലെ മുതൽ ആരംഭിച്ച കനത്ത മഴയിൽ പലയിടത്തും വെള്ളക്കെട്ടുണ്ടായി. ഇതോടെ വെസ്റ്റേൺ, ഈസ്റ്റേൺ എക്സ്പ്രസ് ഹൈവേകളിൽ വൻ ​ഗതാ​ഗതക്കുരുക്കാണ് അനുഭവപ്പെടുന്നത്. ​ഗതാ​ഗതം താറുമാറായതോടെ രാവിലെ ജോലിക്ക് പോകുന്നവരെ ഉൾപ്പെടെ ബാധിച്ചു.

വെസ്റ്റേൺ ഹൈവേയിൽ സാന്താക്രൂസ് ഈസ്റ്റ് ഉൾപ്പെടെയുള്ള മേഖലകളിൽ വാഹനങ്ങളുടെ നീണ്ടനിരയാണുള്ളത്. ഈസ്റ്റേൺ ഹൈവേയിൽ കുർളയ്ക്കും സിയോണിനും ഇടയിലും ​ഗതാ​ഗതക്കുരുക്ക് രൂക്ഷമാണ്. പ്രിയദർശിനി പാർക്കിന് സമീപത്തും ഗതാ​ഗതം താറുമാറായി.

കനത്ത മഴ തുടരുന്നതിനാൽ അടിയന്തര സേവനങ്ങൾക്കായി ദുരന്തനിവാരണ സേനാം​ഗങ്ങൾ ഉൾപ്പെടെ രം​ഗത്തുണ്ട്. മാരോൾ മിലിട്ടറി റോഡിൽ മരംവീണ് ​ഗതാ​ഗതം തടസ്സപ്പെട്ടു. പിന്നീട് ഫയർഫോഴ്സ് എത്തിയാണ് മരം മുറിച്ചുനീക്കിയത്.

മുംബൈയിലും പ്രാന്തപ്രദേശങ്ങളിലും വ്യാഴാഴ്ച രാത്രിയും വെള്ളിയാഴ്ച രാവിലെയും അതിതീവ്ര മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. മണിക്കൂറിൽ 50-60 കി.മീ വേ​ഗതയിൽ കാറ്റിനും സാധ്യതയുണ്ട്. കഴിഞ്ഞ 24 മണിക്കൂറിനുള്ളിൽ മുംബൈയുടെ കിഴക്കൻ മേഖലകളിലാണ് ഏറ്റവും കൂടുതൽ മഴ ലഭിച്ചത്.

#WATCH | Maharashtra: A massive traffic snarl seen at Eastern Express Highway between Kurla- Sion due to heavy rainfall in Mumbai. pic.twitter.com/yYEYio0ib9

— ANI (@ANI) July 2, 2026