M V Jayarajan: രക്തദാഹികളായ ആർഎസ്എസിൻ്റെ സയാമീസ് ഇരട്ടയായി കോൺഗ്രസ് മാറി; എം വി ജയരാജൻ

കോൺഗ്രസ്സിൻ്റെ കൊലക്കത്തി രാഷ്ട്രീയത്തിനെതിരെ സിപിഎം പ്രചാരണം സംഘടിപ്പിക്കും. ജനുവരി 26 ന് കണ്ണൂർ ജില്ലയിൽ വെബ് റാലി സംഘടിപ്പിക്കുമെന്നും അദ്ദേഹം പറഞ്ഞു.

കണ്ണൂർ: രക്തദാഹികളായ ആർ എസ് എസിൻ്റെ (RSS)  സയാമീസ് ഇരട്ടയായി കോൺഗ്രസ് (Congress) മാറിയെന്ന് സിപിഎം (CPM) നേതാവ് എം വി ജയരാജൻ (M V Jayarajan) ആരോപിച്ചു. കോൺഗ്രസ്സിൻ്റെ കൊലക്കത്തി രാഷ്ട്രീയത്തിനെതിരെ സിപിഎം പ്രചാരണം സംഘടിപ്പിക്കും. ജനുവരി 26 ന് കണ്ണൂർ ജില്ലയിൽ വെബ് റാലി സംഘടിപ്പിക്കുമെന്നും അദ്ദേഹം പറഞ്ഞു.

കുടുംബശ്രീ സി ഡി എസ് തിരഞ്ഞെടുപ്പിൽ ജില്ലയിൽ യു ഡി എഫ് തോറ്റു. കണ്ണൂർ കോർപ്പറേഷനിൽ സി ഡി എസ് തിരഞ്ഞെടുപ്പ് അട്ടിമറിക്കാൻ യുഡിഎഫ് ശ്രമിച്ചു. സംഘടനാ തിരഞ്ഞെടുപ്പ് നടന്നാൽ കെ പി സി സി പ്രസിഡണ്ട് സ്ഥാനത്ത് നിന്നും കെ സുധാകരൻ പുറത്താകുമെന്നും എം വി ജയരാജൻ അഭിപ്രായപ്പെട്ടു. 

സിപിഎം സമ്മേളനം മാറ്റാൻ നിലവിൽ തീരുമാനിച്ചിട്ടില്ല; മാറ്റിവെക്കേണ്ട സാഹചര്യമാണെങ്കിൽ മാറ്റുമെന്നും കോടിയേരി

സിപിഎം (CPM) സംസ്ഥാന സമ്മേളനം മാറ്റിവെക്കുന്ന കാര്യം പിന്നീട് ആലോചിക്കുമെന്ന് പാർട്ടി സംസ്ഥാന സെക്രട്ടറി കോടിയേരി ബാലകൃഷ്ണൻ (Kodiyeri Balakrishnan) പറഞ്ഞു. സമ്മേളനം മാറ്റാൻ നിലവിൽ തീരുമാനിച്ചിട്ടില്ല. ഇക്കാര്യത്തിൽ ഫെബ്രുവരി പകുതിയോടെ തീരുമാനമെടുക്കും. സമ്മേളനം മാറ്റിവെക്കേണ്ട സാഹചര്യമാണെങ്കിൽ മാറ്റിവെക്കുമെന്നും കോടിയേരി ബാലകൃഷ്ണൻ പറഞ്ഞു. (കൂടുതൽ വായിക്കാം..)