കോയമ്പത്തൂർ ശിരുവാണി റോഡിലെ സെലിബ്രിറ്റി ക്ലബ്ബിൽ പാർട്ടി കഴിഞ്ഞ് മടങ്ങിയവർ സഞ്ചരിച്ച കാർ നിയന്ത്രണം വിട്ട് കിണിറ്റിലേക്ക് മറിയുകയായിരുന്നു.
കോയമ്പത്തൂർ: കോയമ്പത്തൂരിൽ കാർ കിണറ്റിലേക്ക് മറിഞ്ഞ് മൂന്ന് വിദ്യാർഥികൾ മരിച്ചു. ഇന്ന് പുലർച്ചെ കോയമ്പത്തൂർ തന്നമനലൂരിൽ വച്ചാണ് സംഭവം. കോയമ്പത്തൂരിൽ പഠിക്കുന്ന വിദ്യാർഥികളാണ് അപകടത്തിൽപെട്ടത്. ഗോവയിൽ നിന്ന് മടങ്ങി വരുന്നതിനിടയിൽ നിയന്ത്രണം വിട്ട കാർ സമീപത്തെ ഗേറ്റ് തകർത്ത് കിണറ്റിലേക്ക് പതിക്കുകയായിരുന്നു. കൃഷി ആവശ്യത്തിനും മറ്റും ഉപയോഗിക്കുന്ന വലിയ കിണറാണിത്. ആദർശ്, രവി കൃഷ്ണ, നന്ദനൻ എന്നിവരാണ് മരിച്ചത്. കാറോടിച്ച റോഷനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.
പാറശ്ശാലയില്‍ ട്രാവലറിന് പിറകില്‍ കാറിടിച്ചു, ഒരു കുടുംബത്തിലെ 3 പേര്‍ക്ക് പരിക്ക്, അപകടം പുലര്‍ച്ചെ 3 മണിക്ക്
പാറശ്ശാലയിൽ കുറുംങ്കുട്ടി ചെക്പോസ്റ്റിന് സമീപമുണ്ടായ വാഹനാപകടത്തിൽ മൂന്ന് പേര്‍ക്ക് പരിക്ക്. യാത്രാ പാസിനായി നിര്‍ത്തിയിട്ടിരുന്ന ട്രാവലറിന് പിറകിൽ കാര്‍ ഇടിച്ചാണ് പുലര്‍ച്ചെ മൂന്നരയ്ക്ക് അപകമുണ്ടായത്. ഗൾഫിൽ ജോലിചെയ്യുന്ന മകനെ വിമാനത്താവളത്തിൽ കൊണ്ട് വിട്ട് മടങ്ങവെയാണ് കുടുംബത്തിലെ മൂന്ന് പേര്‍ അപകടത്തിൽപ്പെട്ടത്. നാഗര്‍കോവിൽ സ്വദേശികളായ ഷാഹുൽ ഹമീദ്, ഭാര്യ ഷക്കീന, മകൻ അബ്ദുറഹ്മാൻ എന്നിവര്‍ക്കാണ് പരിക്കേറ്റത്. മൂന്ന് പേരെയും തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. അബ്ദുറഹ്മാന്‍റെ ആരോഗ്യനില ഗുരുതരമാണ്. ഇടിയിൽ കാറിന്‍റെ മുൻവശം തകര്‍ന്നു. കാര്‍ ഓടിച്ചിരുന്ന അബ്ദുൾ ഹമീദ് ഉറങ്ങിപ്പോയതോ ചെക്പോസ്റ്റിലെ വെളിച്ച കുറവും, ചാറ്റൽ മഴയുമോ ആകാം അപകട കാരണമെന്നുമാണ് പ്രാഥമിക നിഗമനം.
നെയ്യാറ്റിൻകരയിൽ അമിത വേഗതയിലെത്തിയ ലോറി പാഞ്ഞുകയറി വീട് തകര്‍ന്നു, 4 പേര്‍ രക്ഷപ്പെട്ടത് തലനാരിഴയ്ക്ക്
തിരുവനന്തപുരം നെയ്യാറ്റിൻകരയിൽ അമിത വേഗതയിലെത്തിയ കണ്ടെയ്നര്‍ ലോറി പാഞ്ഞുകയറി വീട് പൂര്‍ണമായും തകര്‍ന്നു. വീട്ടിലുണ്ടായിരുന്ന ഒരുകുടുംബത്തിലെ നാലുപേര്‍ അത്ഭുതകരമായി തലനാരിഴയ്ക്ക് രക്ഷപ്പെട്ടു. ശ്യാംകുമാര്‍ വിശ്വാസും ഭാര്യയും രണ്ട് മക്കളുമാണ് ഓടിട്ട വീട്ടിലുണ്ടായിരുന്നത്. ലോറി നിയന്ത്രണം വിട്ട് വരുന്നത് കണ്ട ഉടനെ വീട്ടിലുണ്ടായിരുന്നവരെല്ലാം ഇറങ്ങി ഓടിയതോടെയാണ് വൻ ദുരന്തം ഒഴിവായത്. തമിഴ്നാട് സ്വദേശികളായ ലോറി ഡ്രൈവര്‍ക്കും ക്ലീനര്‍ക്കും അപകടത്തിൽ പരിക്കേറ്റു.