Narendra Modi Marg : നെഹ്റു റോഡ് ഇനിമുതല് നരേന്ദ്രമോദി റോഡ്; പേര് മാറ്റി സിക്കിം
Synopsis
കൊവിഡ് കാലത്ത് സൌജന്യ വാക്സിനും, റേഷനും നല്കിയതിന് ആദരസൂചകമായാണ് റോഡിന് പ്രധാനമന്ത്രി മോദിയുടെ പേര് ഇട്ടത് എന്നാണ്...
ഗാംഗ്ടോക്ക്: സിക്കിമിലെ ഗാംഗ്ടോക്കിലെ നാഥുല അതിര്ത്തിയെയും, സോംഗോ തടാകത്തെയും ബന്ധിപ്പിക്കുന്ന റോഡ് ഇനി മുതല് പ്രധാനമന്ത്രി നരേന്ദ്രമോദിയുടെ പേരില് അറിയപ്പെടും. സിക്കിം ഗവര്ണര് ഗംഗ പ്രസാദാണ് റോഡ് ഉദ്ഘാടനം ചെയ്തത്. നേരത്തെ ജവഹര്ലാല് നെഹ്റു മാര്ഗ് എന്നായിരുന്നു ഈ റോഡിന്റെ പേര്.
കൊവിഡ് കാലത്ത് സൌജന്യ വാക്സിനും, റേഷനും നല്കിയതിന് ആദരസൂചകമായാണ് റോഡിന് പ്രധാനമന്ത്രി മോദിയുടെ പേര് ഇട്ടത് എന്നാണ് പ്രദേശിക നേതാവായ ഐകെ റസൈലി പ്രതികരിച്ചത് എന്നാണ് പിടിഐ റിപ്പോര്ട്ട് ചെയ്യുന്നത്. റോഡ് ഉദ്ഘാടനത്തിന്റെയും പേര് മാറ്റത്തിന്റെയും ചിത്രങ്ങള് അടക്കം സംസ്ഥാന ബിജെപി അദ്ധ്യക്ഷന് ഡിബി ചൌഹാന് അടക്കം ട്വിറ്ററില് പങ്കുവച്ചിട്ടുണ്ട്. 19.51 കിലോമീറ്റര് നീളത്തിലുള്ള റോഡാണ് സോംഗോ- നാഥുല റോഡ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam