Teachers' Day : ഇന്ന് ദേശീയ അധ്യാപക ദിനം : ഓർക്കാം, ആദരിക്കാം നമ്മുടെ പ്രിയപ്പെട്ട ഗുരുക്കന്മാരെ
Synopsis
1888 സെപ്റ്റംബർ 5 നാണ് അദ്ദേഹം ജനിച്ചത്. തന്റെ ജന്മദിനം വ്യക്തിപരമായി ആഘോഷിക്കുന്നതിന് പകരം അധ്യാപകരുടെ സേവനങ്ങളെ അംഗീകരിക്കുന്ന ദിവസമായി ആചരിക്കണമെന്നാണ് അദ്ദേഹം ആഗ്രഹിച്ചത്.
ഇന്ന് സെപ്റ്റംബർ 5 ആണ്. അധ്യാപകരെ ആദരിക്കുന്നതിനും, വിദ്യാർത്ഥികളെയും സമൂഹത്തെയും രൂപപ്പെടുത്തുന്നതിൽ അവർ വഹിക്കുന്ന നിർണായക പങ്ക് അംഗീകരിക്കുന്നതിനുമായി സമർപ്പിക്കപ്പെട്ട ഒരു പ്രത്യേക ദിവസമാണ് അധ്യാപക ദിനം. ഇന്ത്യയുടെ മുൻ രാഷ്ട്രപതിയും ഡോ. സർവേപ്പള്ളി രാധാകൃഷ്ണന്റെ ജന്മദിനമാണ് ഇന്ത്യയിൽ അധ്യാപക ദിനമായി തിരഞ്ഞെടുത്തത്.
1888 സെപ്റ്റംബർ 5 നാണ് അദ്ദേഹം ജനിച്ചത്. തന്റെ ജന്മദിനം വ്യക്തിപരമായി ആഘോഷിക്കുന്നതിന് പകരം അധ്യാപകരുടെ സേവനങ്ങളെ അംഗീകരിക്കുന്ന ദിവസമായി ആചരിക്കണമെന്നാണ് അദ്ദേഹം ആഗ്രഹിച്ചത്. ചെന്നൈ പ്രസിഡൻസി കോളേജിലും കൽക്കട്ട യൂണിവേഴ്സിറ്റിയിലും ഉൾപ്പെടെ വിവിധ കോളേജുകളിലും യൂണിവേഴ്സിറ്റികളിലും പ്രൊഫസറായി ഡോ എസ്. രാധാകൃഷ്ണൻ സേവനമനുഷ്ഠിച്ചിട്ടുണ്ട്.
ആന്ധ്രാപ്രദേശ് യൂണിവേഴ്സിറ്റി, ഡൽഹി യൂണിവേഴ്സിറ്റി, ബനാറസ് ഹിന്ദു യൂണിവേഴ്സിറ്റി എന്നിവയുടെ വൈസ് ചാൻസലറായും സേവനമനുഷ്ഠിച്ചു. ഈ ദേശീയ അധ്യാപക ദിനത്തിൽ അധ്യാപകർക്ക് അയക്കാവുന്ന ചില സന്ദേശങ്ങൾ.
അറിവിന്റെയും സ്നേഹത്തിന്റെയും പാഠങ്ങൾ പകർന്നുനൽകിയ എല്ലാ ഗുരുക്കന്മാർക്കും ഹൃദയം നിറഞ്ഞ അധ്യാപകദിനാശംസകൾ!
സ്കൂൾ ജീവിതം കുറച്ചുകൂടി സവിശേഷമാക്കിയ അധ്യാപകന്/അധ്യാപികയ്ക്ക് അധ്യാപകദിനാശംസകൾ.
ജീവിതത്തിൽ ശരിയും തെറ്റും തിരിച്ചറിയാൻ വഴികാട്ടിയായ പ്രിയപ്പെട്ട അധ്യാപകർക്ക് എന്റെ അധ്യാപകദിന ആശംസകൾ.
നിങ്ങൾ തികച്ചും രസകരമാക്കിയ പാഠങ്ങൾ എനിക്കിപ്പോഴും ഓർമ്മയുണ്ട്. അധ്യാപകദിനാശംസകൾ!
ചില അധ്യാപകർ പാഠഭാഗങ്ങൾ പഠിപ്പിക്കുമ്പോൾ, എനിക്ക് കാര്യങ്ങൾ ചെയ്യാൻ കഴിയുമെന്ന് വിശ്വസിക്കാൻ നിങ്ങൾ എന്നെ പഠിപ്പിച്ചു. അധ്യാപകദിനാശംസകൾ!
ക്ഷമയോടെയും സ്നേഹത്തോടെയും ഞങ്ങളെ പഠിപ്പിച്ച എല്ലാ ഗുരുക്കന്മാർക്കും ആദരവോടെ അധ്യാപകദിനാശംസകൾ!
നല്ലൊരു നാളേക്കായി ഞങ്ങളെ നയിക്കുന്ന എല്ലാ ഗുരുജനങ്ങൾക്കും ഹൃദയം നിറഞ്ഞ അധ്യാപകദിനാശംസകൾ!