പഴം ഇനി വെറുമൊരു പഴമല്ല! ഇൻസ്റ്റാഗ്രാമിൽ ഹിറ്റായ 8 ജെൻ സി 'ബനാന' വെറൈറ്റികൾ!

പഴം ഇരുന്നാൽ ഉടനെ പഴംപൊരി ഉണ്ടാക്കുന്ന കാലമൊക്കെ കഴിഞ്ഞു! ഇപ്പോൾ സോഷ്യൽ മീഡിയയിൽ പഴുത്ത പഴം ഒരു സൂപ്പർ സ്റ്റാറാണ്. വെറും ഹെൽത്തി ആയതുകൊണ്ട് മാത്രം കാര്യമില്ല, അത് കാണാൻ നല്ല 'ഏസ്തറ്റിക്' ലുക്കും വേണം എന്ന വാശിയുള്ളവരാണ് നമ്മുടെ ജെൻ സി .

നമ്മുടെ വീട്ടിലെ ഡൈനിംഗ് ടേബിളിൽ എപ്പോഴും കാണുന്ന ഒന്നാണ് പഴം. പക്ഷേ, ഇന്നത്തെ തലമുറയ്ക്ക് പഴം എന്ന് കേൾക്കുമ്പോൾ പഴംപൊരിയോ പായസമോ അല്ല ഓർമ്മ വരുന്നത്. ഹെൽത്തിയും ടേസ്റ്റിയും എന്നാൽ കാണാൻ ലുക്കും വേണം എന്ന ജെൻ സി പോളിസിയാണ് ഇവിടെ ഓരോ വിഭവത്തിലും കാണുന്നത്. നിങ്ങളുടെ പ്രഭാതഭക്ഷണവും സ്നാക്സും കൂടുതൽ സ്റ്റൈലിഷ് ആക്കാൻ ഇതാ 8 പഴം വിഭവങ്ങൾ...

1. ബനാന ബ്രെഡ്

ലോക്ക്ഡൗൺ കാലത്ത് എല്ലാവരും പരീക്ഷിച്ചു തുടങ്ങിയ ഈ വിഭവം ഇപ്പോഴും ട്രെൻഡിംഗാണ്. നന്നായി പഴുത്ത പഴം വീട്ടിലുണ്ടെങ്കിൽ കളയാതെ ചെയ്യാവുന്ന ഏറ്റവും ബെസ്റ്റ് ഹാക്ക് ആണിത്. പഴുത്ത പഴം ഉടച്ചെടുത്തതിൽ ഗോതമ്പ് പൊടിയോ ഓട്‌സ് പൊടിയോ ചേർക്കുക. കൂടെ അല്പം തേൻ, ബേക്കിംഗ് പൗഡർ, ചോക്ലേറ്റ് ചിപ്‌സ് എന്നിവ ചേർത്ത് മിക്സ് ചെയ്ത് ഓവനിലോ കുക്കറിലോ ബേക്ക് ചെയ്തെടുക്കാം. ഇതിൽ ഫൈബർ ധാരാളമുണ്ട്. ഇത് ദഹനത്തിന് സഹായിക്കുകയും ദീർഘനേരം വിശക്കാതിരിക്കാൻ സഹായിക്കുകയും ചെയ്യും. ഇതിന്റെ മണം വീട് മുഴുവൻ നിറയുമ്പോൾ കിട്ടുന്ന ഒരു സുഖം വേറെ തന്നെയാണ്..

2. ബനാന പാൻകേക്ക്

രാവിലെ കോളേജിലോ ഓഫീസിലോ പോകാൻ തിരക്കുള്ളവർക്ക് പറ്റിയ സ്റ്റാൻഡേർഡ് ഐറ്റം. വെറും മൂന്ന് സാധനങ്ങൾ മതി - പഴം, മുട്ട, കുറച്ച് പാൽ. രണ്ട് മുട്ടയും ഒരു പഴുത്ത പഴവും ഉടച്ച് നന്നായി യോജിപ്പിക്കുക. ഒരു പാനിൽ അല്പം ബട്ടർ തടവി ഈ മിശ്രിതം ഒഴിച്ച് രണ്ട് വശവും ചുട്ടെടുക്കാം. മുട്ടയിലെ പ്രോട്ടീനും പഴത്തിലെ പൊട്ടാസ്യവും ചേരുമ്പോൾ ഇതൊരു മികച്ച 'മസിൽ ബിൽഡിംഗ്' ബ്രേക്ക്‌ഫാസ്റ്റ് ആയി മാറുന്നു. പഞ്ചസാരയ്ക്ക് പകരം തേൻ ഒഴിക്കുക. കൂടെ കുറച്ച് ബ്ലൂബെറിയോ സ്ട്രോബെറിയോ കൂടി ഉണ്ടെങ്കിൽ നിങ്ങളുടെ ഇൻസ്റ്റാഗ്രാം സ്റ്റോറിക്ക് ഒരു ഏസ്തറ്റിക് ലുക്ക് കിട്ടും.

3. ബനാന നൈസ് ക്രീം

ഐസ്ക്രീം കഴിക്കണം പക്ഷേ തടി കൂടരുത് എന്ന് ആഗ്രഹമുള്ളവർക്ക് വേണ്ടിയുള്ള ഒന്നാണിത്. ഇതിൽ പാലും ക്രീമും ഒന്നും ചേർക്കുന്നില്ല. തൊലി കളഞ്ഞ പഴം കഷ്ണങ്ങളാക്കി ഫ്രീസറിൽ വെച്ച് തണുപ്പിക്കുക. ശേഷം മിക്സിയിലിട്ട് ക്രീം ആകുന്നത് വരെ അടിച്ചെടുക്കുക. ഇതിൽ പഞ്ചസാര ചേർക്കേണ്ട ആവശ്യമില്ല. സാധാരണ ഐസ്ക്രീമിലെ അമിത കലോറിയോ പൈപ്പുകളോ ഇല്ലാത്തതുകൊണ്ട് ഇത് 'ഗിൽറ്റ്-ഫ്രീ' ആയി ആസ്വദിക്കാം. ഫ്രീസ് ചെയ്ത ബെറികളോ പിസ്തയോ ചേർത്ത് ഇത് കൂടുതൽ കളർഫുൾ ആക്കാം.

4. പീനട്ട് ബട്ടർ ബനാന ടോസ്റ്റ്

ജിമ്മിൽ പോകുന്നവരുടെയും ഹെൽത്ത് കോൺഷ്യസ് ആയവരുടെയും ഫേവറിറ്റ് ആണിത്. ബ്രെഡ് ടോസ്റ്റ് ചെയ്ത ശേഷം അതിൽ പീനട്ട് ബട്ടർ തേക്കുക. അതിന് മുകളിൽ പഴം റൗണ്ടായി അരിഞ്ഞതും അല്പം ചിയാ സീഡ്‌സും വിതറുക. ഇൻസ്റ്റന്റ് എനർജി നൽകാൻ ഇത് ബെസ്റ്റ് ആണ്. ഹൃദയാരോഗ്യത്തിന് നല്ലതായ ഹെൽത്തി ഫാറ്റുകൾ ഇതിലുണ്ട്. പഴത്തിലെ പൊട്ടാസ്യവും പീനട്ട് ബട്ടറിലെ പ്രോട്ടീനും ചേർന്ന് നിങ്ങൾക്ക് ഒരു 'എനർജി ബൂസ്റ്റ്' നൽകും.

5. ചോക്കോ ബനാന ബൈറ്റ്‌സ്

പഴം വട്ടത്തിൽ അരിഞ്ഞ് അതിനിടയിൽ പീനട്ട് ബട്ടർ വെച്ച് സാൻഡ്‌വിച്ച് പോലെയാക്കുക. ഇത് ഉരുക്കിയ ഡാർക്ക് ചോക്ലേറ്റിൽ മുക്കി ഫ്രീസറിൽ വെച്ച് തണുപ്പിക്കുക. ഡാർക്ക് ചോക്ലേറ്റിലെ ആന്റിഓക്‌സിഡന്റുകൾ ചർമ്മത്തിന്റെ തിളക്കം കൂട്ടാൻ സഹായിക്കും. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന മികച്ചൊരു സ്നാക്ക് തന്നെയാണിത്.

6. കാരമലൈസ്ഡ് ബനാന

പാനിൽ അല്പം നെയ്യോ വെണ്ണയോ ചൂടാക്കി പഴം നെടുകെ മുറിച്ച് വെക്കുക. മുകളിൽ അല്പം കറുവപ്പട്ട പൊടിയും തേനും ഒഴിച്ച് ബ്രൗൺ നിറമാകുന്നത് വരെ വാട്ടിയെടുക്കുക. കറുവപ്പട്ട രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. ഇത് കാണാൻ വളരെ 'ലക്ഷ്വറി' ലുക്കുള്ള വിഭവമാണ്. വാനില ഐസ്ക്രീമിനൊപ്പം ചൂടുള്ള ഈ കാരമലൈസ്ഡ് ബനാന കഴിക്കുന്നത് ഒരു ഹെവൻലി ഫീൽ നൽകും.

7. ബനാന സ്മൂത്തി ബൗൾ

ഇന്ന് സോഷ്യൽ മീഡിയയിൽ ഏറ്റവും കൂടുതൽ ലൈക്ക് കിട്ടുന്ന ബ്രേക്ക്ഫാസ്റ്റ് ആണിത്. പഴം അടിച്ചെടുത്ത് ഒരു ബൗളിൽ ഒഴിച്ച് അതിന് മുകളിൽ പലതരം പഴങ്ങളും നട്സും നിരത്തി വെക്കുന്നു. കുറച്ച് ഗ്രാനോള കൂടി ഇതിൽ ചേർത്താൽ കഴിക്കാൻ നല്ല ക്രിസ്പി ആയിരിക്കും.

8. ബനാന സുഷി

പേര് കേട്ട് പേടിക്കണ്ട! ഇതൊരു ഡെസേർട്ട് സുഷിയാണ്. പഴത്തിന് ചുറ്റും പീനട്ട് ബട്ടർ തേച്ച് അതിന് മുകളിൽ ചിരകിയ തേങ്ങയോ ചോക്ലേറ്റോ വിതറി സുഷി പോലെ കട്ട് ചെയ്യുന്നു. പാർട്ടിക്ക് വരുന്നവർക്ക് കൊടുക്കാൻ പറ്റിയ ഏറ്റവും സ്റ്റൈലിഷ് ആയ സ്നാക്ക് ആണിത്.

പഴം എന്നത് വെറുമൊരു നാടൻ വിഭവം മാത്രമല്ല. നിങ്ങളുടെ ക്രിയേറ്റിവിറ്റി ഉപയോഗിച്ചാൽ അതിനെ ലോകോത്തര വിഭവമാക്കി മാറ്റാം. അടുത്ത തവണ വീട്ടിൽ പഴം ബാക്കി വരുമ്പോൾ അത് വെറുതെ കഴിക്കാതെ ഇതുപോലെ ഒന്ന് പരീക്ഷിച്ചു നോക്കൂ. നിങ്ങളുടെ ഡൈനിംഗ് ടേബിൾ ഒരു മോഡേൺ കഫേ പോലെ തോന്നും..