മുഖക്കുരു ഒറ്റരാത്രികൊണ്ട് കുറയ്ക്കാം: 5 ലളിതമായ വിദ്യകൾ

സുന്ദരമായ ചർമ്മം എല്ലാവരുടെയും ആഗ്രഹമാണ്. പലപ്പോഴും വിരുന്നുകാരെപ്പോലെ അപ്രതീക്ഷിതമായാണ് മുഖക്കുരുക്കൾ പ്രത്യക്ഷപ്പെടാറുള്ളത്. ചർമ്മത്തിലെ സുഷിരങ്ങളിൽ അമിതമായി എണ്ണമയവും അഴുക്കും അടിയുന്നതാണ് ഇതിന് പ്രധാന കാരണം.                                     

രാവിലെ ഉണരുമ്പോൾ മുഖത്ത് ഒരു കുരു പ്രത്യക്ഷപ്പെടുന്നത് ആർക്കും ഇഷ്ടമുള്ള കാര്യമല്ല. പ്രത്യേകിച്ച് പ്രധാനപ്പെട്ട ഒരു ചടങ്ങോ ജോലിയോ ഉള്ള ദിവസമാണെങ്കിൽ അത് കൂടുതൽ പ്രയാസമുണ്ടാക്കും. അമിതമായ എണ്ണമയവും ബാക്ടീരിയകളുമാണ് ഇത്തരം ചെറിയ കുരുക്കൾക്ക് പ്രധാന കാരണം. ഇവയെ വേഗത്തിൽ കുറയ്ക്കാൻ സഹായിക്കുന്ന ചില വീട്ടുവൈദ്യങ്ങൾ നോക്കാം.

1. ഐസ് ക്യൂബ് തെറാപ്പി

മുഖക്കുരുവിന്റെ വീക്കവും ചുവപ്പും കുറയ്ക്കാൻ ഏറ്റവും എളുപ്പമുള്ള വഴിയാണിത്. ഒരു ചെറിയ ഐസ് കഷ്ണം വൃത്തിയുള്ള തുണിയിൽ പൊതിഞ്ഞ് കുരു ഉള്ള ഭാഗത്ത് 1-2 മിനിറ്റ് അമർത്തി പിടിക്കുക. ഇത് ചർമ്മത്തിലെ രക്തയോട്ടം നിയന്ത്രിക്കുകയും വീക്കം പെട്ടെന്ന് കുറയ്ക്കുകയും ചെയ്യുന്നു.

2. തേനും നാരങ്ങാനീരും

പ്രകൃതിദത്തമായ ആന്റി ബാക്ടീരിയൽ ഗുണങ്ങൾ തേനിലുണ്ട്. ഒരു ടീസ്പൂൺ തേനിലേക്ക് രണ്ട് തുള്ളി നാരങ്ങാനീര് ചേർത്ത് കുരുക്കൾക്ക് മുകളിൽ പുരട്ടുക. 20 മിനിറ്റിന് ശേഷം കഴുകിക്കളയാം അല്ലെങ്കിൽ രാത്രി മുഴുവൻ വയ്ക്കാം. സെൻസിറ്റീവ് സ്കിൻ ഉള്ളവർ നാരങ്ങ ഒഴിവാക്കുന്നത് നല്ലതാണ്. ഇത് ബാക്ടീരിയകളെ നശിപ്പിക്കുകയും ചർമ്മം പെട്ടെന്ന് ഉണങ്ങാൻ സഹായിക്കുകയും ചെയ്യുന്നു.

3. കറ്റാർവാഴ

ചർമ്മത്തിലെ അസ്വസ്ഥതകൾ മാറ്റാൻ കറ്റാർവാഴയോളം നല്ല മറ്റൊരു മരുന്നില്ല. ഉറങ്ങുന്നതിന് മുമ്പ് ശുദ്ധമായ കറ്റാർവാഴ ജെൽ കുരുക്കൾക്ക് മുകളിൽ പുരട്ടുക. രാവിലെ എഴുന്നേൽക്കുമ്പോൾ തണുത്ത വെള്ളത്തിൽ മുഖം കഴുകുക. ഇത് കുരുക്കൾ മൂലമുണ്ടാകുന്ന അണുബാധ തടയുന്നു.

4. മഞ്ഞൾപ്പൊടി

മഞ്ഞളിലെ 'കുർക്കുമിൻ' ഒരു മികച്ച ആന്റിസെപ്റ്റിക് ആണ്. അല്പം മഞ്ഞൾപ്പൊടിയും വെള്ളവും ചേർത്ത് പേസ്റ്റ് രൂപത്തിലാക്കി കുരുവിൽ പുരട്ടുക. ഉണങ്ങിയ ശേഷം കഴുകിക്കളയാം. ചുവന്ന തടിപ്പും വേദനയും മാറ്റാൻ ഇത് സഹായിക്കും.

5. വേപ്പില

ചെറിയ കുരുക്കളും തരിതരിപ്പും മാറാൻ വേപ്പില ഉത്തമമാണ്. നാലോ അഞ്ചോ വേപ്പില അരച്ച് ആ നീര് കുരുവിൽ പുരട്ടുക. ഇത് മുഖത്തെ അനാവശ്യ ബാക്ടീരിയകളെ നീക്കം ചെയ്ത് ചർമ്മം വൃത്തിയാക്കുന്നു.

ശ്രദ്ധിക്കേണ്ട കാര്യങ്ങൾ:

• കുരുക്കൾ പൊട്ടിക്കരുത്: കുരുക്കൾ കൈകൊണ്ട് തൊടാനോ പൊട്ടിക്കാനോ ശ്രമിക്കരുത്. ഇത് പാടുകൾ വരാനും അണുബാധ പടരാനും കാരണമാകും.
• വൃത്തി: മുഖം എപ്പോഴും വൃത്തിയായി കഴുകുക. ഉറങ്ങുന്നതിന് മുമ്പ് മേക്കപ്പ് പൂർണ്ണമായും നീക്കം ചെയ്യുക.
• വെള്ളം കുടിക്കുക: ഉള്ളിൽ നിന്ന് ചർമ്മം വൃത്തിയാകാൻ ധാരാളം വെള്ളം കുടിക്കുന്നത് ശീലമാക്കുക.

നിങ്ങളുടെ ചർമ്മം വളരെ സെൻസിറ്റീവ് ആണെങ്കിൽ, ഏതെങ്കിലും പ്രയോഗിക്കുന്നതിന് മുമ്പ് ഒരു 'പാച്ച് ടെസ്റ്റ്' ചെയ്യാൻ മറക്കരുത്. ചെവിയുടെ പുറകിലോ കൈയിലോ അല്പം പുരട്ടി നോക്കുക