ഉപയോഗിച്ച രണ്ടായിരത്തോളം ഗര്‍ഭനിരോധന ഉറകൾ എംസി റോഡിൽ; നടുറോഡിൽ തള്ളിയത് ഓടുന്ന വാഹനത്തിൽ നിന്ന്

ആലപ്പുഴ ചെങ്ങന്നൂരിൽ എംസി റോഡിൽ ഉപയോഗിച്ച രണ്ടായിരത്തോളം ഗർഭനിരോധന ഉറകൾ കണ്ടെത്തി. വാഹനം കണ്ടെത്താൻ സിസിടിവി ദൃശ്യങ്ങൾ പരിശോധിക്കാൻ പൊലീസ് തീരുമാനിച്ചു

ആലപ്പുഴ: ഉപയോഗിച്ച രണ്ടായിരത്തോളം ഗർഭ നിരോധന ഉറകൾ നടുറോഡിൽ തള്ളി. എംസി റോഡിൽ ചെങ്ങന്നൂർ വെള്ളാവൂർ ജംഗ്ഷനിൽ ആണ് സംഭവം. ഇന്നലെ രാത്രി 10 മണിയോടെയാണ് രണ്ടായിരത്തോളം ഗർഭനിരോധന ഉറകൾ നടുറോഡിൽ കണ്ടെത്തിയത്. ഓടുന്ന വാഹനത്തിൽ നിന്ന് റോഡിലേക്ക് തള്ളുകയായിരുന്നോ അതോ അബദ്ധത്തിൽ വീണതാണോയെന്ന് വ്യക്തമല്ല. വാഹനം കണ്ടെത്താൻ സിസിടിവി ദൃശ്യങ്ങൾ പരിശോധിക്കാൻ പൊലീസ് തീരുമാനിച്ചു. ഉടൻ തന്നെ റോഡിൽ നിന്ന് അവ നീക്കം ചെയ്യാൻ നഗരസഭ നിർദേശം നൽകി.