ആൺസുഹൃത്തിനൊപ്പം പാർക്കിലിരുന്ന 33കാരിക്ക് സഹോദരന്‍റെ മർദ്ദനം; 38,000 രൂപയുടെ ഫോണും ഹെഡ്സെറ്റും തകർത്തു

കണ്ണൂർ തലശ്ശേരിയിൽ ആൺസുഹൃത്തിനൊപ്പം പാർക്കിലിരുന്ന 33കാരിയെ സഹോദരൻ മർദിച്ചതായി പരാതി. തലശ്ശേരി കോടതിക്ക് സമീപമുള്ള പാർക്കിലായിരുന്നു സംഭവം. യുവതിയുടെ 38,000 രൂപ വിലമതിക്കുന്ന മൊബൈൽ ഫോണും ഹെഡ്സെറ്റും സഹോദരൻ തകർത്തതായും മുഖത്ത് മർദിച്ചതായും പരാതിയിൽ പറയുന്നു.

കണ്ണൂർ: ആൺസുഹൃത്തിനൊപ്പം പാർക്കിലിരുന്ന 33കാരിയെ സഹോദരൻ മർദിച്ചു. തലശ്ശേരി കോടതിക്ക് സമീപമുള്ള പാർക്കിലാണ് സംഭവം. 38,000 രൂപയുടെ ഫോണും ഹെഡ്സെറ്റും തകർത്തു. മുഖത്ത് അടിച്ചെന്നും യുവതിയുടെ പരാതിയിൽ പറയുന്നു. ലഹരി വിൽപ്പനക്കാരെന്ന് പറഞ്ഞാണ് സഹോദരൻ അധിക്ഷേപിച്ചത്. ചമ്പാട് സ്വദേശിയായ യുവതിയുടെ പരാതിയിൽ പൊലീസ് കേസ് എടുത്തിട്ടുണ്ട്. ആൺസുഹൃത്തിനും പരിക്കേറ്റു. നേരത്തെയും സഹോദരൻ മർദിച്ചിട്ടുണ്ടെന്നാണ് 33കാരിയായ യുവതിയിൽ പരാതിയിൽ വ്യക്തമാക്കിയിട്ടുള്ളത്.