പന്ത്രണ്ട് ചീറ്റകൾ കൂടി ഇന്ത്യയിലേക്ക് : ഇക്കുറി ദക്ഷിണാഫ്രിക്കയിൽ നിന്നും

കഴിഞ്ഞ സെപ്റ്റംബറിലാണ് നിമീബിയയില്‍ നിന്നും 8 ചീറ്റപ്പുലികളെ രാജ്യത്തെത്തിച്ചത്. 1952 ലാണ് രാജ്യത്ത് ചീറ്റപുലികൾക്ക് വംശനാശം വന്നതായി പ്രഖ്യാപിക്കുന്നത്. 

ദില്ലി: പന്ത്രണ്ട് ചീറ്റകളെ കൂടി ഇന്ത്യയിലെത്തിക്കുമെന്ന് കേന്ദ്ര പരിസ്ഥിതി മന്ത്രി ഭൂപേന്ദ്ര യാദവ്. സൌത്ത് ആഫ്രിക്കയിൽ നിന്നുമാണ് അഞ്ച് ആൺ ചീറ്റകളെയും അഞ്ച് പെൺചീറ്റകളെയുമെത്തിക്കുന്നത്. കുനോ ദേശീയ പാർക്കിൽ ഇവയ്ക്കായി പ്രത്യേക ക്വാറൻറൈൻ സൌകര്യങ്ങൾ സജ്ജമാണെന്നും മന്ത്രി അറിയിച്ചു. കഴിഞ്ഞ മാസമാണ് ചീറ്റകളെ കൈമാറുന്നതിനുള്ള കരാറിൽ ഇന്ത്യയും ദക്ഷിണാഫ്രിക്കയും ഒപ്പിട്ടത്. കഴിഞ്ഞ സെപ്റ്റംബറിലാണ് നമീബിയയില്‍ നിന്നും 8 ചീറ്റപ്പുലികളെ രാജ്യത്തെത്തിച്ചത്. 1952 ലാണ് രാജ്യത്ത് ചീറ്റപുലികൾക്ക് വംശനാശം വന്നതായി പ്രഖ്യാപിക്കുന്നത്.