ക്യാന്‍സര്‍ രോഗികള്‍ക്ക് കഴിക്കാം ഈ ഭക്ഷണങ്ങള്‍

ക്യാന്‍സർ പോലുള്ള മാരക രോഗബാധിതരുടെ കാര്യങ്ങളിൽ ഒ​ട്ടേറെ മുൻകരുതൽ ആവശ്യമാണ്​. ക്യാൻസർ ബാധിതർക്ക്​ ഭക്ഷണത്തോടുള്ള താൽപര്യം കുറയുമെന്നാണ്​ വിദഗ്​ദർ പറയുന്നത്​. ചികിത്സക്ക്​ മുമ്പും ശേഷവും ഇവർക്ക്​ നല്ല ഭക്ഷണം നിർബന്ധമാണ്​. അത്തരം അസുധബാധിതർക്കു കഴിക്കാവുന്ന ഏതാനും ഭക്ഷണങ്ങൾ ഇതാ: 

തക്കാളി, കാരറ്റ്​, മത്തങ്ങ, പീച്ച്​ പഴം, മധുരമുള്ളങ്കി തുടങ്ങിയവ ​ കാൻസർ രോഗികൾക്ക്​ നല്ലതാണ്​. ഇവ വിറ്റാമിൻ, ഫൈബർ എന്നിവയാൽ സമ്പന്നമാണ്​. തക്കാളി പ്രോസ്​റ്റേറ്റ്​ കാൻസർ രോഗികൾക്ക്​ നല്ലതാണ്​. കോളിഫ്ലവർ, കാബേജ്​ എന്നിവയും കഴിക്കാം. കൂടുതൽ രോഗാതുരനാകുന്നതിന ഇൗ പച്ചക്കറി, പഴവർഗങ്ങൾ പ്രതി​രോധിക്കുന്നു.   

ഓറഞ്ച്​, ഏത്തപ്പഴം, കിവി, പീച്ച്​ പഴം, സ്​ട്രോബറി, മാങ്ങ, സബർജൻ പഴം എന്നിവ കഴിക്കാം. ഇതുവഴി വിറ്റാമിൻ, ഫൈബർ എന്നിവ കൂടുതലായി ലഭിക്കുന്നു. പേരയ്​ക്ക, വെണ്ണപ്പഴം, ആപ്രിക്കോട്​, അത്തിപ്പഴം എന്നിവയും ഇവരുടെ ഭക്ഷണത്തിൽ ഉൾപ്പെടുത്താം.   

അരി ഭക്ഷണം, ന്യൂഡിൽസ്​, ചപ്പാത്തി, ഗോതമ്പ്​ ബ്രഡ്​ തുടങ്ങിയവ കഴിക്കാം. ഒാട്​സ്​, ചോളം, ഉരുളക്കിഴങ്ങ്​, പാലുൽപ്പന്നങ്ങൾ, പയർ വർഗങ്ങൾ എന്നിവയും കാൻസർ രോഗികൾക്ക്​ കഴിക്കാം. തേൻ മിതമായ രീതിയിൽ കഴിക്കുന്നത്​ അണു​ബാധ തടയാൻ സഹായിക്കും.  

അമതിമായി പൊരിച്ച ഭക്ഷണങ്ങൾ ഒഴിവാക്കണം. ഉപ്പ്​, പഞ്ചസാര എന്നിവയു​ടെ സാന്നിധ്യം കൂടുതലുള്ള ഭക്ഷണവും ഒഴിവാക്കണം. ഒായിൽ ഭക്ഷണങ്ങൾ, സംസ്​ക്കരിച്ച ചുവന്ന മാംസം, മദ്യം, അച്ചാറുകൾ, ജാം എന്നിവ ഒഴിവാക്കേണ്ടതാണ്​.