ജി ഏഴ് ഉച്ചകോടിക്ക് മോദിയെ ക്ഷണിച്ച് ട്രംപ്; ഇന്ത്യ-ചൈന തർക്കം സംബന്ധിച്ചും ചർച്ച ചെയ്തു

ഇന്ത്യ-ചൈന തർക്കം സംബന്ധിച്ചും ഇരുനേതാക്കളും ചർച്ച ചെയ്തു. അമേരിക്കയിലെ ആഭ്യന്തര സംഘർഷത്തിൽ മോദി ആശങ്ക രേഖപ്പെടുത്തി. 

ദില്ലി: ജി ഏഴ് ഉച്ചകോടിക്ക് പ്രധാനമന്ത്രി നരേന്ദ്രമോദിയെ ക്ഷണിച്ച് അമേരിക്കൻ പ്രസിഡന്റ് ഡോണൾഡ് ട്രംപ്. ജി ഏഴ് കൂട്ടായ്മ വികസിപ്പിക്കുമെന്ന് ട്രംപ് പറഞ്ഞു. ഇന്ത്യ-ചൈന തർക്കം സംബന്ധിച്ചും ഇരുനേതാക്കളും ചർച്ച ചെയ്തു. അമേരിക്കയിലെ ആഭ്യന്തര സംഘർഷത്തിൽ മോദി ആശങ്ക രേഖപ്പെടുത്തി. ടെലിഫോണിലൂടെയാണ് ഇരുവരും സംവദിച്ചത്. 

ഉച്ചകോടിയുടെ വിജയത്തിനായി അമേരിക്കയ്ക്കും മറ്റ് രാജ്യങ്ങൾക്കുമൊപ്പം പ്രവർത്തിക്കുന്നതിൽ സന്തോഷമുണ്ടെന്ന് മോദി പറഞ്ഞു. അമേരിക്കയിലെ നിലവിലെ സ്ഥിതി​ഗതികളിൽ ആശങ്ക പ്രകടിപ്പിച്ച മോദി കാര്യങ്ങൾ എത്രയും പെട്ടന്ന് സാധാരണ​ഗതിയിലാകട്ടെ എന്നും ആശംസിച്ചു.