മമതയ്ക്കെതിരെ അപകീർത്തികരമായ പരാമർശം ; യൂട്യൂബറെ ഗോവയില്‍ നിന്നും അറസ്റ്റ് ചെയ്ത് ബംഗാള്‍ പൊലീസ്

നേരത്തെ പശ്ചിമബംഹാള്‍ സാഹിത്യ അക്കാദമി മമത ബാനര്‍ജിക്ക് പ്രത്യേക സാഹിത്യ പുരസ്കാരം നല്‍കുന്നതിനെ റോയി എതിര്‍ത്ത് രംഗത്ത് എത്തിയിരുന്നു. 

കൊല്‍ക്കത്ത: പശ്ചിമ ബംഗാൾ മുഖ്യമന്ത്രി മമത ബാനർജിക്കെതിരെ അപകീർത്തികരമായ പരാമർശം നടത്തിയെന്ന് ആരോപിച്ച് യൂട്യൂബർ റോഡൂർ റോയിയെ കൊൽക്കത്ത പൊലീസ് ചൊവ്വാഴ്ച ഗോവയിൽ നിന്ന് അറസ്റ്റ് ചെയ്തു.

റോഡൂർ റോയിയെ ഗോവയിൽ നിന്ന് അറസ്റ്റ് ചെയ്തു, ട്രാൻസിറ്റ് റിമാൻഡിൽ കൊൽക്കത്തയില്‍ എത്തിച്ചുവെന്നാണ് എഎന്‍ഐ റിപ്പോര്‍ട്ട് ചെയ്യുന്നത്..

അന്തരിച്ച ബോളിവുഡ് ഗായകൻ കെകെയുമായി ബന്ധപ്പെട്ട് ഗായകൻ രൂപങ്കർ ബാഗ്‌ചിയുടെ പ്രസ്താവനയുമായി ബന്ധപ്പെട്ട വിവാദത്തെക്കുറിച്ചുള്ള ഫേസ്ബുക്ക് ലൈവ് സെഷനിലാണ് റോയ് ബാനർജിക്കെതിരെ പരാമർശം നടത്തിയത്. ബാഗ്‌ചി, ബാനർജി, അവരുടെ അനന്തരവൻ എംപി അഭിഷേക് ബാനർജി എന്നിവർക്കെതിരെ റോയ് അപകീർത്തികരമായ പരാമർശങ്ങൾ നടത്തിയെന്നാണ് ആരോപണം.

നേരത്തെ പശ്ചിമബംഹാള്‍ സാഹിത്യ അക്കാദമി മമത ബാനര്‍ജിക്ക് പ്രത്യേക സാഹിത്യ പുരസ്കാരം നല്‍കുന്നതിനെ റോയി എതിര്‍ത്ത് രംഗത്ത് എത്തിയിരുന്നു. 

റോയിയുടെ പരാമർശങ്ങളുടെ പേരിൽ കൊൽക്കത്തയിലെ വിവിധ പോലീസ് സ്റ്റേഷനുകളിൽ നിരവധി പരാതികൾ ലഭിച്ചിരുന്നു. തൃണമൂൽ കോൺഗ്രസ് വക്താവ് റിജു ദത്തയും റോയി ചിത്പൂർ പോലീസ് സ്‌റ്റേഷനിൽ നല്‍കിയ പരാതിയില്‍ കേസെടുത്തിട്ടുണ്ടെന്ന് പോലീസ് പറഞ്ഞു.