ആലപ്പുഴയിൽ ഓടയിൽ യുവാവിന്റെ മൃതദേഹം; മറ്റൊരു യുവാവ് കടപ്പുറത്ത് മരിച്ച നിലയിൽ

 മഹാദേവികാട് സ്വദേശി  ശബരിനാഥിനെ (22) ആണ് മരിച്ച നിലയിൽ ഓടയിൽ കണ്ടെത്തിയത്. രാത്രിയിൽ സൈക്കിളിൽ സഞ്ചരിക്കവേ ഓടയിൽ  വീണ് അപകടമുണ്ടായി എന്നാണ് പൊലീസിന്റെ പ്രാഥമിക  നിഗമനം.  

ആലപ്പുഴ: ആലപ്പുഴയിൽ രണ്ടു യുവാക്കളെ മരിച്ച നിലയിൽ കണ്ടെത്തി. ഹരിപ്പാട് വലിയകുളങ്ങരയ്ക്ക് സമീപം റോഡ് അരികിലെ ഓടയിലാണ് ഒരു യുവാവിൻ്റെ മൃതദേഹം കണ്ടെത്തിയത്. മഹാദേവികാട് സ്വദേശി  ശബരിനാഥിനെ (22) ആണ് മരിച്ച നിലയിൽ ഓടയിൽ കണ്ടെത്തിയത്. രാത്രിയിൽ സൈക്കിളിൽ സഞ്ചരിക്കവേ ഓടയിൽ  വീണ് അപകടമുണ്ടായി എന്നാണ് പൊലീസിന്റെ പ്രാഥമിക  നിഗമനം.

ആലപ്പുഴ കടപ്പുറത്തും ഒരു യുവാവിനെ മരിച്ച നിലയിൽ കണ്ടെത്തി.  കൊല്ലം ചടയമംഗലം സ്വദേശി അനൂപ് ചന്ദ്രൻ ആണ് മരിച്ചത്. കൂടുതൽ വിവരങ്ങൾ ലഭ്യമായിട്ടില്ല.