'ഇന്ത്യയുടെ 4 റഫാൽ വിമാനങ്ങൾ കാണാതായി', വിവാദ റിപ്പോർട്ട് തള്ളി മുൻ വ്യോമസേന ഉപമേധാവി

Published : Nov 20, 2026, 08:06 PM IST
Rafale

Synopsis

ബ്രിട്ടീഷ് വ്യോമയാന മാഗസിനായ ഫ്ലൈറ്റ് ഗ്ലോബലിന്റെ വേൾഡ് എയർഫോഴ്സ് ഡയറക്ടറി പുറത്ത് വിട്ട രേഖകളിൽ ഇന്ത്യക്ക് പ്രവർത്തന ക്ഷമമായ 32 റഫാൽ മാത്രമമാണ് ഉള്ളതെന്നായിരുന്നു വിശദമാക്കിയത്

ഡൽഹി: ഇന്ത്യൻ വ്യോമസേനയുടെ കൈവശം പ്രവർത്തനക്ഷമമായ 32 റഫാൽ വിമാനങ്ങൾ എന്ന വിവാദ റിപ്പോർട്ട് തള്ളി മുൻ വ്യോമസേന ഉപമേധാവി. 36 റഫാൽ വിമാനങ്ങളാണ് ഇന്ത്യ ഫ്രാൻസിൽ നിന്ന് വാങ്ങിയിരുന്നത്. എന്നാൽ ബ്രിട്ടീഷ് വ്യോമയാന മാഗസിനായ ഫ്ലൈറ്റ് ഗ്ലോബലിന്റെ വേൾഡ് എയർഫോഴ്സ് ഡയറക്ടറി പുറത്ത് വിട്ട രേഖകളിൽ ഇന്ത്യക്ക് പ്രവർത്തന ക്ഷമമായ 32 റഫാൽ മാത്രമമാണ് ഉള്ളതെന്നായിരുന്നു വിശദമാക്കിയത്. ഈ റിപ്പോർട്ട് വലിയ രീതിയിൽ വിവാദമായതിന് പിന്നാലെയാണ് ഓപ്പറേഷൻ സിന്ദൂർ നടന്ന സമയത്തെ സേവനം ചെയ്തിരുന്ന ഇന്ത്യൻ വ്യോമസേന ഉപമേധാവിയായിരുന്ന എയർ മാർഷൽ നർമദേശ്വർ തിവാരിയുടെ പ്രതികരണം. വിമാനങ്ങളുടെ എണ്ണം കുറഞ്ഞതിന് കൃത്യമായ രേഖകളോ വിശദീകരണങ്ങളോ ഉൾപ്പെടുത്താതെയായിരുന്നു ഫ്ലൈറ്റ് ഗ്ലോബലിന്റെ റിപ്പോർട്ട്. റിപ്പോർട്ടിന്റെ അടിസ്ഥാനമെന്താണെന്നാണ് എയർ മാർഷൽ നർമദേശ്വർ തിവാരി ചോദിക്കുന്നത്. നിങ്ങളുടെ റിപ്പോർട്ട് കൃത്യമായ വിവരങ്ങളുടെ അടിസ്ഥാനത്തിൽ വിലയിരുത്തൂവെന്നാണ് എയർ മാർഷൽ നർമദേശ്വർ തിവാരി എക്സിലെ കുറിപ്പിൽ വിശദമാക്കുന്നത്.

വ്യോമസേനയുടെ ആദ്യ റഫാൽ വനിതാ പൈലറ്റായ സ്ക്വാഡ്രൻ ലീഡർ ശിവാംഗി സിംഗ് പാക് പിടിയിലായെന്ന പാക് പ്രചാരണം പോലെ തന്നെയാണ് പുതിയ അവകാശവാദമെന്നാണ് നർമദേശ്വർ തിവാരി വിശദമാക്കുന്നത്. ഫ്ലൈറ്റ് ഗ്ലോബലിന്റെ ഡയറക്ടറിയിൽ ഇന്ത്യൻ വ്യോമസേനയുടെ പട്ടികയിലാണ് റഫാൽ വിമാനങ്ങളുടെ പുതുക്കിയ എണ്ണം നൽകിയിരുന്നത്. യുദ്ധവിമാനങ്ങളുടെ വിഭാഗത്തിൽ റഫാൽ എന്നതിന് നേരെ പ്രവർത്തനക്ഷമമായവയുടെ കോളത്തിൽ 32 എന്നാണ് രേഖപ്പെടുത്തിയിരുന്നത്. റഫാലിന്റെ ഇരട്ട സീറ്റുള്ള 8 വിമാനങ്ങളും ഒറ്റ സീറ്റുള്ള 28 വിമാനങ്ങളുമാണ് ഇന്ത്യ വാങ്ങിയത്. ഇതേ റിപ്പോർട്ടിൽ പാകിസ്ഥാന്റെ പക്കലുള്ള സാബ് 2000 എറിഐ വിമാനങ്ങളുടെ എണ്ണം ഒമ്പതിൽ നിന്ന് ഏഴായി കുറച്ചാണ് കാണിച്ചിരിക്കുന്നത്.

ഏഷ്യാനെറ്റ് ന്യൂസ് ലൈവ് കാണാം

PREV

ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

രാജസ്ഥാൻ പഞ്ചായത്ത് തെരഞ്ഞെടുപ്പ്; ബിജെപി പോക്കറ്റിൽ അക്കൌണ്ട് തുറന്ന് സിപിഎം, 50 പഞ്ചായത്ത് സമിതി സീറ്റ് നേട്ടം
തിരുപ്പരൻകുന്ദ്രം ദീപം തെളിക്കൽ; മദ്രാസ് ഹൈക്കോടതി വിധിക്ക് സ്റ്റേ, നവംബർ 24ന് ദീപം തെളിക്കാൻ അനുമതി