വിവാദ ഐപിഎസ് ഉദ്യോഗസ്ഥൻ വി ജി വിനോദ് കുമാറിനെ പൊലീസ് ആസ്ഥാനത്തെ പ്രധാന ചുമതലയിൽ നിന്ന് മാറ്റി

Published : Nov 21, 2026, 02:02 PM IST
V G Vinod Kumar IPS

Synopsis

വിവാദ ഐപിഎസ് ഉദ്യോഗസ്ഥൻ വി ജി വിനോദ് കുമാറിനെ പൊലീസ് ആസ്ഥാനത്തെ പ്രധാന ചുമതലയിൽ നിന്ന് മാറ്റി. മുഖ്യമന്ത്രി, ആഭ്യന്തര മന്ത്രി എന്നിവരുടെ ഓഫീസുകളിൽ ലഭിക്കുന്ന പരാതികൾ കൈകാര്യം ചെയ്യുന്ന ഡിജിപിയുടെ സ്പെഷ്യൽ ടീമിൽ നിന്നാണ് നീക്കിയത്.

തിരുവനന്തപുരം: പൊലീസ് ആസ്ഥാനത്തെ പ്രധാന ചുമതലയിൽ നിന്ന് വിവാദ ഐപിഎസ് ഉദ്യോഗസ്ഥൻ വി ജി വിനോദ് കുമാറിനെ മാറ്റി. മുഖ്യമന്ത്രി, ആഭ്യന്തര മന്ത്രി എന്നിവരുടെ ഓഫീസുകളിൽ ലഭിക്കുന്ന പരാതികൾ കൈകാര്യം ചെയ്യുന്ന ഡിജിപിയുടെ സ്പെഷ്യൽ ടീമിൽ ആണ് വി ജി വിനോദ് കുമാറിനെ നിയമിച്ചിരുന്നത്. ഏഷ്യാനെറ്റ്‌ ന്യൂസ് വാർത്തയ്ക്ക് തൊട്ടുപിന്നാലെ ഉത്തരവ് പിൻവലിക്കാൻ ആഭ്യന്തര മന്ത്രി നിർദേശം നൽകുകയായിരുന്നു.

പോക്സോ കേസ് അട്ടിമറി, വാഹനാപകടക്കേസിലെ വ്യാജ എഫ്ഐആർ, വനിതാ എസ്ഐമാർക്ക്‌ അശ്ലീല സന്ദേശം അയക്കൽ തുടങ്ങി പലവിധ ആരോപണങ്ങൾ നേരിടുന്ന ഉദ്യോഗസ്ഥനാണ് പത്തനംതിട്ട മുൻ എസ്പി ആയിരുന്ന വി ജി വിനോദ് കുമാർ. അത്രയും കുപ്രസിദ്ധനായ ഉദ്യോഗസ്ഥനെ പ്രൊട്ടക്ഷൻ ഓഫ് സിവിൽ റൈറ്റ്സ് എസ്പി ആയി അടുത്തിടെ സർക്കാർ നിയമിച്ചു. സേനയ്ക്ക് ഉള്ളിൽ ഏറെ അമർഷം ഉണ്ടാക്കിയ നടപടിക്ക് പിന്നാലെയാണ് അടുത്ത ഉത്തരവ് പൊലീസ് ആസ്ഥാനത്ത് നിന്ന് ഇറങ്ങിയത്.

മുഖ്യമന്ത്രി, ആഭ്യന്തര മന്ത്രി എന്നിവരുടെ ഓഫീസുകളിൽ ലഭിക്കുന്ന പരാതികൾ കൈകാര്യം ചെയ്യാൻ സംസ്ഥാന പൊലീസ് മേധാവിക്ക് കീഴിൽ ഒരു സ്പെഷ്യൽ ടീമിനെ രൂപീകരിച്ചിരുന്നു. അതിലെ പ്രധാന ചുമതലക്കാരന്റെ തസ്തികയിലേക്കാണ് എസ്പി വിനോദ് കുമാർ എത്തിയത്. പോക്സോ കേസ് അട്ടിമറിയിൽ വിനോദ് കുമാറിനെതിരെ ഡിജിപി അന്വേഷണത്തിന് ഉത്തരവിട്ട അതെ സമയത്താണ് ഇത്തരമൊരു തസ്തികയിലേക്ക് വിവാദം നിയമനം നടന്നത്. മാത്രമല്ല, വിനോദ് കുമാറിനെതിരെ മുമ്പ് വകുപ്പ് തല അന്വേഷണം നടത്തിയ ഡിവൈഎസ്പിമാർ അടക്കം പല ഉദ്യോഗസ്ഥരും ഇപ്പോൾ സർക്കാരിന്റെ ഗുഡ് ബുക്കിൽ ഉണ്ട്. അവർക്ക് എതിരെ നീങ്ങാനും പുതിയ ചുമതല വിനോദ് കുമാർ ഉപയോഗിക്കും എന്ന ആശങ്കയും ഉയർന്നു.

വിവാദ ഉത്തരവ് വിനോദ് കുമാർ തന്നെ മുൻകൈ എടുത്ത് ഇറക്കിയത് ആണെന്ന സൂചനയും പുറത്തുവരുന്നുണ്ട്. ഏഷ്യാനെറ്റ്‌ ന്യൂസ് വാർത്തയ്ക്ക് പിന്നാലെ ആഭ്യന്തര മന്ത്രി രമേശ് ചെന്നിത്തല ഇടപെടുകയും ഉത്തരവ് റദാക്കാൻ ഡിജിപിക്ക് നിർദേശം നൽകുകയുമായിരുന്നു. പ്രൊട്ടക്ഷൻ ഓഫ് സിവിൽ റൈറ്റ്സ് എസ്പി ആയി വി ജി വിനോദ് കുമാർ വന്ന വഴിയും അന്വേഷിക്കും.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

BB
About the Author

Bibin Babu

2018 മുതല്‍ ഏഷ്യാനെറ്റ് ന്യൂസ് ഓണ്‍ലൈനില്‍ പ്രവര്‍ത്തിക്കുന്നു. നിലവില്‍ ചീഫ് സബ് എഡിറ്റർ. ജേണലിസത്തില്‍ ബിരുദവും പോസ്റ്റ് ഗ്രാജുവേറ്റ് ഡിപ്ലോമയും നേടി. കേരള, ദേശീയ, അന്താരാഷ്ട്ര വാര്‍ത്തകള്‍, സ്പോര്‍ട്സ് തുടങ്ങിയ വിഷയങ്ങളില്‍ എഴുതുന്നു. ഒമ്പത് വര്‍ഷത്തെ മാധ്യമപ്രവര്‍ത്തന കാലയളവില്‍ നിരവധി ഗ്രൗണ്ട് റിപ്പോര്‍ട്ടുകള്‍, ന്യൂസ് സ്റ്റോറികള്‍, ഫീച്ചറുകള്‍, അഭിമുഖങ്ങള്‍, ലേഖനങ്ങള്‍ തുടങ്ങിയവ പ്രസിദ്ധീകരിച്ചു. അണ്ടര്‍ 17 ഫിഫ ലോകകപ്പ്, ഐപിഎൽ, ഐഎസ്എൽ, നിരവധി അത്ലറ്റിക് മീറ്റുകൾ തുടങ്ങിയ റിപ്പോര്‍ട്ട് ചെയ്തിട്ടുണ്ട്. പ്രിന്‍റ്, ഡിജിറ്റല്‍ മീഡിയകളില്‍ പ്രവര്‍ത്തനപരിചയം. ഇ മെയില്‍: bibin@asianetnews.inRead More...
Read more Articles on
click me!

Recommended Stories

കോൺ​ഗ്രസ് പ്രവർത്തകരോട് മാപ്പ് പറഞ്ഞ് പത്മജ; ബിജെപിയിലേക്ക് പോയത് തെറ്റ്, പദവി മോ​ഹിച്ചല്ല മടക്കം ആ​ഗ്രഹിച്ചത്; ഫേസ്ബുക്ക് പോസ്റ്റ്
'മയിൽപ്പീലി എന്ന പദത്തോടാണോ ഹറാം?'; പരീക്ഷയ്ക്ക് അനുമതി നിഷേധിച്ചത് ദേശവിരുദ്ധ സംഘടനകളെ സന്തോഷിപ്പിക്കാനെന്ന് പി കെ കൃഷ്ണദാസ്