ബാല​ഗോകുലം പ്രസിദ്ധീകരണത്തിന്റെ സ്കോളർഷിപ്പ് പരീക്ഷയ്ക്ക് സ്കൂളുകളിൽ അനുമതി; പൊതുവിദ്യാഭ്യാസ ഡയറക്ടറുടെ ഉത്തരവ് വിവാദത്തിൽ, റിപ്പോർട്ട് തേടി മന്ത്രി

ദേശീയ അധ്യാപക പരിഷത്തിനാണ് സ്കൂളുകളിൽ സ്കോളർഷിപ്പ് പരീക്ഷ നടത്താൻ പൊതുവിദ്യാഭ്യാസ ഡയറക്ടർ അനുമതി നൽകിയത്. ദേശീയ അധ്യാപക പരിഷത്തും മയിൽപ്പീലി മാസികയും സഹകരിച്ചാണ് യം​​ഗ് സ്കോളർ എക്സാം എന്ന പേരിൽ പരീക്ഷ നടത്തിയിരുന്നത്.

തിരുവനന്തപുരം: ബാല​ഗോകുലം പ്രസിദ്ധീകരണമായ മയിൽപ്പീലിയുടെ സ്കോളർഷിപ്പ് പരീക്ഷ സ്കൂളുകളിൽ നടത്താൻ അനുമതി നൽകിയതിൽ വിവാ​ദം. സ്കോളർഷിപ്പ് പരീക്ഷയ്ക്ക് അനുമതി നൽകിയ പൊതുവിദ്യാഭ്യാസ ഡയറക്ടറുടെ ഉത്തരവാണ് വിവാദമായിരിക്കുന്നത്. ഉത്തരവ് വിവാദമായതോടെ വിദ്യാഭ്യാസ മന്ത്രി എൻ ഷംസുദ്ദീൻ വിഷയത്തിൽ റിപ്പോർട്ട് തേടി.

ദേശീയ അധ്യാപക പരിഷത്തിനാണ് സ്കൂളുകളിൽ സ്കോളർഷിപ്പ് പരീക്ഷ നടത്താൻ പൊതുവിദ്യാഭ്യാസ ഡയറക്ടർ അനുമതി നൽകിയത്. ദേശീയ അധ്യാപക പരിഷത്തും മയിൽപ്പീലി മാസികയും സഹകരിച്ചാണ് യം​​ഗ് സ്കോളർ എക്സാം എന്ന പേരിൽ പരീക്ഷ നടത്തിയിരുന്നത്. യുപി, ഹൈസ്കൂൾ തല വിദ്യാർഥികൾക്കായിരുന്നു പരീക്ഷ. സംഘപരിവാർ ആഭിമുഖ്യമുള്ള അധ്യാപക സംഘടനയാണ് ദേശീയ അധ്യാപക പരിഷത്ത്. ബാല​ഗോകുലത്തിന്റെ പ്രസിദ്ധീകരണമാണ് മയിൽപ്പീലി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഒക്ടോബർ 30-ന് സ്കൂൾതലങ്ങളിലെ പരീക്ഷ നടന്നിരുന്നു. നവംബർ 14-നായിരുന്നു സബ്ജില്ലാ തലങ്ങളിൽ പരീക്ഷ. നവംബർ 22-നാണ് ജില്ലാ തലത്തിലെ പരീക്ഷ. ഇതിനിടെ, പരീക്ഷയ്ക്ക് അനുമതി നൽകിയത് വിവാദമായതോടെയാണ് വിദ്യാഭ്യാസ മന്ത്രി വിഷയത്തിൽ ഇടപെട്ടത്.