കൊച്ചിയിൽ വാ​ഹനപരിശോധനക്കിടെ കാർ നിർത്താതെ പോയി, പിന്തുടർന്ന പിടികൂടിയ പൊലീസിന് മർദ്ദനമേറ്റു

കാറിലുണ്ടായിരുന്ന ശ്രീചന്ദ് എന്നയാളെ കസ്റ്റഡിയിലെടുത്തു. മാറ്റൊരു പ്രതി ശ്യാംകുമാർ ഒളിവിലാണ്.

കൊച്ചി: വാഹന പരിശോധനക്കിടെ പൊലീസ് ഉദ്യോഗസ്ഥർക്ക് മർദനമേറ്റു. എറണാകുളം വടക്കേക്കര പൊലീസ് സ്റ്റേഷനിലേ ഉദ്യാഗസ്ഥർക്ക് നേരെയാണ് അക്രമമുണ്ടായത്. സംഭവത്തിൽ രണ്ട് ഉദ്യോ​ഗസ്ഥർക്ക് പരിക്കേറ്റു. വാഹനപരിശോധനക്കിടെ നിർത്താതെ പോയ കാറിലുണ്ടായിരുന്നവരെ കസ്റ്റഡിയിലെടുക്കാൻ ശ്രമിച്ചപ്പോഴാണ് മർദനം. പ്രതികൾ മദ്യലഹരിയിലായിരുന്നുവെന്ന് പൊലീസ്. കാറിലുണ്ടായിരുന്ന ശ്രീചന്ദ് എന്നയാളെ കസ്റ്റഡിയിലെടുത്തു. മാറ്റൊരു പ്രതി ശ്യാംകുമാർ ഒളിവിലാണ്.