ആദ്യം അപകട സാധ്യതകളെ കുറിച്ച് ആശങ്ക, പിന്നീട് ഓഡിയോ ബുക്ക്; മെലാനിയ ട്രംപിന്റെ മെലാനിയ-ദി എഐ പുറത്തിറങ്ങും
Synopsis
എന്റെ ശബ്ദത്തില് എഐ ഉപയോഗിച്ച് നിര്മ്മിക്കുന്ന മെലാനിയ-ദി എഐ ഓഡിയോ ബുക്ക് നിങ്ങള്ക്ക് മുന്നിലേക്ക് കൊണ്ടുവരുന്നു എന്നാണ് മെലാനിയ സമൂഹ മാധ്യമങ്ങളില് കുറിച്ചത്.
ന്യൂയോര്ക്ക്: ആര്ട്ടിഫിഷ്യല് ഇന്റലിജന്സിന്റെ സഹായത്തോടെ സ്വന്തം ശബ്ദത്തില് ഓഡിയോ ബുക്ക് പുറത്തിറക്കുമെന്ന് അമേരിക്കന് പ്രഥമ വനിത മെലാനിയ ട്രംപ്. 55 കാരിയായ മെലാനിയ സമൂഹ മാധ്യമങ്ങളിലൂടെയാണ് ഓഡിയോ ബുക്ക് പുറത്തിറക്കുന്നതിനെ സംബന്ധിച്ച് ലോകത്തെ അറിയിച്ചത്. 7 മണിക്കൂര് ദൈര്ഘ്യമുള്ള ഓഡിയോ ബുക്കിന് 25 ഡോളറായിരിക്കും വില. ഓര്മ്മക്കുറിപ്പിന്റെ രൂപത്തിലുള്ളതായിരിക്കും ഓഡിയോ ബുക്ക്. എഐ ഡീപ് സീക്കിന്റെ അപകട സാധ്യതകളെ കുറിച്ച് മെലാനിയ ഈ അടുത്ത് ആശങ്ക പങ്കുവെച്ചിരുന്നു. അതിന് ശേഷമാണ് എഐയുടെ സഹായത്തോടെ ഇത്തരത്തില് ഒരു നീക്കം.
എന്റെ ശബ്ദത്തില് എഐ ഉപയോഗിച്ച് നിര്മ്മിക്കുന്ന മെലാനിയ-ദി എഐ ഓഡിയോ ബുക്ക് നിങ്ങള്ക്ക് മുന്നിലേക്ക് കൊണ്ടുവരുന്നു എന്നാണ് മെലാനിയ സമൂഹ മാധ്യമങ്ങളില് കുറിച്ചത്. അമേരിക്കന് പ്രസിഡന്റ് ഡൊണാള്ഡ് ട്രംപിന്റെ മേല്നോട്ടത്തിലും നിര്ദേശത്തിലും നിര്മ്മിച്ചതാണ് ഓഡിയോ ബുക്കെന്നും ഈ വര്ഷം അവസാനത്തോടെ മറ്റ് ഭാഷകളിലും ഓഡിയോ ബുക്ക് ലഭ്യമാക്കുമെന്നും ഓഡീയോ ബുക്ക് പുറത്തിറക്കുന്ന വെബ്സൈറ്റ് വ്യക്തമാക്കി.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam