'നിങ്ങൾ ബിജെപിയുടെ മുഴുവൻ സമയ തൊഴിലാളികളല്ല, കുറച്ചെങ്കിലും വസ്തുനിഷ്ഠമായി ജോലി ചെയ്യാൻ ശ്രമിക്കൂ'; മാധ്യമപ്രവർത്തകരോട് ക്ഷുഭിതനായി രാഹുൽ

ബിജെപി എംപി നിഷികാന്ത് ദുബെ തനിക്കെതിരെ പ്രമേയത്തിന് നോട്ടീസ് നൽകിയതിനെക്കുറിച്ച് ചോദിച്ച മാധ്യമപ്രവർത്തകരോട് ക്ഷുഭിതനായി രാഹുൽ ഗാന്ധി. നിങ്ങൾ ബിജെപിയുടെ മുഴുവൻ സമയ തൊഴിലാളികളല്ലെന്നും കുറച്ചെങ്കിലും വസ്തുനിഷ്ഠമായി ജോലി ചെയ്യണമെന്നും രാഹുല്‍.

ദില്ലി: മാധ്യമ പ്രവർത്തകർക്കെതിരെ ക്ഷുഭിതനായി ലോക്സഭ പ്രതിപക്ഷ നേതാവ് രാഹുൽ ​ഗാന്ധി. രാഹുൽ ഗാന്ധിക്കെതിരെ വ്യാഴാഴ്ച പ്രമേയം അവതരിപ്പിക്കാൻ ബിജെപി എംപി നിഷികാന്ത് ദുബെ നോട്ടീസ് സമർപ്പിച്ചതിനെക്കുറിച്ച് മാധ്യമ പ്രവർത്തകർ ചോദിച്ചപ്പോഴായിരുന്നു രാഹുലിന്റെ പ്രതികരണം. പാർലമെന്റിൽ പ്രമേയത്തെക്കുറിച്ച് ചോദ്യം ചോദിച്ചപ്പോൾ, ഇന്ന് മാധ്യമങ്ങൾക്ക് നൽകിയ കീവേഡ് ഇതാണോ എന്ന് അദ്ദേഹം ചോദിച്ചു. നിങ്ങൾ നിങ്ങളുടെ ജോലിയിൽ ചിലത് ചെയ്യണം. നിങ്ങൾ ബിജെപിയുടെ പൂർണസമയ ജോലിക്കാരല്ല. കുറച്ച് വസ്തുനിഷ്ഠമായ ജോലി ചെയ്യാൻ ശ്രമിക്കുക. ഇത് ശരിക്കും ലജ്ജാകരമാണ്. ഇത് വളരെ കൂടുതലാണെന്ന് നിങ്ങൾക്ക് തോന്നുന്നില്ലേ. നിങ്ങൾ ഉത്തരവാദിത്തമുള്ള ആളുകളാണ്. നിങ്ങൾ മാധ്യമ പ്രവർത്തകരാണ്. വസ്തുനിഷ്ഠമായിരിക്കാൻ നിങ്ങൾക്ക് ഉത്തരവാദിത്തമുണ്ട്. അവർ ദിവസവും പറയുന്ന ഒരു വാക്ക് കേട്ട് അതിൽ മുഴുകി നിൽക്കാൻ നിങ്ങൾക്ക് കഴിയില്ല. നിങ്ങൾ രാജ്യത്തിന് ഒരു ദ്രോഹം ചെയ്യുകയാണ്. അത് നിങ്ങൾക്ക് തിരിച്ചറിയാൻ കഴിയുന്നില്ലേയെന്നും രാഹുൽ ചോദിച്ചു.

രാ​ഹുൽ ഗാന്ധി സഭയെ തെറ്റിദ്ധരിപ്പിച്ചുവെന്നും അദ്ദേഹത്തിന്റെ പാർലമെന്ററി അംഗത്വം റദ്ദാക്കണമെന്നും ദുബെ തന്റെ നോട്ടീസിൽ ആരോപിച്ചു. ഗാന്ധിയെ തിരഞ്ഞെടുപ്പിൽ മത്സരിക്കുന്നതിൽ നിന്ന് വിലക്കണമെന്നും അദ്ദേഹം ആവശ്യപ്പെട്ടിട്ടുണ്ട്. സോറോസ് ഫൗണ്ടേഷൻ, ഫോർഡ് ഫൗണ്ടേഷൻ, യുഎസ്എഐഡി എന്നിവയുമായുള്ള രാഹുൽ ഗാന്ധിയുടെ ഇടപെടലുകളെക്കുറിച്ചും ഏർപ്പെടാൻ തായ്‌ലൻഡ്, കംബോഡിയ, വിയറ്റ്നാം, യുഎസ് തുടങ്ങിയ രാജ്യങ്ങളിലേക്ക് അദ്ദേഹം നടത്തിയ യാത്രയെക്കുറിച്ചും ദുബെ ആരോപണം ഉന്നയിച്ചു.

രാഹുൽ ഗാന്ധിക്കെതിരായ പ്രമേയം കൊണ്ടുവരുന്നുണ്ടെങ്കിൽ അതിന്റെ മറുപടി കേൾക്കാൻ തയ്യാറാകണമെന്ന് കോൺഗ്രസ് എംപി ഇമ്രാൻ മസൂദ് പറഞ്ഞു. രാഹുലിന്റെ പ്രസംഗത്തിൽ നിന്ന് അവർ എല്ലാം നീക്കം ചെയ്യുകയാണ്. പ്രമേയം കൊണ്ടുവരുകയാണെങ്കിൽ പ്രതിപക്ഷത്തിന്റെ മറുപടി കേൾക്കണം. എപ്സ്റ്റീൻ ഫയലുകളിൽ എന്താണ് പാർലമെന്ററി വിരുദ്ധം? അതൊരു പ്രധാന വിഷയമാണെന്നും അദ്ദേഹം പറഞ്ഞു.