കുമളിയില്‍ നിര്‍ത്തിയിട്ടിരുന്ന ബസിന് തീപിടിച്ചു; ക്ലീനര്‍ മരിച്ചു

കുമളി പശുപ്പാറ റൂട്ടിലോടുന്ന കൊണ്ടോടി ബസിന് വെളുപ്പിനെ 2 മണിയോടെ തീ പിടിക്കുകയായിരുന്നു. 

ഇടുക്കി: കുമളി പെട്രോൾ പമ്പിന് സമീപം നിറുത്തിയിട്ടിരുന്ന സ്വകാര്യ ബസിനു തീ പിടിച്ചു ഒരാൾ മരിച്ചു. ബസ്സിനുള്ളിൽ കിടന്ന് ഉറങ്ങുകയായിരുന്ന ക്ലീനർ ആണ് മരിച്ചത്. വണ്ടിപ്പെരിയർ സ്വദേശി രാജനാണ് മരിച്ചത്. കുമളി പശുപ്പാറ റൂട്ടിലോടുന്ന കൊണ്ടോടി ബസിന് വെളുപ്പിനെ 2 മണിയോടെ തീ പിടിക്കുകയായിരുന്നു. പോലീസും, നാട്ടുംകാരും, അഗ്നിശമന സേനയും ചേർന്ന് തീ പൂർണ്ണമായും അണച്ചു എങ്കിലും ബസിനുള്ളിൽ കിടന്ന ക്ലീനറെ രക്ഷിക്കാനായില്ല.